Lua tosi ki le kau Kolinto 12:7 - Tosi Tapu

⁷ Tie talie ke aua na kau makita i le fia nealasi i nea malilie ala na fakatio au e le Atua ki ai, kua tuku e ia ki loku tino se maimoa mamae ai, ko se aselo o Satana leia ke ta ia au ti mo taofi ia au ke aua na kau fia nealasi.

Lua tosi ki le kau Kolinto 12:7 ပူးပေါင်းရင်းမြစ်များ

Senesi 32:25

I le tio a le tagata na leaise makeke a ia iate ia, na tai loa e ia Sakopo i le sokoga o lona kauaga ; ti na maui loa le sokoga o le kauaga o Sakopo i lana poko mo le tagata lena.

Senesi 32:31

Na sopo loa le laa, i le temi leia na fakalaka ai loa Sakopo i Peniele. Na kito Sakopo o tupu ko lona kauaga.

Lua tosi o Koloniko 26:16

Kae i le temi leia na kaku ai loa a ia o makeke, na malaga loa lona loto o tupu ai lona vilo. Na ulu loa a ia ki le fale o le Eteleno o tutu ni kaloni i le aletale o kaloni.

Lua tosi o Koloniko 32:31

Kae i le temi leia na kakau mai ai loa e le kau pule o Papilone ni tagata avelogo kiate ia ke afa logo o uiga mo le fakamailoga leia na soko i lona fenua, na tiaki loa a ia e le Atua ke asiasii ai a ia, o tupu ke iloa ai a nea fuli ala e maua i lona loto.

Sopo 2:6

Na pati loa le Eteleno kia Satana : Ko leinei, e kau tuku a ia ki ou lima ; ko leia fua, aua na ke fafa ki lona mauli.

Sopo 2:7

Ti na mavae loa Satana mei mua o le agaiaga o le Eteleno. Ti na taai loa e ia a Sopo ki se masaki kili mamae ai, mei ona taga vae o kaku ki lona tumuaki.

Esekiele 28:24

Ti e leaise toe liliu loa a ia ki le fale o Iselaele Ko se talai laakau leia e fakalavea ia, se laakau sukisuki leia e fakamasae ia, I lotolotoga o latou fuli ala e takatakai ia a ia ti e vesia kiate ia. Ti e lotou iloa loa ko au ko le Aliki, le Eteleno.

Taniela 5:20

Kae i le aso leia na fia nealasi ai a ia ti na fakafefeka ai e ia lona loto, na ti loa a ia ki lalo mei lona ekeekeaga fakasau, ti na too loa meiate ia lona kololia ;

Oseo 2:6

E leaise kau alofa loa ki ana fanau, talie ko ni toe vao latou o lana faiaga.

Numelo 33:55

Kae kapau e leaise kotou kapu loa i okoutou mua a kakai fuli o le fenua, ti ko latou ala e kotou tuku loa ke mauli e fai loa pe ni vao sukisuki ki okoutou mata mo ni laakau talatala ki okoutou vakavaka. E lotou fakafiu ia loa koutou i le fenua lena ka kotou nonofo ai loa.

Mateo 26:67

I le nea lena, na lotou anuanusi loa ona mata, mo soka loa a ia, ti mo fepataki loa a ia, o pati :

Mateo 4:10

Na pati loa Sesu kiate ia : Fakamamao atu iate au Satana ! Talie e tuu i le Tosi : E ke atolasio loa ki le Aliki, lou Atua, ti e ke tausi loa kiate ia toka tasi.

Luka 13:16

Ti ko le fafine leinei, leia ko se taine o Apalaamo, leia na sai e Satana talu mei fetuu e kau agafulu tupu valu, pe leaise tonu ke saofaki a ia mei le tini lena i le aso o le sapato ?

Uluaki tosi ki le kau Kolinto 4:11

O kaku mai ki le ola nei, e motou fia kai, mo fia inu, mo telefua ; ti e sasa matou, ti e motou taka i le ala ;

Uluaki tosi ki le kau Kolinto 5:5

ke tuku le tagata lena kia Satana ke maumaui le tino, kae ke fakamauli le laumalie i le aso o le Aliki ko Sesu.

Lua tosi ki le kau Kolinto 10:10

Talie e pati : e mamafa mo makeke ana tosi ; kae ka nofo totonu a ia, e gaegae fua a ia, ti e veli lana masau.

Lua tosi ki le kau Kolinto 10:5

E ma soloi ki lalo a fakakaukau mo nea taualuga fuli ala e malaga ake ki le iloa o le Atua, ti e ma fakapilisoni a manatu fuli o aumai latou ki le fakalogo kia Kilisito.

Lua tosi ki le kau Kolinto 11:20

Kapau e fakapopulai koutou e se tasi, kapau e folo koutou e se tasi, kapau e fakamakeke koutou e se tasi, kapau e masau lalasi se tasi, kapau e paai okoutou mata e se tasi, e kotou kataki a ia.

Lua tosi ki le kau Kolinto 12:1

E tonu ke fakakololia… E leaise malie le nea lena. Kae e kau fia masau i le temi nei ki nea ala na kau tio ki ai mo logo ki ai ti na fakasa mai e le Aliki kiate au.

Kalate 4:13

E kotou iloa na kau fakasa kia koutou le Evaselio i le kamataaga o tupu ko se masaki fakatino.

Tetelonome 17:20

E taupau loa e ia i ai lona loto, o tupu ke aua na fia malaga loa a ia ki aluga o ona fetaina, ti ke aua na fia mavae kese loa a ia i folafola a le Eteleno ki le fetuu atamai pe ki le fetuu sema, ti ke fakatologa loa e ia lona mauli i lona puleaga, o ona mo ona vosa, i loto malie o Iselaele.

Tetelonome 8:14

ke ke tokaga ai na makita loa lou loto, o ke galoi loa le Eteleno, lou Atua, leia na fakamavae ia a koe mei le fenua o Esipito, mei le fale o le popula,

Uluaki tosi kia Timoteo 3:6

E leaise tonu ko se tasi leia nao tafoki foou, talie ke aua na makita a ia i le fia nealasi o vilo ki le fakamaau a Satana.

Tuifakamaau 2:3

Na kau pati loa : E leaise kau kapu ia loa latou i okoutou mua ; kae e lotou nonofo loa i okoutou tafa, ti e liliu loa olatou atua ko ni masele kia koutou.