Lua tosi ki le kau Kolinto 13:4 - Tosi Tapu

⁴ Talie na tutuki a ia ki le koluse i lona gaegae, kae e mauli a ia i le mafimafi o le Atua ; ko maua foki, e ma gagae iate ia, kae e ma mauli loa mo ia i le mafimafi o le Atua, o gaoi kia koutou.

Lua tosi ki le kau Kolinto 13:4 ပူးပေါင်းရင်းမြစ်များ

Soane 10:18

E leaise too a ia e se tasi iate au, kae e kau soli a ia, e au totonu ; e kau maua le pule ke soli loku mauli, ti e kau maua le pule ke toe too a ia : Ko le fakatotonu lena na tuku mai kiate au e loku Tamana.

Gaoi 2:36

Ke iloa fakapapau e le fale katoa o Iselaele kua fakanofo e le Atua ke Aliki mo Kilisito le Sesu lena na kotou tutuki ki le koluse.

Gaoi 3:16

Ti ko lona suafa, ko le tui ki lona suafa, leia kua fakamakeke ia a ia leia e kotou tio ki ai mo iloa ia ; io, ko le tui kia Sesu leia kua soli ia ki le tagata leinei le malolo ki lona tino katoa, i mua okoutou fuli.

Loma 1:4

leia na fakasa fakamakeke ko le Alo o le Atua e le Laumalie Maokioki i lana toe tuuake mei le kau mate, Sesu-Kilisito, lotatou Aliki ;

Loma 14:9

talie na mate Kilisito ti na toe au a ia ki le mauli, o tupu ke liliu a ia ko le Aliki o le kau mate mo le kau mauuli.

Loma 6:4

Koia i le papitema kua tou tanu fakatasi mo ia i lona mate, o tupu, i le toe tuuake o Kilisito mei le kau mate i le kololia o le Tamana, ke tou saele, mo tatou foki, i se mauli foou.

Uluaki tosi ki le kau Kolinto 1:25

Talie ko le valea o le Atua e poto ake i tagata, ti ko le gaegae o le Atua e makeke ake i tagata.

Uluaki tosi ki le kau Kolinto 15:43

E to a ia e fakalialia, kae e toe tuuake a ia e fakakololia ; e muluki a ia e gaegae, kae e toe tuuake a ia e apele i le makeke ;

Uluaki tosi ki le kau Kolinto 2:3

Ti ko au totonu, na kau nofo ia koutou i se gaegae, mo se tuania, ti mo se lulu lasi ;

Uluaki tosi ki le kau Kolinto 6:14

Ti ko le Atua, leia na toe fakatuuake ia le Aliki, e toe fakatuuake ia loa mo tatou foki ki lona mafimafi.

Lua tosi ki le kau Kolinto 10:10

Talie e pati : e mamafa mo makeke ana tosi ; kae ka nofo totonu a ia, e gaegae fua a ia, ti e veli lana masau.

Lua tosi ki le kau Kolinto 12:10

Koia e kau fiafia i oku gaegae, mo oku lauvelii, mo oku mativa, mo oku fakavelivelii, mo oku mamae, o tupu ko Kilisito ; talie ka kau gaegae, ti e kau makeke loa.

Lua tosi ki le kau Kolinto 13:9

E ma fiafia mo ka ma gagae, kae kotou makeke ; ti ko le nea leia e ma kole i ama faikole, ko lokoutou malie tukupau.

Filipe 3:10

Ti e kau iloa loa Kilisito, ti mo le makeke o lona toe tuuake, ti mo le komunio o ona mamae, i le fakatatau kiate ia i lona mate, ke kau kaku ai,

Epelo 5:7

Ko ia leia, i aso o lona kanofi, na momoli ia ni su mo ni kole o fakatasi mo ni tagi makeke ti mo ni loimata ki leia na mafai ke fakamauli ia a ia mei le mate ; ti na tali a ia o tupu ko lona fakalogo ki le Atua.

Uluaki tosi a Petelo 3:18

Talie ko Kilisito foki na mamae o tua tasi o tupu ko le agasala, a ia leia na agatonu ki le kau lee agatonu, o tupu ke aumai e ia tatou ki le Atua ; ti na tamate a ia i lona tino fakatagata, kae na toe aumai a ia ki le mauli e le Laumalie.

Uluaki tosi a Petelo 3:22

leia kua pale ki Selo ti e nofo nei i le fetuu atamai o le Atua, ti kua fakataulalo kiate ia le kau aselo, mo le kau pule, ti mo le kau makeke.