Lua tosi ki le kau Kolinto 10:6 - Tosi Tapu

⁶ E ma teuteu foki ke ma tautea a patigataa fuli, mo ka e katoa loa lakoutou fakalogo.

Lua tosi ki le kau Kolinto 10:6 ပူးပေါင်းရင်းမြစ်များ

Loma 2:23

Ko koe, leia e ke nekenekea i lau maua le lao, e ke fakamatagafua le Atua i lau maumaui ia le lao !

Uluaki tosi ki le kau Kolinto 4:21

Kolea e kotou loto ki ai ? Ke kau natu kia koutou mo se laakau, pe mo le alofa mo se loto agamalu ?

Lua tosi ki le kau Kolinto 13:10

Koia e kau tosi atu ai a nea ana kae kau puli ia koutou, o tupu ke aua na kau fakaaoga ia loa le makeke, mo ka kau nofo loa mo koutou, o mulimuli ki le pule leia kua soli mai e le Aliki ki le lagai kae leai ki le maumaui.

Lua tosi ki le kau Kolinto 13:2

E kau fai se valoki kia latou ala na agasala i mua ti mo latou ake ala ; na kau tuku atu foki a ia i le tua lua o laku nofo mo koutou, kae e kau toe liuga atu a ia i le aso nei e kau mamao ai mo koutou : i le faiaga ka au e kau natu ai loa o tio kia koutou, e leaise kau toe fakaneanea loa ki se tasi,

Lua tosi ki le kau Kolinto 2:9

talie na kau fai tosi atu foki kia koutou ko laku fia iloa, i laku asiasii koutou, pe kotou fakalogo i nea fuli.

Lua tosi ki le kau Kolinto 7:15

Ti ko lona manavaalofa kia koutou kua toe lasi kese ake, i lana manatu ki lakoutou fakalogo a koutou fuli, ti mo lakoutou tali a ia mo se loto fakaapaapa mo se loto lulu.

Uluaki tosi kia Timoteo 1:20

Ia latou ana e kau ai Imeneo mo Alesatelo, ala kua kau tuku kia Satana, o tupu ke la ako ai ke aua se fatituu.

Tolu tosi a Soane 1:10

Koia, kapau e kau natu, e kau fakamanatu loa le veli katoa leia e fai e ia, a masau veveli mo loi ala e lau e ia kia matou. Kae e leaise feauga le nea lena kiate ia, e leaise fakatalitali e ia fetaina, ti e taofi e ia latou ala e loto ki ai, o kapu latou mei le Ekelesia.