Lua tosi ki le kau Kolinto 13:5 - Tosi Tapu

⁵ Ke kotou fakatiotio kia koutou totonu, ke iloa pe kotou nonofo i le tui ; kotou asiasii koutou totonu. Pe leaise kotou iloa e nofo Sesu-Kilisito ia koutou ? Kae na saga e leaise kotou maua ia ni fakamaoki o lakoutou tui.

Lua tosi ki le kau Kolinto 13:5 ပူးပေါင်းရင်းမြစ်များ

Pesalemo 119:59

E kau fakakaukau ki oku ala, Ti e kau taki oku vae ki au pelesepeto.

Pesalemo 17:3

Kapau e ke tilo loku loto, kapau e ke asiasi ki ai i le pouli, Kapau e ke asiasii au, e leaise ke maua loa se nea : E leaise kese laku manatu i le nea leia e vilo mei loku gutu.

Pesalemo 26:2

Ke ke tilo au, ei Eteleno, ke ke asiasii au ; Ke ke tuku oku ifiifi mo loku loto ki le kulo saka ukamea !

Selemia 6:30

E fakaigoa latou ko se siliva veli, Talie kua tiaki latou e le Eteleno.

Tagi laulau a Selemia 3:40

Tou toe afa otou ala, ti tou asiasii latou, Ti tou toe liliu ki le Eteleno.

Esekiele 18:28

Kapau e fakamavaa loa e ia ona mata ti e tafoki loa a ia i agasala fuli ala na fai e ia, e mauli loa a ia, ti e leaise mate loa a ia.

Akeseo 1:5

Koia e folafola ai i le aso nei le Eteleno o kau tau, o pati : Kotou fakakaukau ki okoutou ala !

Akeseo 1:7

Koia e folafola ai le Eteleno o kau tau : Kotou fakakaukau malie ki okoutou ala !

Soane 14:23

Na tali loa Sesu kiate ia : Kapau e alofa se tasi kiate au, ti e fai loa e ia laku folafola, ti e alofa loa loku Tamana kiate ia ; e ma au loa kiate ia, ti e ma fai loa loma nofoaga iate ia.

Soane 15:4

Kotou nonofo iate au, ti e kau nofo loa ia koutou. Ofaipe le laa vite e leaise mafai ke fua iate ia totonu, mo kapau e leaise pipiki a ia ki le tafito vite, e toe tatau foki mo koutou, e leaise mafai ke kotou fua, mo kapau e leaise kotou nonofo iate au.

Soane 17:23

ko au ia latou, ti ko koe iate au, o tupu ke lotou liliu maoki ko se nea e tasi, ti ke iloa e le malama nei na ke kakau mai au, ti na ke alofa kia latou ofaipe lou alofa kiate au.

Soane 17:26

Ti na kau fakasa kia latou lou suafa, ti e kau toe fakasa loa a ia kia latou, o tupu ke nofo ia latou le alofa leia kua ke alofa ai kiate au, ti ke kau nofo ia latou.

Soane 6:56

Ko leia e kai ia loku tino ti e inu ia loku toto e nofo a ia iate au, ti mo au iate ia.

Soane 6:6

Na pati fenaaki a ia ke asiasii ai Filipo, talie kua iloa e ia le nea leia ka fai loa e ia.

Loma 1:28

O tupu na leaise lotou loto ke iloa le Atua, kua tuku latou e le Atua ki olatou loto fakapouli ke lotou fai ni nea ala e leaise gali mo latou.

Loma 8:10

Ti kapau e nofo Kilisito ia koutou, e maoki, kua mate le tino o tupu ko le agasala, kae e mauli le Laumalie o tupu ko le maokioki.

Uluaki tosi ki le kau Kolinto 11:28

Koia e malie ai ke tasi asiasii e le tagata a ia totonu, ti ke kai loa e ia le pane mo inu loa e ia le ipu ;

Uluaki tosi ki le kau Kolinto 11:31

Kapau e tou asiasii tatou totonu, e leaise tautea loa tatou.

Uluaki tosi ki le kau Kolinto 3:16

Pe leaise kotou iloa ko le fale tapu koutou o le Atua, ti e nofo le Laumalie o le Atua ia koutou ?

Uluaki tosi ki le kau Kolinto 6:15

Pe leaise kotou iloa ko okoutou tino ko koga tino o Kilisito ? Ti e kau too loa a koga tino o Kilisito, o fakaliliu ko koga tino o se fafine fai feauaki ?

Uluaki tosi ki le kau Kolinto 6:19

Pe leaise kotou iloa ko lokoutou tino ko le fale tapu a ia o le Laumalie Maokioki leia ia koutou, leia kua kotou tali mei le Atua, ti e leaise kotou maua koutou totonu.

Uluaki tosi ki le kau Kolinto 6:2

Pe leaise kotou iloa e fakamaaui loa e le kau sagato le malama nei ? Ti kapau ko koutou ala e fakamaaui ia loa le malama nei, pe leaise gali mo koutou ke kotou fakamaaui a nea liliki ?

Uluaki tosi ki le kau Kolinto 9:24

Pe leaise kotou iloa ko latou ala e makape i le malae fai manogi e makape fuli, kae ko le toka tasi fai leia e maua ia le totogi ? Kotou makape o tupu ke kotou maua a ia !

Uluaki tosi ki le kau Kolinto 9:27

Kae e kau fai fakaveliveli loku tino, ti e kau pulei fakamakeke a ia, o tupu na tiaki loa au i le oki o laku fakasa ia le Evaselio ki le kakai.

Lua tosi ki le kau Kolinto 6:16

Ko le nea fea leia e fakatasi ai le fale tapu o le Atua mo taulaatua ? Talie ko le fale tapu tatou o le Atua mauli, ofaipe le pati a le Atua : E kau nofo loa ti e kau saele loa i loto malie o latou ; e kau liliu loa ko lolatou Atua, ti e lotou liliu loa ko loku kakai.

Kalate 2:20

Kua tutuki au ki le koluse mo Kilisito, ti kapau e kau mauli, e leaise ko au leia e mauli, ko Kilisito leia e mauli iate au ; ti kapau e kau mauli i le temi nei i le kanofi, e kau mauli i le tui o le Alo o le Atua, leia na alofa kiate au, o soli e ia a ia o tupu ko au.

Kalate 4:19

Ei aku fanau, ala kua kau toe logoi ki ai a mamae o le fanauga, o kaku ki le katoa o Kilisito ia koutou,

Kalate 6:4

Kae ke tasi asiasii e le tagata ana gaoi totonu, ti o feala loa ke fakakololia a ia iate ia toka tasi, kae leai i se tasi ake,

Efeso 3:17

o tupu ke nofo Kilisito i okoutou loto i le tui ; ti ke kotou tauaka mo fakatafito i le alofa,

Kolose 1:23

mo kapau e kotou tuu mau i le tui, o leaise kotou maliu kese mei le amanaki malie o le Evaselio leia kua kotou logo ki ai, leia kua fakasa ki tagata fuli i le lalo lagi, ti kua fakanofo ai au, Paulo, ko lana tagata gaoi.

Kolose 1:27

Na finegalo le Atua ke fakasa kia latou le koloa fakakololia o le misitelio a ia i lotolotoga o le kau pagani, ke iloa : Kilisito ia koutou, ko le amanaki malie o le kololia.

Kolose 2:19

kae e leaise pipiki a ia ki le ulu, leia e fagai ia mo fakatasi ia le tino katoa i ona sokoga mo ona nonoa, ti e tuku ia kiate ia le tutupu o mulimuli ki lona finegalo.

Kolose 2:7

o tauaka mo fakatafito iate ia, mo tuu makeke i le tui, o mulimuli ki akonaki ala kua tuku atu kia koutou, ti mo tuputupua i le fakafetai.

Uluaki tosi kia Timoteo 2:15

Kae logo ai le nea a ia e fakamauli loa le fafine i lana liliu ko se tinana, mo kapau e kataki fualoa a ia i le fakapotopoto, mo le tui, mo le alofa, ti mo le maokioki.

Lua tosi kia Timoteo 3:8

O tatau mo Sanese mo Sapelese ala na fakafesagai kia Moisese, e fakafesagai foki a tagata ana ki le maoki. Kua fakapouli olatou atamai, ti e leaise aoga lalatou tui.

Tito 1:13

E maoki le fakamaoki lena. Koia ke ke valoki fakamakeke ai latou, o tupu ke lotou maua se tui mea,

Tito 1:16

E lotou pati kua lotou iloa le Atua, kae e lotou fakafiti kiate ia i alatou gaoi : talie e lotou aga fakalialia, mo patigataa, ti e leaise lotou mafai ia fua se gaoi malie e tasi.

Tito 2:2

Fakasa ki le kau matua, e tonu ke lotou tokaga, mo agatonu, mo fakapotopoto, ti mo saosaoa i le tui, mo le alofa, ti mo le kataki fualoa.

Epelo 12:15

Ke kotou tokaga na tausala se tasi i le kalasia o le Atua, ti ke aua na i ai fua se aka kona, leia e somo ai ni uli mo fakatupu ia se mamae, ti ke kelekele ai se toka api.

Epelo 4:1

Koia ke tou i, i le temi leinei koi tuu ai le fakapapau ke kotou ulu ki lona maloloaga, ke aua na ulu tausala se tasi o koutou ki ai.

Epelo 6:8

kae kapau e fakatupu e ia ni malualoi mo ni laakau talatala, e leaise aoga a ia, ti e leaise tuvai lona fakamalaia ; ti e fakaoki loa a ia o tutu i le afi.

Sakopo 4:4

Ei kau tono, pe leaise kotou iloa ko le alofa ki le malama nei ko le vesia a ia ki le Atua ? Ti ko leia e loto ke kaukau nea mo le malama nei e liliu a ia ko le fili o le Atua.

Uluaki tosi a Petelo 5:9

Kotou tekei a ia ki se tui makeke, o kotou iloa e tali foki a mamae ana e okoutou fetaina i le malama nei.

Apokalipisi 2:5

Koia ke ke manatui loa le ganea leia kua ke vilo mei ai, ti ke ke fakasemala, o fai au uluaki gaoi ; ka leai, ti e kau au loa kiate koe, ti e kau too loa lou tekiaga malama mei lona tekiaga, io, mo kapau e leaise ke fakasemala.