Lua tosi ki le kau Kolinto 1:8 - Tosi Tapu

⁸ Talie e leaise ma loto, fetaina, ke tuku koutou i le fakapouli o uiga mo mamae ala na soko kia maua i Asia, talie na ma taomia lasi ai, o fakalaka foki i oma makeke, koia na leaise ma amanaki e ma toe mauuli.

Lua tosi ki le kau Kolinto 1:8 ပူးပေါင်းရင်းမြစ်များ

Gaoi 16:6

I lola taofi e le Laumalie Maokioki ke aua na la fakasa le folafola i Asia, na la ano loa ki Filisia mo le fenua ko Kalatia.

Gaoi 2:9

Ko tatou ko kau Palete, mo kau Mete, mo kau Elame ; mo la e nonofo i Mesopotamia, mo Sutea, mo Kapatose, mo Potuse, mo Asia,

Loma 1:13

Fetaina, e kau loto ke kotou iloa kua tua lasi ai laku fakatuutuu ke kau natu kia koutou, o tupu ke kau maua ni fua ia koutou ofaipe i la ake puleaga ; kae na tau taofi au o kaku mai ki le aso nei.

Uluaki tosi ki le kau Kolinto 15:32

Kapau ko ni tio fakatagata ala na kau tau ai ki manu fekai i Efeso, kolea lona aoga mai kiate au ? Kapau e leaise toe tuuake le kau mate, Tou kai ti tou inu, talie e tou mamate loa apogipogi.

Uluaki tosi ki le kau Kolinto 16:9

talie kua fakamavaa mai kiate au se matapa lasi mo aoga, ti e toka api le kau fakafesagai.

Uluaki tosi ki le kau Kolinto 4:8

Ko leinei, kua kotou makona ; kua kotou mou koloa, kua kotou kamata sau kae sala mo maua. Ti e amusia ake ke kotou sau maoki, o tupu ke ma sau foki mo koutou !

Lua tosi ki le kau Kolinto 1:9

Kae na ma tio kua tuku maoki maua ki le mate, o tupu ke aua na ma fanaki kia maua totonu, kae ki le Atua leia e toe fakatuuake ia le kau mate.

Lua tosi ki le kau Kolinto 6:9

ofaipe ni tagata e leaise iloa, kae e iloa malie maua ; ofaipe ni tagata kua mamate, ti ko leinei e ma mauuli ; ofaipe ni tagata e tautea, kae e leaise tamate ;

Uluaki tosi a Samuele 20:3

Na toe pati loa Tavite, o fakapapau : Kua iloa malie e lou tamana kua kau maua le kalasia i ou mua, ti na pati loa a ia : Ke aua na iloa e Sonatane le nea lena, talie e mamae ai loa lona loto. Kae e mauli le Eteleno ti e mauli lou laumalie ! Ko le fa sake fai e tasi e kau vasa ai mo le mate.

Uluaki tosi a Samuele 27:1

Na pati loa Tavite i lona loto : I se aso, e kau mate loa i le lima o Saulo ; e leaise nea leia e toe malie ake kiate au, kae e kau sola loa o saofaki loku mauli i le fenua o le kau Filisitini ; o tupu ke tuku ai e Saulo loku tuli i le fenua katoa o Iselaele ; ti e kau sao loa mei lona lima.