Lua tosi ki le kau Kolinto 12:4 - Tosi Tapu

⁴ na ave loa a ia ki le Palatiso ti na logo loa a ia ki ni masau fulumalilie ai ala e leaise taga ki se tagata ke fakasa ia.

Lua tosi ki le kau Kolinto 12:4 ပူးပေါင်းရင်းမြစ်များ

Esekiele 31:9

Na kau fakafulumalie a ia ki ni laa mauke, Ti na manumanu kiate ia a laakau fuli o Eteni, i le oloto a le Atua.

Esekiele 8:3

Na falo loa e ia se nea pe se lima, ti na too loa e ia au i loku lau ulu. Na siki loa au e le Laumalie ki le vasa o le malama nei mo le lagi, ti na ave loa e ia au i ni tio ki Selusalemi, ki le fetuu loto o le matapa, leia e aga ki le noleto, leia na tuu ai le taulaatua o le finenonofo, leia e fakatupu ia le finenonofo o le Eteleno.

Luka 23:43

Na tali loa Sesu kiate ia : E kau pati maoki atu kiate koe, i le aso nei e ke nofo loa mo au i le Palatiso.

Gaoi 8:39

I lala mavae ake loa i le vai, na too loa Filipo e le Laumalie o le Aliki, ti na leaise toe tio loa le enuke kiate ia : Ti na soko atu loa e ia lona fanoga, i le fiafia.

Uluaki tosi ki le kau Kolinto 13:1

Kapau e kau masau loa i pati a tagata mo le kau aselo, kae e leaise kau maua le alofa, kua kau tatau mo se fa pele leia e tagi, pe ko se fa nafa leia e gugulu.

Lua tosi ki le kau Kolinto 12:2

E kau iloa se tagata ia Kilisito, kua sili ki ai ni fetuu e kau agafulu tupu fa, na ave a ia ki le tolu o lagi (pe na ave a ia i lona tino, e leaise kau iloa, pe sala i lona tino, e leaise kau iloa, ko le Atua e iloa ia).

Uluaki tosi ki le kau Tesalonika 4:17

Ti oki ko tatou ala na mauli mo toe, e too loa tatou fuli o fakatasi mo latou i se ao, ke fakafetaulaki ki le Aliki i le aele, ti ke tou nonofo loa mo le Aliki, o lee gato.

Apokalipisi 12:5

Ti na fanaui loa e le fafine se vosa, leia e tonu ke lagiaki ia a puleaga ki se tokotoko ukamea. Kae na too loa lona toe, o ave ki le Atua, ti mo lona ekeekeaga fakasau.

Apokalipisi 2:7

Ko leia e maua ia ni taliga ke logo a ia ki le nea leia e fakasa e le Laumalie ki atu Ekelesia. Ki leia e malo loa, e kau soli loa kiate ia ke kai ki le fua o le laakau o le mauli, leia e tuu i le Palatiso o le Atua.