Lua tosi ki le kau Kolinto 10:12 - Tosi Tapu

¹² E leaise mafai ke ma fia fakatatau ki ni iki o latou ala e fia matamua, talie e lotou fakatuu alotou fua totonu ke fuafua ai latou, ti i lalatou fakatatau latou kia latou totonu, e lotou sala atamai ai.

Lua tosi ki le kau Kolinto 10:12 ပူးပေါင်းရင်းမြစ်များ

Sopo 12:2

E sakinake ko le malama nei katoa ko koutou fai, Ti e tonu ke mate le poto mo koutou.

Taagapati 25:27

E leaise malie le kai lasi o le meli, Ti mo le afa lasi o le kololia.

Taagapati 26:12

Kapau e ke tio ki se tagata leia e tui e poto, Ti e lasi ake le amanaki malie ki se tagata valea i le tagata lena.

Taagapati 27:2

Tuku ke vikiviki a koe e se tasi kese, kae aua e lou gutu totonu, E se matapule, kae aua e ou laugutu totonu.

Luka 18:11

Na tuu le faliseo i aluga, ti na faikole a ia i lona loto, o pati : Ei Atua, e kau fakafetai kiate koe talie e leaise kau faipe tagata fuli : e lotou kaia, mo agaveli, ti mo tono ; ti e leaise kau fai foki pe le popelikano leinei :

Loma 15:18

Talie kapau e mafai ke kau masau ki se nea, ti ko le nea fai leia na fai e Kilisito iate au ke aumai ai le kau pagani ki le fakalogo ki le Atua, ki le folafola mo gaoi,

Lua tosi ki le kau Kolinto 10:11

Ke iloa e leia e masau fenaaki, e ma fenaaki i masau i ama tosi mo ka ma nonofo mamao, e ma toe fenaaki foki i ama gaoi mo ka ma nonofo totonu mo koutou.

Lua tosi ki le kau Kolinto 10:18

Talie e leaise ko leia e vikiviki kiate ia totonu e fakamaoki ki ai, kae ko leia e fakamaoki ki ai le Aliki.

Lua tosi ki le kau Kolinto 3:1

Pe ma toe kamata masau kia maua totonu ? Pe aoga kia maua, ofaipe ni iki, ni tosi fakamaoki kia koutou, pe meia koutou ?

Lua tosi ki le kau Kolinto 5:12

Talie e leaise ma fia mata malie atu kia koutou, kae e ma tuku atu kia koutou le faigamalie ke kotou fakakololia ai o tupu ko maua, ti ke kotou maua ai se tali kia latou ala e fakakololia i nea ala e sa i tafa kae e leaise au mei le loto.