Lua tosi ki le kau Kolinto 12:21 - Tosi Tapu

²¹ E kau tuania, i laku tau atu, na toe fakataulaloi au e loku Atua i mua o koutou, ti ke kau tagi loa ki se toka api o latou ala na agasala i mua, ti na leikiaise fakasemala ki le aga fakakelekele, mo le fai feauaki, ti mo nea fakalialia fuli ala na lotou fai.

Lua tosi ki le kau Kolinto 12:21 ပူးပေါင်းရင်းမြစ်များ

Esetalasi 10:1

I le lolotoga fai e Esetalasi lana kole, o tagi mo tulolo i mua o le fale o le Atua, na fakatasi ake loa kiate ia se kakai toka api o le kau Iselaele, tagata, mo fafine, mo toe, ti na tagi mamae ai le kakai.

Esetalasi 9:3

I laku logo ki le nea lena, na kau sae loa oku kofu mo loku taupulupulu, ti na kau futi loa oku fului ulu mo loku kaukava, ti na kau tonatona loa i le mamae.

Pesalemo 119:136

E liligi e oku mata ni vaitafe, Talie e leaise tausi fua lau lao.

Ekesote 32:31

Na toe liliu loa Moisese ki le Eteleno, o pati : Kua fai e le kakai leinei se agasala lasi. Na lotou fai se atua aulo kia latou.

Selemia 13:17

Kapau e leaise kotou fakalogo, E kau tagi fakafufu loa, o tupu ko lokoutou fia nealasi ; E tafe loa a loimata i oku mata, Talie e ave popula loa le kau manu a le Eteleno.

Selemia 9:1

Oi ! ka na apele loku ulu i le vai, Ka na fai oku mata pe se matapuna loimata, E kau tagi loa i le ao mo le po Ki mate o le taine o loku kakai !

Loma 13:13

Ke tou saele agatonu, ofaipe le saele i le ao, o mamao mei kai fakavale, mo le kona, mo fiafia fakavale, mo fai feauaki, mo le fefele ti mo le finenonofo.

Loma 9:2

E kau mafaia lasi ai ti e kau mamae tuumau i loku loto.

Uluaki tosi ki le kau Kolinto 5:1

Kua logo i ganea fuli e maua ia koutou se fai feauaki, ti ko se fai feauaki leia e leaise maua foki i le kau pagani ; talie kua kaku o nofo se tasi o koutou mo le avaga o lona tamana.

Lua tosi ki le kau Kolinto 10:6

E ma teuteu foki ke ma tautea a patigataa fuli, mo ka e katoa loa lakoutou fakalogo.

Lua tosi ki le kau Kolinto 12:7

Tie talie ke aua na kau makita i le fia nealasi i nea malilie ala na fakatio au e le Atua ki ai, kua tuku e ia ki loku tino se maimoa mamae ai, ko se aselo o Satana leia ke ta ia au ti mo taofi ia au ke aua na kau fia nealasi.

Lua tosi ki le kau Kolinto 13:2

E kau fai se valoki kia latou ala na agasala i mua ti mo latou ake ala ; na kau tuku atu foki a ia i le tua lua o laku nofo mo koutou, kae e kau toe liuga atu a ia i le aso nei e kau mamao ai mo koutou : i le faiaga ka au e kau natu ai loa o tio kia koutou, e leaise kau toe fakaneanea loa ki se tasi,

Lua tosi ki le kau Kolinto 8:24

Kotou fakasa kia latou, i mua o Ekelesia, le maoki o lokoutou alofa, ti kotou fakasa kia latou e tonu lama fakakololia o tupu ko koutou.

Kalate 5:19

E mailoga malie a gaoi o le kanofi ; ko le fai feauaki, mo le kelekele, mo le fakavalevale ;

Tetelonome 9:15

Na kau toe liliu loa ti na kau ifo loa mei le mauga, leia na ulaula katoa, mo laui fatu e lua o le sai i oku lima.

Tetelonome 9:25

Na kau punou loa o fakatuu oku mata ki le kele i mua o le Eteleno, ti na kau nofo loa o punou i le kele i aso e kau fa mo po e kau fa, o tupu na pati le Eteleno kua loto a ia ke maumaui e ia koutou.

Kolose 3:5

Koia ke kotou tamate le nea leia, i okoutou koga tino, e kau ki le malama nei, le fai feauaki, mo le aga fakakelekele, mo oli fakavale, mo oli veveli, ti mo le manumanu, leia ko se tausi taulaatua.

Epelo 13:4

Kotou fakaapaapa fuli ki le nofo avaga, ti ke agatonu le taumatua, talie e fakamaaui loa e le Atua latou ala e fai feauaki mo tono.

Lua tosi a Petelo 2:18

I ni masau fia nealasi mo loi, e lotou maselei ki a oli o le kanofi mo aga fakalialia latou ala nao mavae fua mei tagata ala e mauli sese ;

Suta 1:23

ke kotou fakamauli ni iki o taaki latou mei le afi ; ti ke kotou manavaalofa ki ni iki i le tuania, ti ke kotou vesia ki ni iki o kaku ki le kofu leia kua fakakelekele e le kakano.

Suta 1:7

ti na tautea e ia ki le afi lee gato a Sotoma mo Komola ti mo kolo i tafatafa, ala na fai feauaki mo fai ia ni nea ala e fakafesagai ki le natula ofaipe laua.

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.

Apokalipisi 22:15

Ki fafo a kuli, mo le kau fai nea fakatalatupua, mo le kau fai feauaki, mo le kau tukipo, mo le kau tausi taulaatua, ti mo le kau loi fuli i masau mo gaoi !

Apokalipisi 22:20

Ko leia e fakamaoki ki nea anei e pati : Io, e kau au vave. Amene ! Au, Aliki Sesu !

Uluaki tosi a Samuele 15:35

Na leaise toe ano loa Samuele o fakafelavei kia Saulo o kaku ki lona mate ; talie na tagi Samuele o uiga mo Saulo, kae na fakasemala loa le Eteleno i lana fakanofo Saulo ko le sau o Iselaele.