Lua tosi ki le kau Kolinto 3:6 - Tosi Tapu

⁶ Ko ia foki leia na teuteui ia maua ke ma liliu ko ni tagata gaoi o se sai foou, leai o le matai tosi, kae o le Laumalie ; talie e tamate e le matai tosi, kae e saofaki e le Laumalie.

Lua tosi ki le kau Kolinto 3:6 ပူးပေါင်းရင်းမြစ်များ

Selemia 31:31

E pati le Eteleno : E soko mai loa a aso, Ala e kau fai ai loa mo le fale o Iselaele mo le fale o Suta, Se sai foou,

Mateo 13:52

Ti na pati loa a ia kia latou : Koia ko sekelipa fuli kua ako o uiga mo le Puleaga o le atu lagi, e tatau mo se pule kaiga leia e too ia mei lona koloa ni nea foou mo ni nea afea.

Mateo 26:28

talie ko le nea leinei ko loku toto, ko le toto o le sai foou, leia na liligi ki le toka api, ke fakamolemole ai a agasala.

Maleko 14:24

Ti na pati loa Sesu kia latou : Ko le nea leinei ko loku toto, ko le toto o le sai foou, leia e liligi o tupu ko le toka api.

Luka 22:20

I le oki o le kai, na toe too foki e ia le ipu, o soli a ia kia latou, o pati : Ko le ipu leinei o le sai foou i loku toto, leia e liligi o tupu ko koutou.

Soane 5:21

Talie ofaipe le tamana e fakatuuake ia le kau mate ti e soli ia kia latou le mauli, e toe soli foki e le Alo le mauli ki leia e loto a ia ki ai.

Soane 6:63

Ko le Laumalie leia e fakamauli ia. E leai sona aoga o le tino. Ko folafola ala na kau fakasa atu kia koutou e Laumalie ti e mauli.

Loma 1:5

Ko ia leia na motou tali mei ai le kalasia mo le gaoi fakaapositolo, ke aumai i lona suafa ki le fakalogo o le tui a puleaga pagani fuli,

Loma 3:20

Talie e leaise fakamatatonu loa se tasi i mua o le Atua e gaoi o le lao, talie e tupu mei le lao le iloa o le agasala.

Loma 4:15

Talie e fakatupu e le lao le sausau o le Atua ; kae i le ganea e leaise maua ai se lao, e leaise maua ai foki se sala ki le lao.

Loma 4:17

Kua kau fakanofo a koe ko le tamana o ni puleaga mauke ai. Ko ia ko lotatou tamana i mua o leia na tui a ia ki ai, le Atua, leia e soli ia le mauli ki le kau mate, ti e pati ki nea ala e leikiaise tupu pe ni nea kua tupu.

Loma 7:6

Kae i le temi nei, kua fakamavae tatou mei le lao, talie kua tou mamate ki le lao lena na tou pikiia ai, o tupu ke tou tausi i se loto foou, kae e leai i le matai tosi leia kua matua.

Loma 8:2

Talie, ko le lao o le Laumalie o le mauli ia Sesu-Kilisito, kua fakalauatea ia au mei le lao o le agasala ti mo le mate.

Uluaki tosi ki le kau Kolinto 11:25

Ti na fenaaki foki, i le oki o le kai, na too loa e ia le ipu, o pati : Ko le ipu leinei o le sai foou i loku toto ; kotou fai le nea leinei ko se fakamanatu kiate au, i temi fuli ala e kotou inu ai loa a ia.

Uluaki tosi ki le kau Kolinto 12:28

Ti kua fakanofo e le Atua i le Ekelesia, ko le uluaki ko le kau apositolo, ko le lua ko le kau polofeta, ko le tolu ko le kau fai akonaki, ti sosolo ai mai latou ala e maua ia le nea alofa o milakulo, ti mo latou ala e maua ia a nea alofa ke fakamauli ai a masaki, ke tokoi, ke lagiaki, ke masau ki masau kesekese.

Uluaki tosi ki le kau Kolinto 15:45

Koia e tuu ai i le tosi : Ko le uluaki tagata, ko Atama, na liliu a ia ko se laumalie mauli. Ko le Atama fakamuli, ko Sesu, kua liliu a ia ko se Laumalie fakamauli.

Uluaki tosi ki le kau Kolinto 3:10

O mulimuli ki le kalasia o le Atua leia kua soli mai kiate au, kua kau teki le fakavae ofaipe se tufuga fale poto, ti na fau loa e se tasi ake i aluga. Kae ke tasi tokaga ki lana faasiga fau i aluga.

Uluaki tosi ki le kau Kolinto 3:5

Ko ai Apolosio, ti ko ai Paulo ? Ko ni tagata fakasausau fai laua, ala na kotou tui ai, o mulimuli ki le nea leia na soli e le Aliki kia laua taki toka tasi.

Lua tosi ki le kau Kolinto 11:23

Pe ko tagata fakasausau latou a Kilisito ? E kau masau fakavale, e kau fakalaka ake ia latou : i gaoi, e kau lasi ake ; i sasa, e kau toe lasi ake ; i fakapilisoni, e kau lasi ake. Na tua lasi loku tutamaki ki le mate.

Lua tosi ki le kau Kolinto 3:14

Kae kua lotou liliu o fefeka i olatou atamai. Talie o kaku mai ki le aso nei, e koi tuumau le pulou lena mo ka lotou lau le Tausi Afea, ti e leaise toe puli le kie lena, talie koi puli a ia ia Kilisito.

Lua tosi ki le kau Kolinto 3:3

Kua fakasa maoki koutou ko se tosi koutou a Kilisito, leia kua tosi e lama gaoi, o leai ki se vaitosi, kae ki le Laumalie o le Atua mauli, o leai i ni laupapa fatu, kae i ni laupapa kanofi, i mafu.

Lua tosi ki le kau Kolinto 3:7

Ti kapau na fakasa le kololia o le Atua e le gaoi o le mate, leia na tosi ki ni matai tosi i ni fatu, o leaise mafai ke tio a fanau o Iselaele ki mata o Moisese, o tupu ko le gigila o ona mata, logo ai ko se kololia fakatemi a ia :

Lua tosi ki le kau Kolinto 3:9

Talie kapau na kololia ia le gaoi o le fakamalaia, ti e toe fakalaka mamao ake le kololia ia o le gaoi o le faitotonu.

Kalate 3:21

Pe fakafesagai le lao ki fakapapau a le Atua ? E leai ai ! Ka na soli mai se lao leia e mafai ke soli ia le mauli, e au maoki loa le faitotonu mei le lao.

Efeso 2:1

Na kotou mamate i akoutou patigataa mo akoutou agasala,

Efeso 2:5

tatou ala na mamate i atatou patigataa, kua fakamauli e ia tatou fakatasi mo Kilisito (kua kotou mauli i le kalasia) ;

Efeso 3:7

leia kua kau liliu ko lona tagata gaoi, o mulimuli ki le nea alofa o le kalasia o le Atua, leia na soli mai kiate au i le gaoi makeke o lona mafimafi.

Tetelonome 27:26

Ke malaia le tagata leia e leaise fakalogo loa ki folafola o le lao leinei, ti e leaise fai ia loa latou ! Ti e pati loa le kakai katoa : Amene !

Uluaki tosi kia Timoteo 4:6

I lau fakasa a nea ana ki fetaina, e ke liliu loa ko se tagata gaoi malie a Sesu-Kilisito, leia e fagai e folafola o le tui ti mo le akonaki malie leia kua ke mulimuli totonu ki ai.

Lua tosi kia Timoteo 1:11

Ko le Evaselio lena, kua fakanofo au ki ai ko le tagata fai akonaki, mo le apositolo leia e tonu ke ako ia le kau pagani.

Epelo 12:24

kia Sesu leia ko le tagata fakasoko pati o le sai foou, ki le toto o le afusi leia e masau malie ake i le toto o Apele.

Epelo 13:20

Ko le Atua o le tokamalie, leia na toe aumai ia mei le kau mate le tagata tausi ovi lasi o ovi, ki le toto o se sai lee gato, lotatou Aliki ko Sesu,

Epelo 7:22

I le nea foki lena, na soko ai Sesu ko le fakamaoki o se sai malie tukupau.

Epelo 8:13

I le pati : sai foou, na fakasa e ia kua matua le uluaki sai ; Koia ko le nea leia kua matua, le nea leia kua gaegae, kua meimei ke puli.

Uluaki tosi a Petelo 3:18

Talie ko Kilisito foki na mamae o tua tasi o tupu ko le agasala, a ia leia na agatonu ki le kau lee agatonu, o tupu ke aumai e ia tatou ki le Atua ; ti na tamate a ia i lona tino fakatagata, kae na toe aumai a ia ki le mauli e le Laumalie.

Uluaki tosi a Soane 1:1

Ko le nea leia na agai i le kamataaga, leia na motou logo ki ai, leia na motou tio mata ki ai, leia na motou matamata ki ai, ti na motou fafa lima ki ai, ki le Folafola o le mauli,