Lua tosi ki le kau Kolinto 10:14 - Tosi Tapu

¹⁴ E leaise ma mavae i oma koiga, o sakinake na leaise ma au o kaku mai kia koutou ; talie ko koutou ala na ma kaku atu ki ai mo le Evaselio o Kilisito.

Lua tosi ki le kau Kolinto 10:14 ပူးပေါင်းရင်းမြစ်များ

Maleko 1:1

Kamataaga o le Evaselio o Sesu-Kilisito, Alo o le Atua.

Gaoi 20:24

Kae e leaise kau tokaga fua ki loku mauli, o sakinake koi mauiga a ia kiate au, kae kese fua ke kau fakaoki i le fiafia laku makape, ti mo le gaoi leia kua kau tali mei le Aliki Sesu, ke fakasa le logo malie o le kalasia o le Atua.

Loma 1:16

Talie e leaise kau luma ai ki le Evaselio : Ko le makeke a ia mei le Atua ke fakamauli ai leia e tui, o uluaki le Sutea, ti mo le Keleka foki,

Loma 16:25

Ki leia e mafai ke fakamakeke ia koutou o mulimuli ki laku Evaselio ti mo le akonaki o Sesu-Kilisito, o mulimuli ki le fakasa o le misitelio leia na munia mei le kamataaga o le malama nei,

Loma 2:16

E sa loa le nea lena i le aso leia e fakamaaui ai loa e le Atua ia Sesu-Kilisito a gaoi fakapulipuli a tagata, o mulimuli ki laku Evaselio.

Uluaki tosi ki le kau Kolinto 2:10

Ti kua fakasa e le Atua a nea ana kia tatou i lona Laumalie : Talie e ului e le Laumalie a nea fuli, tatau foki mo nea loloto o le Atua.

Uluaki tosi ki le kau Kolinto 3:10

O mulimuli ki le kalasia o le Atua leia kua soli mai kiate au, kua kau teki le fakavae ofaipe se tufuga fale poto, ti na fau loa e se tasi ake i aluga. Kae ke tasi tokaga ki lana faasiga fau i aluga.

Uluaki tosi ki le kau Kolinto 4:15

Talie, kapau e kotou maua foki ni pule e tino agafulu afe ia Kilisito, kae e leaise kotou maua ni tamana mauke, talie ko au leia na fanaui ia koutou ia Sesu-Kilisito ki le Evaselio.

Lua tosi ki le kau Kolinto 2:12

Koia i laku kaku atu ki Toloasi ke fakasa ai le Evaselio a Kilisito, o logo ai na fakamavaa e le Aliki se matapa kiate au i ai, kae na leaise kau maua ia se malolo i loku loto, talie na leaise kau maua ia a Tito, loku taina ;

Lua tosi ki le kau Kolinto 4:4

ki le kau tui gataa ala kua fakakivi olatou mata e le atua o le sekulo leinei, o tupu ke aua na lotou tio ki le gigila o le malama o le Evaselio o le kololia o Kilisito, leia ko le paaki o le Atua.

Kolose 1:5

o tupu ko le amanaki malie leia kua taofi atu ma koutou i le atu lagi, ti kua fakasa atu kia koutou i mua e le folafola o le maoki, le folafola o le Evaselio.

Uluaki tosi kia Timoteo 1:11

leia e mulimuli ki le Evaselio o le kololia o le Atua manuia, Evaselio leia kua tuku mai kiate au.