Lua tosi ki le kau Kolinto 3:5 - Tosi Tapu

⁵ Talie ke aua na pati e ma mafai ia e maua totonu ke ma fakatupu ia se nea o sakinake e au meia maua totonu ; kae e au mei le Atua loma mafai.

Lua tosi ki le kau Kolinto 3:5 ပူးပေါင်းရင်းမြစ်များ

Senesi 41:16

Na tali loa Sosefo kia Falaone : E leaise ko au ! Kae ko le Atua leia e soli ia loa se tali malie kia Falaone.

Lua tosi o Koloniko 30:12

I Suta foki na gaoi le lima o le Atua o soli kia latou se loto tasi, ke lotou fai le fakatotonu a le sau mo le kau pule, o mulimuli ki le folafola a le Eteleno.

Luka 21:15

Talie e kau soli atu loa kia koutou se gutu mo se poto ala e leaise mafai ke tali ki ai okoutou fili pe ke lotou taofi.

Luka 24:49

Ko leinei, e kau kakau mai loa kia koutou le nea leia na fakapapau e loku Tamana ; kae ko koutou, kotou nonofo i le kolo o kaku ki lakotou kofu le makeke mei aluga.

Soane 15:5

Ko au ko le tafito vite, ko koutou ko laa vite. Ko leia e nofo iate au, ti e kau nofo iate ia, e fua a ia o lasi, talie ka sala mo au e leaise kotou mafai se nea.

Loma 15:18

Talie kapau e mafai ke kau masau ki se nea, ti ko le nea fai leia na fai e Kilisito iate au ke aumai ai le kau pagani ki le fakalogo ki le Atua, ki le folafola mo gaoi,

Uluaki tosi ki le kau Kolinto 15:10

Kae i le kalasia o le Atua, kua kau liliu o feneeki, ti na leaise ano noa lona kalasia kiate au ; mamao ai, na kau gaoi lasi ake ia latou fuli, kae na leaise ko au toka tasi, kae ko le kalasia o le Atua iate au.

Uluaki tosi ki le kau Kolinto 3:10

O mulimuli ki le kalasia o le Atua leia kua soli mai kiate au, kua kau teki le fakavae ofaipe se tufuga fale poto, ti na fau loa e se tasi ake i aluga. Kae ke tasi tokaga ki lana faasiga fau i aluga.

Uluaki tosi ki le kau Kolinto 3:6

Na kau to ia, ti na fakavai e Apolosio, kae na fakasomo e le Atua.

Lua tosi ki le kau Kolinto 12:9

kae na pati mai a ia kiate au : e feauga loku kalasia kiate koe, talie e fakasoko loku makeke i le gaegae. Koia e kau fakakololia tafito loa i oku gaegae, o tupu ke nofo le makeke o Kilisito iate au.

Lua tosi ki le kau Kolinto 2:16

Ki ni iki, ko se sauga o le mate, leia e soli ia le mate ; ki ni iki ake, ko se sauga o le mauli leia e soli ia le mauli. Ti ko ai e feauga ki le gaoi lasi lena ?

Lua tosi ki le kau Kolinto 4:7

E ma amo le koloa lena i ni ipu kele, o tupu ke tuku le makeke lasi lena ki le Atua, kae leai kia maua.

Filipe 2:13

talie ko le Atua leia e fakatupu ia ia koutou le loto mo le fai o lona finegalo malie.

Filipe 4:13

E kau mafai a nea fuli i leia e fakamakeke ia au.

Lua tosi kia Timoteo 2:2

Ti ko le nea leia na ke logo meiate au i mua o ni kau fakamaoki toka api, tuku a ia ki ni kau tagata agatonu, ala e mafai ia lona toe ako foki ki ni iki ake.

Sakopo 1:17

Ko kalasia malilie fuli ti mo nea alofa malilie tukupau fuli, e lotou ifo mei aluga, mei le Tamana o malama, leia e leaise toe fetogi pe moumou lakaga.