Lua tosi ki le kau Kolinto 11:15 - Tosi Tapu

¹⁵ Koia e leaise ko se nea foou foki, mo ka kofu tagata gaoi ana ofaipe ni tagata fakasausau o le maokioki. Ko lolatou ikuaga e mulimuli loa ki alatou gaoi.

Lua tosi ki le kau Kolinto 11:15 ပူးပေါင်းရင်းမြစ်များ

Lua tosi o Sau 5:13

Kae na fakafeofi ake loa ana tagata fakasausau, o pati kiate ia : Tamana, kanapau na kole atu e le polofeta kiate koe se nea faigataa, pe na leaise ke fai loa a ia ? Ti kolea e leaise ke fai ai loa le nea leia kua pati atu a ia kiate koe : Maanu, ti e ke mea loa !

Selemia 29:32

Ko leinei le nea leia e fakasa e le Eteleno : E kau tautea loa Semaesa, le tagata Neselami, mo lona sakoga ; e leaise nofo loa se tasi o lona sakoga i loto malie o le kakai lena, ti e leaise tio loa a ia ki le malie leia e kau fai loa ki loku kakai, e pati le Eteleno ; talie ko ana masau ko se agatuu ki le Eteleno.

Selemia 5:31

E faikikite le kau polofeta i le loi, Ti e kau fakatasi mo latou le kau faisakilifisio, o pule faifaitalisa, Ti e fiafia loku kakai i le nea lena. Kolea e kotou fai loa i le fakaoki ?

Esekiele 13:22

O tupu e kotou fakamamae le loto o le tagata agatonu ki ni loi, Leia na leaise kau fakamamaei, Ti e tupu e kotou fakamakeke a lima o le tagata agaveli Ke aua na mavae a ia i lona ala veli ke mauli ai,

Gaoi 13:10

Ko le tagata a koe kua apele i kaka fuli ti mo veli fuli, ko le vosa o le temonio, ko le fili o le maokioki, pe leaise tuku lau fakavelii a ala totonu o le Aliki ?

Loma 2:6

leia e totogi ia loa ki tagata taki toka tasi o mulimuli ki ana gaoi :

Loma 3:8

Ti kolea e leaise tou fai ai loa le veli o tupu ke soko ai se malie, ofaipe le pati a ni iki ala e lauveli mai kia matou ? E tonu le tautea o kakai ana.

Uluaki tosi ki le kau Kolinto 9:11

Kapau kua ma muluki ia koutou a koloa fakalaumalie, pe leaise taga ke ma maua se ganea fakaikiiki fua i okoutou koloa fakamalama ?

Lua tosi ki le kau Kolinto 11:13

Ko tagata ana ko ni apositolo loi, ko ni tagata gaoi kaka, e lotou kofu pe ni apositolo a Sesu-Kilisito.

Lua tosi ki le kau Kolinto 11:23

Pe ko tagata fakasausau latou a Kilisito ? E kau masau fakavale, e kau fakalaka ake ia latou : i gaoi, e kau lasi ake ; i sasa, e kau toe lasi ake ; i fakapilisoni, e kau lasi ake. Na tua lasi loku tutamaki ki le mate.

Lua tosi ki le kau Kolinto 3:9

Talie kapau na kololia ia le gaoi o le fakamalaia, ti e toe fakalaka mamao ake le kololia ia o le gaoi o le faitotonu.

Efeso 6:12

Talie e leaise tou fepoko mo le kanofi mo le toto, kae mo le kau pule, mo le kau makeke, mo le kau pule lalasi o le fakapouli, mo le kau laumalie veli i potu fakalagi.

Filipe 3:19

Ko lolatou fakaoki ko le pulinoa ; e lotou atua ki olatou manava, ti e lotou fakakololia latou i le nea leia e tonu ke lotou luma ai, talie lotou manatu fai ki nea o le malama nei.

Lua tosi a Petelo 2:3

I lolatou manumanu koloa, e lotou faigai loa ke lotou maua meia koutou ni koloa ki ni masau kaka, e latou ana kua tuu fakalogo ki ai se tautea fakaii talu mei fualoa, ti e leaise moe lolatou maumaui.

Suta 1:4

Talie kua ulu fakatolotolo mai kia koutou ni tagata, ala kua fualoa le tosi fakatomua o olatou tautea, ko ni tagata agaveveli ala kua fetogi ia le kalasia o lotatou Atua ki le mauli fakalaluvale, ti kua lotou fakafiti ki lotatou Pule e tasi mo Aliki ko Sesu-Kilisito.

Apokalipisi 13:14

Ti na kakaai e ia a kakai o le malama nei ki ana nea fakaofolele ala na soli ke fai e ia i mua o le uluaki manu fekai. Ti na pati a ia ki kakai o le malama nei ke fau se fakatata o le manu leia na lavea i le seleta ti na mauli.

Apokalipisi 13:2

Ko le manu leia na kau tio ki ai na faipe se leopale ; na fai ona vae pe vae o se uluso, ti na fai lona gutu pe le gutu o se laione. Ti na soli loa e le gata kiate ia lona makeke, mo lona ekeekeaga fakasau, ti mo se pule lasi.

Apokalipisi 9:11

Ti na pule loa kia latou le aselo o le vanu, leia na igoa i le fakaepeleo ko Apatone, i le fakakeleka ko Apolione (maumau).