Lua tosi ki le kau Kolinto 3:16 - Tosi Tapu

¹⁶ kae ka tafoki a loto ki le Aliki, e too le pulou lena.

Lua tosi ki le kau Kolinto 3:16 ပူးပေါင်းရင်းမြစ်များ

Ekesote 34:34

I temi fuli ala na ulu ai loa Moisese ki mua o le Eteleno o masau kiate ia, na too loa e ia le kie i ona mata, o kaku ki le temi leia na mavae ai loa a ia ; ti ka ulu loa a ia ki fafo, o fakasa loa ki fanau a Iselaele le nea leia na fakatotonu ake kiate ia e le Eteleno.

Esaia 25:7

Ti e maumaui loa e ia, i le mauga lena, le kie leia e pulou ia a kakai fuli, Le kie kafu leia e uufi ia a atu puleaga fuli.

Esaia 29:18

I le aso lena, e logo loa le kau tulituli ki folafola o le tosi ; Ti e tio loa a mata o le kau kivi, Talie kua fakamauli latou i le fakapouli mo le pouli.

Esaia 54:13

E liliu loa ou vosa fuli ko tisipulo a le Eteleno, Ti e lasi loa le manuia o ou vosa.

Selemia 31:34

E leaise toe ako loa e se tasi lona oloi, Pe ko se tasi lona taina, o pati : Kotou iloa le Eteleno ! Talie e iloa loa au e latou fuli, Mei leia e ikiiki ki leia e lasi, e pati le Eteleno ; Talie e kau fakamolemole loa lalatou agaveli, Ti e leaise kau toe manatui loa lalatou agasala.

Tagi laulau a Selemia 3:40

Tou toe afa otou ala, ti tou asiasii latou, Ti tou toe liliu ki le Eteleno.

Loma 11:23

Ti ko latou foki, kapau e leaise lotou tuumau i lolatou tui gataa, ti e toe fakapipiki loa latou ; talie e mafimafi le Atua ke toe fakapipiki ia latou.

Lua tosi ki le kau Kolinto 3:15

Kae o kaku mai ki le aso nei, ka lau Moisese, e ti se kie ki olatou loto ;

Tetelonome 30:10

mo kapau e ke fakalogo loa ki le leo o le Eteleno, lou Atua, o tausi ana lao mo ana lekula ala e tuu i le tosi leinei o le lao, ti mo kapau e ke toe liliu loa ki le Eteleno, lou Atua, i lou loto katoa mo lou laumalie katoa.

Tetelonome 4:30

I le mamae, mo ka soko loa a nea fuli ana kiate koe, e soko loa i se temi ki muli, e ke toe liliu loa ki le Eteleno, lou Atua, ti e ke fakalogo loa ki lona leo ;