Lua tosi ki le kau Kolinto 1:4 - Tosi Tapu

⁴ leia e fakafimalie ia maua i oma mamae fuli, o tupu ke ma mafai ia le toe fakafimalie o latou ala e nonofo i mamae, ki le fakafimalie leia na fakafimalie ai maua e le Atua !

Lua tosi ki le kau Kolinto 1:4 ပူးပေါင်းရင်းမြစ်များ

Pesalemo 32:5

Na kau fakasa kiate koe laku agasala, Na leaise kau fufu laku agaveli ; Na kau pati : E kau vevete loa aku patigataa ki le Eteleno ! Ti na ke soloi le tua o laku agasala. - Manava.

Pesalemo 32:7

Ko se mumuniaga a koe kiate au, e ke puipui au i le mamae, E ke takatakai au ki ni sua o le fakamauli. - Manava.

Pesalemo 66:16

Kotou au, kotou fakalogo, koutou fuli ala e i ki le Atua, ti e kau fakamatala loa Le nea leia na fai e ia ki loku laumalie.

Pesalemo 86:17

Fai se fakamailoga kiate au, Ke tio ki ai oku fili ti ke lotou laulaunoa ! Talie e ke tokoi kiate au, ti e ke fakapelepele au, ei Eteleno !

Esaia 12:1

E ke pati loa i le aso lena : E kau fakafetai kiate koe, Eteleno ! Talie na ke sausau kiate au, Kae kua ke fakamaliu lou ita iate au, ti kua ke fakafimalie au.

Esaia 40:1

Kotou fakafimalie, kotou fakafimalie loku kakai ! E pati lokoutou Atua.

Esaia 49:10

E leaise lotou toe fia kai loa, ti e leaise lotou toe fia inu loa ; E leaise lotou toe mamae loa i le matagi vevela o le toafa ti mo le laa ; Talie ko leia e alofa kia latou e liliu loa ko lolatou tagata takitaki, Ti e taki loa e ia latou ki ni matapuna vai.

Esaia 51:12

Ko au, ko au leia e fakapelepele ia koutou. Ei loku kakai, kolea e ke i ai ki le tagata leia e mate, Ki le vosa o le tagata leia e tatau mo le mutie ?

Esaia 51:3

Talie e alofa le Eteleno ki Sione, Ti e alofa a ia ki ona maumau fuli ; E fakaliliu loa e ia lona toafa ofaipe se Palatiso, Ti mo lona kele malo ofaipe se oloto a le Eteleno. E maua loa i ai le fiafia mo le nekenekea, A fakafetai ti mo le sua o katiko.

Esaia 52:9

Kotou fai fakatasi ni kalaga fakafiafia, Koutou ko maumau o Selusalemi ! Talie e fakapelepele e le Eteleno lona kakai, E toe totogi e ia Selusalemi.

Soane 14:16

Ti ko au, e kau kole loa ki le Tamana, ti e tuku atu loa e ia kia koutou se tasi Fakapelepele, o tupu ke nofo a ia mo koutou o lee gato,

Soane 14:18

E leaise kau tuku loa koutou ke sala matua, e kau au loa kia koutou.

Soane 14:26

Kae ko le Fakapelepele, le Laumalie Maokioki, leia e kakau mai loa e loku Tamana i loku suafa, e ako ia loa kia koutou a nea fuli, ti mo fakamanatu atu loa kia koutou a nea fuli ala kua kau fakasa atu kia koutou.

Lua tosi ki le kau Kolinto 7:13

Koia kua ma fimalie i le nea lena. Kae kua toe lasi ake loma fiafia o tupu ko le fiafia o Tito, leia na kotou fakafimalie lona loto.

Lua tosi ki le kau Kolinto 7:4

E kau nofo mo se fanaki lasi kia koutou, e kau fiafia loa kia koutou i nea fuli ; e kau apele i le fakafimalie, e kau apele pipi i le fiafia i loto malie o mamae fuli.

Filipe 1:14

ti ko le lasiga o fetaina i le Aliki na loto makeke o tupu ko oku sai, ti mo toe asilisili toa o fakasa le Evaselio, sala i.

Uluaki tosi ki le kau Tesalonika 4:18

Ke kotou fefakapelepeleaki ia koutou i kupui folafola ana.

Uluaki tosi ki le kau Tesalonika 5:11

Koia, kotou fefakapelepeleaki ia koutou ti kotou fefaufauaki ia koutou, o fai foki pe le nea leia e kotou fai maoki.

Epelo 12:12

Koia ke kotou fakamakeke okoutou lima kua tau, Ti mo okoutou tuli kua gagae ;