Lua tosi ki le kau Kolinto 11:3 - Tosi Tapu

³ Kae, ofaipe le gata leia na kakai ia a Eva i lana puleaki kaka, e kau i na kua fakasalai okoutou fakakaukau ke kotou maliu kese i le faigaofie leia e mau ia Kilisito.

Lua tosi ki le kau Kolinto 11:3 ပူးပေါင်းရင်းမြစ်များ

Senesi 3:1

Na poto lasi ake le gata i manu fuli o le vao ala na fakatupu e le Eteleno Atua. Na pati loa a ia ki le fafine : Pe na pati maoki atu le Atua : E leaise kolua kai loa ki laakau fuli o le oloto ?

Senesi 3:13

Ti na pati loa le Eteleno Atua ki le fafine : Kolea na ke fai ai le nea lena ? Na tali loa le fafine : Na kakaai au e le gata, o kau kai loa ki le fua o le laakau.

Senesi 3:20

Na soli loa e Atama ki lana avaga le igoa ko Eva : talie ko le tinana a ia o kakai mauli fuli.

Senesi 3:4

Ti na pati loa le gata ki le fafine : E leaise kolua mamate loa ;

Pesalemo 119:53

E kau maua e se itaita veli i le tio ki le kau agaveli, Ala e tiaki ia lau lao.

Mateo 24:24

Talie e mafuta loa ni kilisito loi mo ni polofeta loi ; ti e lotou fai loa ni nea fakamanamana lalasi mo ni milakulo ke fakasesei ai, mo ka na feala, latou foki ala kua filifili.

Soane 8:44

E kotou tamana kia Satana, ti e kotou fia fakasoko a oli o lokoutou tamana. Na tukipo a ia talu mei le kamataaga, ti e leaise nofo a ia i le maoki, talie e leaise maoki iate ia. Ka puaki e ia le loi, e masau a ia mei lona takele totonu ; talie e loi a ia ti ko le tamana a ia o le loi.

Loma 12:8

ko leia e fakamakeke ke pipiki a ia ki le fakamakeke ; ko leia e soli ke fai e ia mo le loto malie ; ko leia e takitaki ke fai e ia mo le loto katoa ; ti ko leia e alofa ki le kau mativa ke fai e ia mo le loto fiafia.

Lua tosi ki le kau Kolinto 1:12

Talie ko le nea leia e ma fiafia ai, ko le fakamaoki leinei o ma loto, na ma mauli i le malama nei, kae tafito kia koutou, i le maokioki ti mo le mea i mua o le Atua, o leai i se poto fakatagata, kae i le kalasia o le Atua.

Lua tosi ki le kau Kolinto 11:20

Kapau e fakapopulai koutou e se tasi, kapau e folo koutou e se tasi, kapau e fakamakeke koutou e se tasi, kapau e masau lalasi se tasi, kapau e paai okoutou mata e se tasi, e kotou kataki a ia.

Lua tosi ki le kau Kolinto 11:29

Kapau e gaegae se tasi, e kau logoi foki se gaegae ? Kapau e vilo ki le agasala se tasi, e kau logoi se mamae lasi ?

Lua tosi ki le kau Kolinto 2:17

Talie e leaise motou fai kaka ki le folafola a le Atua, ofaipe le fai a se toka api ; kae motou masau i le maoki, i mua o le Atua, ofaipe ni tagata fakasausau a Kilisito.

Lua tosi ki le kau Kolinto 4:2

Kae kua ma tiaki a nea fakalumaluma ala e fai fakafufu, ti e leaise ma fai ia ni nea fakakaka, ti e leaise ma fulusi ia le folafola a le Atua. Kae e ma fakasa ia le maoki, ti e ma tuku ia maua ki le loto o tagata fuli i mua o le Atua.

Kalate 1:6

E kau punamauli i lakoutou titua vave ai ki leia na kalagai ia koutou i le kalasia o Kilisito, o fakalaka ki se tasi ake Evaselio.

Kalate 2:4

Ti ko le nea lena o tupu ko fetaina loi ala na ulu fakafufu mai kia matou, o lama le mauli lauatea leia kua motou maua ia Sesu-Kilisito, mo le manatu ke lotou fakapopulai matou.

Kalate 3:1

Ei kau Kalate valelea ! Ko ai lena kua fakauluvalea ia koutou, ke aua na koutou fakalogo ki le maoki, koutou ala na fakasa tautonu ki okoutou mata a Sesu-Kilisito leia na tutuki i le koluse ?

Kalate 4:11

E kau i na ano noa laku gaoi kia koutou.

Efeso 4:14

Talie ke aua na tou toe fai loa pe ni toe liliki, ala e fetaaki mo feaveaki e matagi o akonaki fuli ala e fakamafola e ni tagata kaka ke fakasese ai ni iki ki alatou puleaki kaka.

Efeso 4:22

Koia e tonu ai ke kotou tiaki lokoutou natula mago leia e pala i oli veveli kaka,

Efeso 6:24

Ke nofo le kalasia ia latou fuli ala e alofa ki lotatou Aliki ko Sesu-Kilisito i se alofa lee popo.

Kolose 2:18

Ke aua na kakai koutou e se tasi i le totogi o le makape, ki se agamalu i tafa ti mo se tausi ki le kau aselo ; talie e makita a ia i le fia nealasi vaiga i ana tio fakalaumalie, ti mo ana manatu fakakanofi,

Kolose 2:4

E kau fakasa le nea lena o tupu ke aua na kakai koutou e se tasi ki ni masau logologomalie.

Kolose 2:8

Kotou tokaga na fakasesei koutou e se tasi ki le filosofia ti mo se masau noa, o fanaki ki le talatisio a tagata, ti mo makeke fakalaumalie o le malama nei, kae leai kia Kilisito.

Uluaki tosi ki le kau Tesalonika 3:5

Koia, i loku le leaise koi mafai laku kataki, na kau kakau loa se tasi ke fakasa ia mai kiate au le anoaga o lakoutou tui, talie na kau i na fakasalai koutou e le fili kae ano noa lamatou gaoi.

Uluaki tosi kia Timoteo 1:3

E kau toe fakamanatu atu kiate koe le kole leia na kau tuku atu kiate koe i laku mavae i Masetonia : na kau kole atu kiate koe ke ke nofo i Efeso o fakatotonu ki ni iki ke aua na fai ia ni akonaki kese,

Uluaki tosi kia Timoteo 2:14

Na leaise kakaai a Atama, kae ko le fafine leia na kakaai ti na vilo ki le patigataa.

Lua tosi kia Timoteo 3:13

Kae ko tagata agaveli mo fakasala e asilisili veli loa mo asilisili sese loa, a latou totonu mo latou ala na lotou kakaai.

Tito 1:10

Talie e toka api latou, tafito i le kau silikosisio kua tafoki, ala e agatuu, mo masau noa, ti mo kaka :

Epelo 13:9

Aua na kotou muli i ni akonaki foou mo sala. Talie e malie ke fakafoou okoutou loto e le kalasia, kae e leai e ni lekula o uiga mo ni nea kai ; e leai sona ga aoga fua kia latou ala e muli i ai.

Lua tosi a Petelo 3:17

Kae kia koutou, alofaaga, ala kua iloa ia le maoki i le temi nei, kotou tokaga, ke aua na ave koutou e le sese o le kau agaveli, ti ke kotou vilo loa mei lokoutou tuuaga makeke ;

Lua tosi a Petelo 3:3

Kotou iloa mua, i aso fakamuli, e au loa ni kau gologolo, ala e saele loa o mulimuli ki olatou oli veveli totonu.

Uluaki tosi a Soane 2:18

Fanau liliki, ko le ola fakamuli leinei, ti na kotou logo, e tonu ke au le atekilisito ; ti ko leinei kua mauke i le temi nei ni atekilisito : I le nea lena e tou iloa ai, ko le ola fakamuli.

Uluaki tosi a Soane 4:1

Alofaaga, aua na kotou tui ki laumalie fuli ; kae kotou asiasii latou, ke iloa pe lotou au mei le Atua, talie kua api le kau polofeta loi kua taka i le malama nei.

Suta 1:4

Talie kua ulu fakatolotolo mai kia koutou ni tagata, ala kua fualoa le tosi fakatomua o olatou tautea, ko ni tagata agaveveli ala kua fetogi ia le kalasia o lotatou Atua ki le mauli fakalaluvale, ti kua lotou fakafiti ki lotatou Pule e tasi mo Aliki ko Sesu-Kilisito.

Apokalipisi 12:15

Ti na luluai loa e le gata mei lona gutu se vai ofaipe se vaitafe lasi i muli o le fafine, o tupu ke tafea ai le fafine.

Apokalipisi 12:9

Ti na ti loa ki fafo le gata lasi, le gata afea, leia na igoa ko Tiapolo mo Satana, leia na kakaai ia le malama nei katoa. Ti na ti loa a ia ki le kele, ti na ti foki ana kau aselo mo ia ki le kele.

Apokalipisi 20:2

Ti na too loa e ia le gata, le gata afea, leia ko le Tiapolo mo Satana, ti na sai loa e ia a ia i fetuu e afe.