Lua tosi ki le kau Kolinto 2:11 - Tosi Tapu

¹¹ o tupu ke aua na tuku ke maua e Satana se faigamalie ia tatou, talie e leaise tou fakapouli ki ana fakatuutuu.

Lua tosi ki le kau Kolinto 2:11 ပူးပေါင်းရင်းမြစ်များ

Sopo 1:11

Kae ke falo lou lima, o taai ana nea fuli, ti e kau iloa papau, e lauveli loa a ia kiate koe.

Sopo 2:3

Na pati loa le Eteleno kia Satana : Pe na ke tokagai laku tagata fakasausau ko Sopo ? E leaise tatau fua se tasi mo ia i le malama nei ; ko se tagata saosaoa mo agatonu, mo i ki le Atua, ti mo fakamamao mei le veli. Koi tuu makeke a ia i lona agatonu, kae na ke ekenaki au ke fakapuli a ia kae leai sona tupuaga.

Sopo 2:5

Kae ke ke falo lou lima, o fafa ki ona ivi mo lona kanofi, ti e kau iloa fakapapau e lauveli loa a ia kiate koe i ou mua.

Sopo 2:9

Na pati loa lana avaga kiate ia : E ke tuu makeke aifai i lou agatonu ! Lauveli ki le Atua, kae ke mate !

Mateo 4:10

Na pati loa Sesu kiate ia : Fakamamao atu iate au Satana ! Talie e tuu i le Tosi : E ke atolasio loa ki le Aliki, lou Atua, ti e ke tausi loa kiate ia toka tasi.

Luka 22:31

Na pati loa le Aliki : Simone, Simone, na kole koutou e Satana, ke lu koutou ofaipe le lu o le fulumeto.

Soane 13:2

I le lolotoga o le kai afiafi, kua tuku e le temonio ki le loto o Sutasi Isekaliote, vosa o Simone, le manatu ke fakatau a ia,

Gaoi 1:25

ke kau ki le gaoi fakaapositolo leia na tiaki e Sutasi kae ano a ia ki lona nofoaga totonu.

Uluaki tosi ki le kau Kolinto 7:5

Ke aua na kolua fefakafitiaki ia koulua, gato fai mo kapau kua kolua loto tasi ki ai i se ga temi ikiiki, o tupu ke kolua tokaga ki le faikole ; kae ka oki a ia, ke kolua toe liliu o fakatasi, talie na fakasalai koulua e Satana i lokoulua sala tataofi.

Lua tosi ki le kau Kolinto 11:14

Ti e leaise fakapunamauli le nea lena, talie ko Satana totonu e kofu pe se aselo o le malama.

Lua tosi ki le kau Kolinto 11:3

Kae, ofaipe le gata leia na kakai ia a Eva i lana puleaki kaka, e kau i na kua fakasalai okoutou fakakaukau ke kotou maliu kese i le faigaofie leia e mau ia Kilisito.

Lua tosi ki le kau Kolinto 4:4

ki le kau tui gataa ala kua fakakivi olatou mata e le atua o le sekulo leinei, o tupu ke aua na lotou tio ki le gigila o le malama o le Evaselio o le kololia o Kilisito, leia ko le paaki o le Atua.

Lua tosi kia Timoteo 2:25

e tonu ke fakatonutonu e ia i le agamalu latou ala e agatuu, na saga e soli loa e le Atua kia latou le fakasemala ke lotou tui ai ki le maoki,

Uluaki tosi a Petelo 5:8

Ke kotou fakapotopoto, mo alaala ! Talie ko lokoutou fili, le Tiapolo, e taka ofaipe se laione gugulu, o afa pe ko ai leia e kai loa e ia.

Apokalipisi 13:8

Ti na atolasio loa kiate ia a kakai fuli o le malama nei, latou ala na leaise tosi olatou igoa i le tosi o le mauli a le Akeno, leia na tamate talu mei le fakatupu o le malama nei.

Apokalipisi 2:24

Kae kia koutou, kia latou fuli ake ala o Tiatile, latou ala e leaise tali ia le akonaki lena, ti na leaise iloa ia a nea loloto o Satana, ofaipe lalatou fakaigoa latou, e kau pati atu kia koutou : E leaise kau toe teki loa kia koutou se tasi ake kavega ;