Lua tosi ki le kau Kolinto 11:1 - Tosi Tapu

¹ Oi ! E kau fakaamu ke kotou mafai ia le tali o se valea ikiiki fua iate au ! io, kotou kataki au !

Lua tosi ki le kau Kolinto 11:1 ပူးပေါင်းရင်းမြစ်များ

Lua tosi o Sau 5:3

Na pati loa le ga taine ki lona fafine pule : Oi, kanapau na nofo loa loku aliki i tafa o le polofeta leia e nofo i Samalia, kua fakamauli loa a ia e le polofeta i lona kilia !

Numelo 11:29

Na tali loa Moisese kiate ia : Pe ke finenonofo o tupu ko au ? E fakaamu ake ke liliu le kakai fuli o le Eteleno ko ni polofeta, ti ke finegalo malie le Eteleno o tuku lona Laumalie kia latou !

Mateo 17:17

Na tali loa Sesu : Lanu tui gataa mo aga fakalialia, e kaku loa kiafea laku nofo mo koutou ? E kaku loa kiafea laku kataki kia koutou ? Aumai a ia ki leinei.

Gaoi 18:14

Ti na faiga loa Paulo ke masau, kae na pati loa Kalione ki le kau Sutea : Kakai Sutea, kapau ko se tukipo pe ko se sala mamafa, e kau fakalogo atu loa kia koutou ;

Gaoi 26:29

Ti na tali loa Paulo : Pe soko vave a ia pe soko tuvai, e kau kole ki le Atua ke aua na gato fua kiate koe, kae kia latou fuli foki ala e fakalogo mai kiate au i le aso nei, ke kotou liliu ofaipe au, kae sala fua mo tini anei !

Uluaki tosi ki le kau Kolinto 1:21

Talie i lona poto na leaise iloa e le malama nei le Atua, kae na malie ki le Atua i lona poto ke saofaki latou ala e tui ki le valea o le akonaki.

Uluaki tosi ki le kau Kolinto 3:18

Ke aua na kakai e se tasi a ia totonu : Kapau e tui se tasi ia koutou ko se poto a ia i le sekulo leinei, ke liliu a ia ko se vale, o tupu ke liliu a ia ko se poto.

Uluaki tosi ki le kau Kolinto 4:10

Kua motou valelea o tupu ko Kilisito, kae ko koutou, kua kotou popoto ia Kilisito ; e motou gagae, kae e kotou makeke ; e fakaapaapa kia koutou, kae e nukinuki kia matou !

Uluaki tosi ki le kau Kolinto 4:8

Ko leinei, kua kotou makona ; kua kotou mou koloa, kua kotou kamata sau kae sala mo maua. Ti e amusia ake ke kotou sau maoki, o tupu ke ma sau foki mo koutou !

Lua tosi ki le kau Kolinto 11:19

Talie e kotou kataki le kau vale, e koutou ala e popoto !

Lua tosi ki le kau Kolinto 11:21

E kau luma i lona fakasa, na ma fakasa loma gagae. Kae, ko nea fuli ala e feala ke toa ai se tasi - e kau masau pe se vale - e kau toa foki mo au i lona fai !

Lua tosi ki le kau Kolinto 11:4

Talie, kapau e natu se tasi o fakasa atu kia koutou se tasi ake Sesu i leia kua motou fakasa ia atu, pe kapau e kotou tali se tasi ake laumalie i leia kua kotou tali ia, pe ko se tasi ake Evaselio i leia kua kotou tui ki ai, e kotou kataki malie le tagata lena.

Lua tosi ki le kau Kolinto 12:11

Kua kau valea : Na kotou eke au ke kau fenaaki. Ko kotou ala na tonu ke puipui ia au, talie na leaise kau taulalo fua i se nea i apositolo lalasi, logo ai e leai soku uiga.

Lua tosi ki le kau Kolinto 5:13

Talie, kapau kua kau valea, ti e tupu ko le Atua ; kapau e kau poto, ti e tupu ko koutou.

Epelo 5:2

E feala ke maua e ia se alofa mamae ki le kau vale mo le kau sese, talie e kau foki a ia totonu ki le gaegaeia.

Sosue 7:7

Na pati loa Sosue : Aliki Eteleno, kolea na ke tuku ai le kakai leinei ke fakalaka i le Solotane ke tuku matou ki lima o le kau Amole ke lotou tamate matou ? Na malie ake ke motou nofo i leia fetuu o le Solotane !