Lua tosi ki le kau Kolinto 3:18 - Tosi Tapu

¹⁸ Ti ko tatou fuli ala e tio i ni mata sala pulou ki le kololia o le Aliki ofaipe i se tiloata, e tou liliu ko se paaki e tasi mo ia, mei se kololia ki se kololia, i le Laumalie o le Aliki.

Lua tosi ki le kau Kolinto 3:18 ပူးပေါင်းရင်းမြစ်များ

Pesalemo 84:7

Ka lotou ano i le toafa o Paka, E lotou fakaliliu a ia ko se ganea e apele i matapuna vai, Ti e fakaapele foki a ia e le ua ki ni tapuakina.

Soane 1:14

Ti na tupu tagata le folafola, ti na nofo a ia ia tatou, o apele i le kalasia mo le maoki ; ti na motou tio ki lona kololia, ko se kololia ofaipe le kololia o le Alo fuatasi na au mei le Tamana.

Soane 12:41

Na pati loa Esaia ki nea ana, i lana tio ki lona kololia, ti mo lana masau kiate ia.

Soane 17:22

Kua kau tuku kia latou le kololia leia na ke soli mai kiate au, o tupu ke lotou liliu ko se nea e tasi ofaipe taua ko se nea e tasi,

Soane 17:24

Tamana, na ke soli mai latou kiate au, ti e kau loto ke lotou nonofo foki mo au i le ganea leia e kau nofo ai, o tupu ke lotou tio ki loku kololia, le kololia leia na ke soli mai kiate au, talie na ke alofa kiate au i mua o le fakatupu o le malama nei.

Loma 12:2

Aua na kotou fakatatau ki le sekulo nei, kae ke fetogi koutou e le fakafoou o le loto, o tupu ke kotou iloa le finegalo o le Atua : le nea leia e malie, mo aoga, ti mo saosaoa.

Loma 13:14

Kae ke kotou kofu ki le Aliki ko Sesu-Kilisito, ti ke aua na kotou tokaga ki le tino o mulimuli ki ona olioli.

Loma 8:29

Talie ko latou ala na iloa fakatomua e ia, na fakatuutuu fakatomua foki e ia latou ke tatau mo le paaki o lona Alo, o tupu ke liliu lona Alo ko le uluaki tupu o ni fetaina toka api.

Loma 8:4

O tupu ke fakasoko le faitotonu o le lao ia tatou, ala e leaise saele o mulimuli ki le kanofi kae o mulimuli ki le Laumalie.

Loma 8:7

Koia ko le tokaga ki nea o le kanofi, e fili ki le Atua, talie e leaise fakalogo le kanofi ki le Atua, ti e leaise mafai ai e ia.

Uluaki tosi ki le kau Kolinto 13:12

I le temi nei e tou tio nenefu ofaipe i se tiloata, kae i se aso e tou tio mata loa, le mata ki le mata ; i le aso nei e kau iloa fakakoga, kae i le aso a ia e kau iloa katoa loa ofaipe loku iloa katoa e le Atua.

Uluaki tosi ki le kau Kolinto 15:49

Ti e tatau foki mo tatou : na tou maua le paaki o le tagata mei le kele, ti kua tou toe maua foki le paaki o leia na au mei Selo.

Lua tosi ki le kau Kolinto 3:17

Ti ko le Aliki ko le Laumalie ; ti i le ganea leia e i ai le Laumalie o le Aliki, e i ai foki le lauatea.

Lua tosi ki le kau Kolinto 4:4

ki le kau tui gataa ala kua fakakivi olatou mata e le atua o le sekulo leinei, o tupu ke aua na lotou tio ki le gigila o le malama o le Evaselio o le kololia o Kilisito, leia ko le paaki o le Atua.

Lua tosi ki le kau Kolinto 4:6

Talie ko le Atua leia na pati, ke mu le malama i le fakapouli ! ti kua fakamu le malama lena i otatou loto ke fakagigila ai le iloa o le kololia o le Atua i mata o Kilisito.

Lua tosi ki le kau Kolinto 5:17

Koia kapau e nofo se tasi ia Kilisito, ko se keleatula foou a ia : kua puli a nea afea ; ko leinei kua liliu a nea fuli o foou.

Kalate 6:15

Talie ia Kilisito e leaise aoga le silikosisio mo le lee silikosisio ; ko le nea leia e aoga ko le liliu ko se nea kua tupu foou.

Kolose 3:10

ti kua kotou kofu le tagata foou leia e fakafoou i le poto o mulimuli ki le paaki o leia na fakatupu ia a ia.

Uluaki tosi kia Timoteo 1:11

leia e mulimuli ki le Evaselio o le kololia o le Atua manuia, Evaselio leia kua tuku mai kiate au.

Tito 3:5

kua saofaki e ia tatou, o leaise tupu ko gaoi o le faitotonu ala na tou fai, kae o mulimuli ki lona manavaalofa, ki le maanu o le tupu foou mo le fakafoou a le Laumalie Maokioki.

Sakopo 1:23

Talie, kapau e logo se tasi ki le folafola kae e leaise fai e ia a ia, e tatau a ia mo se tagata leia e tio i se tiloata kiate ia totonu,

Uluaki tosi a Soane 3:2

Alofaaga, ko fanau tatou a le Atua i le temi nei, ti e leikiaise fakasa lotatou anoaga i le temi ka au ; kae e tou iloa, ka sa loa a ia, e tou tatau loa mo ia, talie e tou tio loa kiate ia totonu.