Lua tosi ki le kau Kolinto 13:1 - Tosi Tapu

¹ E kau natu kia koutou ko lona tua tolu loa a ia. E fakatokatoka loa a nea fuli i le fakamaoki a ni tagata e toka lua pe toka tolu.

Lua tosi ki le kau Kolinto 13:1 ပူးပေါင်းရင်းမြစ်များ

Uluaki tosi o Sau 1:14

Ti ko leinei, i le lolotoga o lau masau loa mo le sau, e kau ulu totonu atu loa i ou muli, ti e kau fakakatoa loa au masau.

Uluaki tosi o Sau 21:10

ti kotou tuku ki ona mua ni tagata agaveli e toka lua, o tupu ke la fakalakasala a ia, o pati : Na ke lauveli ki le Atua mo le sau ! Ti kotou taki a ia ki le tua kolo, o kotou tuki fatui a ia ke mate.

Uluaki tosi o Sau 21:13

ti na au loa ni tagata agaveli e toka lua, o tuu i mua o Napote, ti na la fakalakasala loa Napote i mua o le kakai, o pati : Na lauveli Napote ki le Atua mo le sau ! Ti na lotou ave loa Napote ki le tua kolo, ti na lotou tukifatu loa a ia, o mate.

Numelo 35:30

Kapau e taai loa e se tagata se tasi o mate, e tonu loa ke tamate le tagata tukipo, i le fakamaoki a ni tagata fakamaoki. Kae e leaise feauga le fakamaoki a se tagata fakamaoki e tasi ke tamate ai se tasi.

Mateo 18:16

Kae kapau e leaise fakalogo a ia kiate koe, too mo koe se toka tasi pe ko se toka lua, talie ke fakatokatoka a nea fuli i le fakamaoki a se toka lua pe ko se toka tolu.

Lua tosi ki le kau Kolinto 12:14

Ko leinei, ko le tua tolu leinei o laku tokamalie ke kau natu kia koutou, ti e leaise kotou taupau loa kiate au ; talie e leaise kau afa okoutou koloa, kae ko koutou totonu : E leaise gali ke tanaki a fanau ki olatou matua, kae ko matua ki olatou fanau.

Tetelonome 17:6

E tamate loa leia e tonu ke mate i le fakamaoki a le toka lua pe ko le toka tolu ; e leaise tamate loa a ia i le fakamaoki a se fa toka tasi.

Tetelonome 19:15

E leaise feauga le fakamaoki a le tagata e toka tasi ke tuku ai se sala ki se tagata, pe ko se agasala, pe ko se tasi nea veli leia e feala ke fai. Koi maoki se nea mo ka e fakamaoki ki ai ni tagata e toka lua pe toka tolu.