Lua tosi ki le kau Kolinto 12:19 - Tosi Tapu

¹⁹ Lagi kua fualoa lakotou pati e ma fakamatatonu ia maua i okoutou mua. E ma masau atu i mua o le Atua, ia Kilisito : ti ko nea fuli ana, alofaaga, e ma fakasa atu o tupu ke lagai ai koutou ki aluga.

Lua tosi ki le kau Kolinto 12:19 ပူးပေါင်းရင်းမြစ်များ

Loma 12:19

Aua na kotou taui koutou totonu, alofaaga, kae kotou tuku le ita ke fai, talie e tuu i le Tosi : E pati le Aliki : a aku le lagavaka, a aku le totogi,

Loma 14:19

Koia loa, ke tou afa a nea ala e aoga ki le tokamalie ti mo le faufau.

Loma 15:2

E tonu ke tasi afa e le tagata taki toka tasi le nea leia e malie ki lona oloi, o uiga mo lona malie ti mo lona fakatuputupua i le tui.

Loma 9:1

E kau fakasa le maoki ia Kilisito, e leaise kau loi fua, e fakamaoki mai loku loto kiate au i le Laumalie Maokioki :

Uluaki tosi ki le kau Kolinto 10:14

Koia, ei oku alofaaga, kotou sosola mei le tausi ki taulaatua.

Uluaki tosi ki le kau Kolinto 10:33

Io, ofaipe au foki, e kau faiga i nea fuli ke malie ki tagata fuli, o kau afa, o leai le nea leia e malie kiate au, kae le nea leia e malie ki le toka api, o tupu ke saofaki ai latou.

Uluaki tosi ki le kau Kolinto 14:26

Kolea loa ke fai, ei fetaina ? I akoutou fakatasi, ka maua loa e ni iki se katiko, se akonaki, se levelasio, se masau kese ti mo lona fakamatala ; ke fai nea fuli ke faufau ai le Ekelesia.

Lua tosi ki le kau Kolinto 10:8

Ti kapau foki na kau fakakololia a au totonu o lasi fakaikiiki i le pule leia kua tuku mai kiate au e le Aliki ki lokoutou faufau, kae leai ki lokoutou maumaui, e leaise kau luma ai.

Lua tosi ki le kau Kolinto 11:10

I le maoki o Kilisito leia e nofo iate au, e kau fakasa e leaise too loa iate au le kololia lena i fenua o Akaia.

Lua tosi ki le kau Kolinto 11:31

Ko le Atua, leia ko le Tamana o le Aliki Sesu, leia e manuia o lee gato, e iloa ia e leaise kau loi !

Lua tosi ki le kau Kolinto 12:15

Kiate au, e kau fiafia lasi loa i le soli o nea fuli ala e kau maua mo loku mauli totonu o tupu ko okoutou laumalie. Pe kotou alofa ikiiki loa kiate au, mo kapau e kau alofa lasi kia koutou ?

Lua tosi ki le kau Kolinto 13:10

Koia e kau tosi atu ai a nea ana kae kau puli ia koutou, o tupu ke aua na kau fakaaoga ia loa le makeke, mo ka kau nofo loa mo koutou, o mulimuli ki le pule leia kua soli mai e le Aliki ki le lagai kae leai ki le maumaui.

Lua tosi ki le kau Kolinto 2:17

Talie e leaise motou fai kaka ki le folafola a le Atua, ofaipe le fai a se toka api ; kae motou masau i le maoki, i mua o le Atua, ofaipe ni tagata fakasausau a Kilisito.

Lua tosi ki le kau Kolinto 3:1

Pe ma toe kamata masau kia maua totonu ? Pe aoga kia maua, ofaipe ni iki, ni tosi fakamaoki kia koutou, pe meia koutou ?

Lua tosi ki le kau Kolinto 7:1

Koia, ei alofaaga, i le maua o fakapapau ana, tou fakamea tatou mei nea fuli ala e fakakelekele ia le tino mo le laumalie, o fakaoki lotatou fakamaokioki i le kanofi ki le Atua.

Filipe 4:1

Koia, ei oku fetaina alofaina, koutou ala ko loku fiafia mo loku palaa, ke kotou tuu mau i le Aliki, ei oku alofaaga !

Uluaki tosi ki le kau Tesalonika 5:11

Koia, kotou fefakapelepeleaki ia koutou ti kotou fefaufauaki ia koutou, o fai foki pe le nea leia e kotou fai maoki.

Epelo 6:9

Kae logo ai kua motou masau fenaaki, alofaaga, e motou talitali o uiga mo koutou ki ni nea malilie tukupau mo aoga ki le saofaki.