Lua tosi ki le kau Kolinto 12:11 - Tosi Tapu

¹¹ Kua kau valea : Na kotou eke au ke kau fenaaki. Ko kotou ala na tonu ke puipui ia au, talie na leaise kau taulalo fua i se nea i apositolo lalasi, logo ai e leai soku uiga.

Lua tosi ki le kau Kolinto 12:11 ပူးပေါင်းရင်းမြစ်များ

Taagapati 27:2

Tuku ke vikiviki a koe e se tasi kese, kae aua e lou gutu totonu, E se matapule, kae aua e ou laugutu totonu.

Luka 17:10

Ko koutou foki, ka kua kotou fai loa a nea fuli ala na fakatotonu atu kia koutou, ti kotou pati : Ko ni tagata fakasausau lee aoga matou, kua motou fai le nea leia na tonu ke motou fai.

Uluaki tosi ki le kau Kolinto 13:2

Ti kapau e kau maua loa le nea alofa o le kikite, mo le iloa o misitelio fuli, ti mo le poto katoa ; ti kapau e kau maua loa le tui katoa o kaku ki le siki o mauga, kae e leaise kau maua le alofa, ko le nea noa au.

Uluaki tosi ki le kau Kolinto 3:22

Pe ko Paulo, pe ko Apolosio, pe ko Sefasi, pe ko le malama nei, pe ko le mauli, pe ko le mate, pe ko nea o le temi nei, pe ko nea o le temi ka au.

Lua tosi ki le kau Kolinto 1:6

Ti kapau e ma mamae, e tupu ke kotou maua le fakafimalie mo le fakamauli ; ti kapau e ma maua le fakafimalie, e tupu ke kotou maua le fakafimalie, leia e fakaliliu ia koutou o makeke ki le tali mo le kataki o mamae ala e ma tali ia.

Lua tosi ki le kau Kolinto 11:1

Oi ! E kau fakaamu ke kotou mafai ia le tali o se valea ikiiki fua iate au ! io, kotou kataki au !

Lua tosi ki le kau Kolinto 11:5

Ka e kau fuafua atu e au e leaise kau taulalo ake i se nea i apositolo lalasi ana.

Lua tosi ki le kau Kolinto 12:12

Kua fakasa a fakamaoki o laku gaoi fakaapositolo ia koutou i le kataki fualoa i asiasi fuli, mo ni fakamailoga, mo ni nea fakamanamana, ti mo ni milakulo.

Lua tosi ki le kau Kolinto 12:6

Kapau e kau loto ke kau fakakololia, e leaise kau fai loa pe se vale, talie e kau fakasa loa le maoki ; kae e leaise kau fai le nea lena, o tupu ke aua na maua e se tasi se manatu kiate au leia e taualuga ake i le nea leia e tio a ia ki ai iate au pe ko le nea leia e logo a ia ki ai meiate au.

Lua tosi ki le kau Kolinto 3:1

Pe ma toe kamata masau kia maua totonu ? Pe aoga kia maua, ofaipe ni iki, ni tosi fakamaoki kia koutou, pe meia koutou ?

Lua tosi ki le kau Kolinto 5:13

Talie, kapau kua kau valea, ti e tupu ko le Atua ; kapau e kau poto, ti e tupu ko koutou.

Kalate 6:3

Kapau e manatu se tasi ko se tasi a ia, kae ko se nea noa a ia, e kakai e ia a ia totonu.

Efeso 3:8

Kiate au, leia e ikiiki oki i le kau sagato katoa, kua tuku ki ai le kalasia lena ke kau fakasa ia ki le kau pagani a koloa loloto o Kilisito,