Lua tosi ki le kau Kolinto 3:10 - Tosi Tapu

¹⁰ Talie e feala foki ke tou pati i le nea lena, ko le kololia leia na gigila i mua e noa a ia mo ka fakatatau a ia ki le kololia o le temi nei, leia e lasi mamao ake.

Lua tosi ki le kau Kolinto 3:10 ပူးပေါင်းရင်းမြစ်များ

Sopo 25:5

Ko leinei, e leaise gigila foki le masina, Ti e leaise mea a fetuu ki ona mata.

Esaia 24:23

E apele loa le masina i le luma, Ti mo le laa i le matagafua ; Talie e sau loa le Eteleno o kau tau i le mauga o Sione ti mo Selusalemi. E gigila loa lona kololia i mua o lana kau matua.

Akeseo 2:3

Pe i ai se tasi ia koutou ala koi mauli Na tio ki le fale leinei i lona kololia uluaki ? Ti kolea le nea kua kotou tio ki ai i le aso nei ? I lana tuu leinei, pe leaise fai a ia kia koutou pe se nea noa ?

Gaoi 26:13

Na kau tio loa, ei sau, i le ala i le lalatea malie, ki se malama mei lagi, leia na gigila ake i le laa, ti na takatakai ia au mo oku kau fanoga.

Lua tosi ki le kau Kolinto 3:11

Talie kapau na kololia ia le nea leia na fakatemi, ti e toe lasi ake le kololia ia o le nea leia e tuumau.

Lua tosi ki le kau Kolinto 3:9

Talie kapau na kololia ia le gaoi o le fakamalaia, ti e toe fakalaka mamao ake le kololia ia o le gaoi o le faitotonu.

Lua tosi a Petelo 1:17

Talie na maua e ia le fakamauiga mo le kololia mei le Atua ko le Tamana, i le lakaga leia na fakasa ai e lona kololia kiate ia se leo leia na pati : Ko loku Alo alofaina leinei, leia kua kau tuku ki ai loku alofa katoa.

Apokalipisi 22:5

Ti e leaise toe maua loa i ai le pouli ; ti e leaise toe aoga loa kia latou se fa malama, pe ko se ula o se fa malama, talie e fakamalama loa latou e le Aliki Atua. Ti e lotou sau loa i sekulo mo sekulo.