Lua tosi ki le kau Kolinto 2:17 - Tosi Tapu

¹⁷ Talie e leaise motou fai kaka ki le folafola a le Atua, ofaipe le fai a se toka api ; kae motou masau i le maoki, i mua o le Atua, ofaipe ni tagata fakasausau a Kilisito.

Lua tosi ki le kau Kolinto 2:17 ပူးပေါင်းရင်းမြစ်များ

Selemia 5:31

E faikikite le kau polofeta i le loi, Ti e kau fakatasi mo latou le kau faisakilifisio, o pule faifaitalisa, Ti e fiafia loku kakai i le nea lena. Kolea e kotou fai loa i le fakaoki ?

Mateo 24:24

Talie e mafuta loa ni kilisito loi mo ni polofeta loi ; ti e lotou fai loa ni nea fakamanamana lalasi mo ni milakulo ke fakasesei ai, mo ka na feala, latou foki ala kua filifili.

Gaoi 20:20

E kotou iloa na leaise kau fufu se nea fua e tasi leia na aoga kia koutou, kae kua kau fakasa kia koutou mo ako kia koutou a nea fuli ala na aoga kia koutou, i mua o le kaugamalie ti mo loto fale,

Gaoi 20:27

talie kua kau fakasa kia koutou le finegalo katoa o le Atua, o leaise kau toe fufu fua se nea e tasi.

Uluaki tosi ki le kau Kolinto 5:8

Koia ke tou fai le aso, kae leai ki se fakatupu matua, pe ki se fakatupu o le veli mo le agaveli, kae ki ni pane sala fakatupu o le agatonu mo le maoki.

Lua tosi ki le kau Kolinto 1:12

Talie ko le nea leia e ma fiafia ai, ko le fakamaoki leinei o ma loto, na ma mauli i le malama nei, kae tafito kia koutou, i le maokioki ti mo le mea i mua o le Atua, o leai i se poto fakatagata, kae i le kalasia o le Atua.

Lua tosi ki le kau Kolinto 1:18

E kau fakamaoki atu i le Atua, leia e agatonu, ko le folafola leia na ma fakasa atu kia koutou na leaise io mo leai.

Lua tosi ki le kau Kolinto 11:11

O tupu kolea ?… Talie e leaise kau alofa kia koutou ?… E iloa a ia e le Atua !

Lua tosi ki le kau Kolinto 12:19

Lagi kua fualoa lakotou pati e ma fakamatatonu ia maua i okoutou mua. E ma masau atu i mua o le Atua, ia Kilisito : ti ko nea fuli ana, alofaaga, e ma fakasa atu o tupu ke lagai ai koutou ki aluga.

Lua tosi ki le kau Kolinto 4:2

Kae kua ma tiaki a nea fakalumaluma ala e fai fakafufu, ti e leaise ma fai ia ni nea fakakaka, ti e leaise ma fulusi ia le folafola a le Atua. Kae e ma fakasa ia le maoki, ti e ma tuku ia maua ki le loto o tagata fuli i mua o le Atua.

Lua tosi ki le kau Kolinto 6:7

i le folafola o le maoki, i le makeke o le Atua, i masafu tau mo masafu tali tau o le maokioki ;

Kalate 1:6

E kau punamauli i lakoutou titua vave ai ki leia na kalagai ia koutou i le kalasia o Kilisito, o fakalaka ki se tasi ake Evaselio.

Uluaki tosi ki le kau Tesalonika 2:4

kae na malie ki le Atua ke tuku mai kia matou le Evaselio, koia e motou masau ai, o leaise ke fakamatamalie ki ni tagata, kae ke fakamatamalie ki le Atua leia e asiasii ia omatou loto.

Tito 1:11

Ti e tonu ke tapono olatou gutu. E lotou kakai ni famili katoa, o akonaki le nea leia e leaise tonu ke akonaki o tupu ko se totogi fakalumaluma.

Epelo 11:27

Ko le tui leia na mavae ai loa a ia mei Esipito, o leaise i fua a ia ki le ita o le sau ; talie na tuu makeke loa a ia, o sakinake na tio a ia ki leia na leaise tio ki ai a mata.

Uluaki tosi a Petelo 4:11

Kapau e masau se tasi, ke fakasa e ia a folafola a le Atua ; kapau e fai e se tasi se gaoi fakaatua, ke fai e ia a ia o mulimuli ki le makeke leia e soli e le Atua, o tupu ke tuku le kololia ki le Atua i nea fuli ia Sesu-Kilisito, leia e maua ia le kololia mo le mafimafi, i sekulo mo sekulo. Amene !

Uluaki tosi a Soane 4:1

Alofaaga, aua na kotou tui ki laumalie fuli ; kae kotou asiasii latou, ke iloa pe lotou au mei le Atua, talie kua api le kau polofeta loi kua taka i le malama nei.

Suta 1:4

Talie kua ulu fakatolotolo mai kia koutou ni tagata, ala kua fualoa le tosi fakatomua o olatou tautea, ko ni tagata agaveveli ala kua fetogi ia le kalasia o lotatou Atua ki le mauli fakalaluvale, ti kua lotou fakafiti ki lotatou Pule e tasi mo Aliki ko Sesu-Kilisito.

Apokalipisi 12:9

Ti na ti loa ki fafo le gata lasi, le gata afea, leia na igoa ko Tiapolo mo Satana, leia na kakaai ia le malama nei katoa. Ti na ti loa a ia ki le kele, ti na ti foki ana kau aselo mo ia ki le kele.

Apokalipisi 19:20

Ti na fakapilisoni loa le manu fekai, mo le polofeta loi, leia na fai ia i mua o le manu a nea fakaofolele ala na sese ai latou ala na maua ia le fakamailoga o le manu fekai ti na su ki lona fakatata. Ti na ti mauli loa laua toka lua ki le moana kaka o le afi mo le sulifa.

Apokalipisi 2:20

Kae ko le nea leia e kau fakafesagai ai kiate koe, ko lau tuku le fafine ko Sesapele, leia e pati ko le fafine polofeta, ke akonaki mo fakasese ia aku tagata fakasausau, o tupu ke lotou fai feauaki ti ke lotou kai ni inati ala kua momoli ki taulaatua.