Lua tosi ki le kau Kolinto 10:5 - Tosi Tapu

⁵ E ma soloi ki lalo a fakakaukau mo nea taualuga fuli ala e malaga ake ki le iloa o le Atua, ti e ma fakapilisoni a manatu fuli o aumai latou ki le fakalogo kia Kilisito.

Lua tosi ki le kau Kolinto 10:5 ပူးပေါင်းရင်းမြစ်များ

Senesi 8:21

Na nanamu loa le Eteleno ki le manogi o le sakilifisio, ti na pati loa a ia i lona loto : E leaise kau toe fakamalaia loa le kele o tupu ko le tagata, talie e veveli a manatu o le loto o le tagata mei lona ikiiki ; ti e leaise kau toe tautea loa a nea fuli e mauli, ofaipe le nea leinei kua kau fai.

Lua tosi o Sau 19:22

Ko ai leia na ke lauvelii ia mo pativelii ia ? Ko ai leia na ke pati leo lasi ki ai ? Na ke siki ou mata ki aluga Ki le Sagato o Iselaele !

Lua tosi o Sau 19:28

Talie kua ke itaita kiate au, Ti kua kaku mai ki oku taliga au masau matasoka, E kau tuii loa laku matau ki lou isu, Ti e kau fakagutu loa a koe, Ti e kau toe fakaliliu ia loa a koe i le ala leia na ke au ai.

Sopo 42:6

Koia kua kau iloa ai laku sala, ti kua kau fakasemala ai, O tonatona ki le efu mo le mugalafu.

Pesalemo 10:4

E pati le tagata agaveli i lona fia nealasi : E leaise fakatua e ia ! E leaise Atua ! - Ko na ana manatu fuli.

Pesalemo 139:2

E ke iloa mo ka kau tonatona ki lalo, ti mo ka kau tuu ki aluga, E ke ului mei mamao laku manatu ;

Pesalemo 18:27

Ki leia e mea e ke fakasa lou mea, Ki leia e agatuu e ke fai o mulimuli ki lana agatuu.

Pesalemo 18:44

E ke saofaki au i visi o le kakai ; E ke tuku au ki le ulu o atu puleaga. E tausi kiate au se kakai leia na leaise kau iloa.

Ekesote 5:2

Na tali loa Falaone : Ko ai le Eteleno ke kau fakalogo ki lona leo, ti ke kau tuku ke ano Iselaele ? E leaise kau iloa fua le Eteleno, ti e leaise kau tuku loa ke ano Iselaele.

Taagapati 15:26

E fakalialia le Eteleno ki fakakaukau veveli, Kae ko masau malilie e mea ki ona mata.

Taagapati 24:9

Ko manatu fuli a le vale e agasala, Ti e fakalialia le tagata gologolo ki le kakai.

Esaia 2:17

E tuku loa ki lalo le tagata fia nealasi, Ti e fakataulalo loa le tagata fia taualuga : Kae e siki loa ki aluga le Eteleno toka tasi i le aso lena.

Esaia 55:7

Ke tiaki e le tagata agasala lona ala, Ti mo le tagata agaveli ana manatu ; Ke toe liliu a ia ki le Eteleno, leia e alofa loa kiate ia, Ki lotatou Atua, leia e leaise kaekae i le fakamolemole.

Esaia 59:7

E makape olatou vae ki le veli, Ti e lotou fakatavili o liligi le toto mea ; Ko alatou manatu ko ni manatu o le agasala, Ti e maua i olatou ala le kaia mo le maumau.

Esaia 60:14

E au loa a vosa o latou ala na fakaveliveli kiate koe, o su kiate koe, Ti ko latou fuli ala na vesia kiate koe e punou loa i ou vae ; E lotou fakaigoa loa a koe ko le kolo o le Eteleno, Sione o le Sagato o Iselaele.

Selemia 23:29

Pe leaise fai laku folafola pe se afi, e pati le Eteleno, Pe se amale leia e fatifati ia le fatu ?

Selemia 4:14

Selusalemi, fakamea lou loto i le veli, O tupu ke fakamauli a koe ! E kaku loa kiafea lau taofi i lou loto au manatu veveli ?

Esekiele 17:24

Ti e iloa loa e laakau fuli o le vao ko au, le Eteleno, na kau tuku ia ki lalo le laakau leia na malaga ki aluga, kae na kau siki ia ki aluga le laakau leia na tuku ki lalo, ti na kau fakagae ia le laakau sesega kae na kau fakasesega ia le laakau gae. Ko au, le Eteleno, kua kau masau, ti e kau gaoi loa.

Taniela 4:37

I le temi nei, ko au Nepukatenesale, e kau fakavikiviki, e kau atolasio, ti e kau fakakololiai le sau o le atu lagi, leia e maoki ana gaoi fuli ti e totonu ona ala, ti e mafai ke tuku ia ki lalo latou ala e saele i le fia nealasi.

Mateo 15:19

Talie e au mei le loto a manatu veveli, mo tukipo, mo tono, mo oli veli, mo kaia, mo fakamaoki loi, ti mo fatituu.

Luka 1:51

Na fakasa e ia le makeke o lona lima ; Na veteki e ia latou ala na nonofo mo ni manatu fia nealasi i olatou loto.

Loma 1:21

Talie kua lotou iloa le Atua, kae na leaise lotou fakakololia kiate ia ko le Atua, ti na leaise lotou fakafetai kiate ia ; kae na lotou sese i ni fakakaukau vaiga, ti kua apele olatou atamai valelea i le fakapouli.

Loma 1:5

Ko ia leia na motou tali mei ai le kalasia mo le gaoi fakaapositolo, ke aumai i lona suafa ki le fakalogo o le tui a puleaga pagani fuli,

Loma 16:26

kae kua fakasa i le temi nei e tosi a le kau polofeta, o mulimuli ki le fakatuutuu a le Atua lee gato, ti kua fakasa ke iloa e puleaga fuli, o tupu ke lotou fakalogo ki le tui :

Loma 7:23

kae e kau tio i oku koga tino ki se tasi ake a lao leia e tau ki le lao o loku loto, ti e fakapopula ia au ki le lao o le agasala leia e nofo i oku koga tino.

Uluaki tosi ki le kau Kolinto 1:19

Talie kua tosi : E kau maumaui loa le poto o le kau poto, Ti e kau fakaliliu loa o noa le atamai o le kau atamai.

Uluaki tosi ki le kau Kolinto 3:19

Talie ko le poto o le malama nei ko se valea a ia i mua o le Atua. Talie kua tosi : E tapo e ia le kau poto i lalatou fia poto.

Lua tosi ki le kau Kolinto 11:20

Kapau e fakapopulai koutou e se tasi, kapau e folo koutou e se tasi, kapau e fakamakeke koutou e se tasi, kapau e masau lalasi se tasi, kapau e paai okoutou mata e se tasi, e kotou kataki a ia.

Lua tosi ki le kau Kolinto 9:13

I le tio loa ki le tokoi lena kia latou, e lotou fakakololia loa ki le Atua o uiga mo lakoutou fakalogo ki le fakasa o le Evaselio a Kilisito, ti mo lokotou alofa lasi o vaevae okoutou koloa mo latou ti mo le kakai katoa ;

Tetelonome 15:9

Ke ke tokaga ai na ke maua loa i lou loto ni manatu fakalialia, o ke pati loa : kua ofi le fitu o fetuu, le fetuu o le soloi o maua ! Ke ke tokaga na ke maua loa se tio fakaveli ki lou taina leia e mativa, o leaise ke soli loa kiate ia se nea. E kalaga loa a ia ki le Eteleno o uiga mo koe, ti e ke amo loa i ai se agasala.

Filipe 4:7

ti ko le tokamalie o le Atua, leia e fakalaka ake i atamai fuli, e taupau ia loa okoutou loto mo akoutou manatu ia Sesu-Kilisito.

Lua tosi ki le kau Tesalonika 2:4

le tagata agatuu leia e malaga i aluga o nea fuli ala e igoa ko Atua, pe ko nea fuli ala e atolasio ki ai ; ti e kaku a ia o nofo ofaipe le Atua i le fale tapu o le Atua, o fakasa a ia ko le Atua.

Lua tosi ki le kau Tesalonika 2:8

Ti ka oki a ia, e sa loa le tagata Agaveli, leia e tamate loa e le Aliki Sesu ki le tukumanava o lona gutu, ti mo maumaui loa ki le gigila o lana toe liliu mai.

Epelo 4:12

Talie ko le folafola a le Atua e mauli, mo makeke, mo matakakai ake i se seleta mata lua, mo ulu loloto o kaku ki le vaei o le loto mo le laumalie, o sokoga mo gako o ivi ; e fakamaaui e ia a manatu o le laumalie ti mo manatu o le loto.

Epelo 5:9

i le oki o lona siki ki le malie tukupau, na liliu a ia kia latou fuli ala e fakalogo kiate ia ko le pule o se saofaki lee gato,

Uluaki tosi a Petelo 1:2

ti kua filifili o mulimuli ki le muaki iloa o le Atua ko le Tamana, ki le fakamaokioki a le Laumalie, o tupu ke lotou fakalogo, ti ke lotou kau ki le afusi o le toto o Sesu-Kilisito ; ke tuku fakalasi atu kia koutou le kalasia mo le tokamalie !

Uluaki tosi a Petelo 1:22

Kua kotou fakamea okoutou laumalie i le fakalogo ki le maoki ke kotou maua se alofa fakatautaina maoki, koia ke kotou fealofani makeke ia koutou, i lokoutou loto katoa,