Lua tosi ki le kau Kolinto 1:21 - Tosi Tapu

²¹ Ti ko leia e fakatuumakeke ia maua o fakatasi mo kotou ia Kilisito, ti na pani lolo ia tatou, ko le Atua,

Lua tosi ki le kau Kolinto 1:21 ပူးပေါင်းရင်းမြစ်များ

Pesalemo 45:7

Ko lou ekeekeaga fakasau, ei Atua, e tuu o lee gato ; Ko le tokotoko o lau pule ko se tokotoko o le maokioki.

Pesalemo 87:5

Ti e pati o uiga mo Sione : e tupu fuli i ai, Ti ko le Taualuga leia e fakamakeke ia a ia.

Pesalemo 89:4

Na kau fai se sai mo leia na kau filifili ; Ko leinei le nea leia na kau fakapapau kia Tavite, laku tagata fakasausau :

Esaia 49:8

Ko leinei le folafola a le Eteleno : I le temi o le kalasia e kau tali loa kiate koe, I le aso o le fakamauli e kau tokoi loa kiate koe ; E kau taupau loa a koe, ti e kau fakanofo loa a koe ke fai ia se sai mo le kakai, Ke toe lagai ia le fenua ki aluga, Ti ke tufa ia a tofiga na tiaki ;

Esaia 59:21

Ko leinei laku sai mo latou, e pati le Eteleno : Ko loku Laumalie, leia e nofo iate koe, Ti mo aku folafola, ala na kau tuku ki lou gutu, E leaise toe mavae loa i lou gutu, Mo le gutu o au fanau, Ti mo le gutu o fanau o au fanau, I le aso nei o lee gato, e pati le Eteleno.

Esaia 61:1

E iate au le Laumalie o le Aliki, le Eteleno, Talie na fakanofo au e le Eteleno ke ave ia ni logo malilie kia latou e mativa ; Na kakau e ia au ke fakamauli latou e loto fatifati, Ke fakasa ki le kau popula le lauatea, Ki le kau pilisoni le saofaki ;

Esaia 62:7

Ti ke aua na kotou tuku se malolo kiate ia i se lakaga, O kaku ki lana toe fakatuu Selusalemi ke tuu mau, Ti mo lana fakaliliu a ia ke kololia ia i le malama nei.

Esaia 9:7

E kakau e le Eteleno se folafola kia Sakopo, Ti kua vilo a ia ki Iselaele.

Levitiko 7:35

Ko le vaega lena o le fakanofo o Alone, mo le fakanofo o ona vosa, i failaulau tutu ki le Eteleno.

Apakuki 2:12

Malaia ki leia e fakatuu ia se kolo ki le toto, Leia e fakatuu ia se kolo ki le agaveli !

Soane 3:34

talie ko leia na kakau mai e le Atua e fakasa ia a folafola a le Atua, talie e leaise tuku e le Atua kiate ia le Laumalie Maokioki, o fakafuafua.

Gaoi 10:38

Ti kua kotou iloa le fakanofo e le Atua o Sesu mei Nasaleti i le Laumalie Maokioki mo le makeke. Ti kua kotou iloa foki le ano saele a Sesu i le fenua katoa o fai a nea malilie ti mo fakamauli latou fuli ala na saisai e le pule o le temonio, talie na nofo iate ia le Atua.

Loma 16:25

Ki leia e mafai ke fakamakeke ia koutou o mulimuli ki laku Evaselio ti mo le akonaki o Sesu-Kilisito, o mulimuli ki le fakasa o le misitelio leia na munia mei le kamataaga o le malama nei,

Loma 8:9

Kia koutou, e leaise kotou mauli o mulimuli ki le kanofi, kae o mulimuli ki le Laumalie, mo kapau e nofo maoki ia koutou le Laumalie o le Atua. Kapau e leaise maua e se tasi le Laumalie o Kilisito, e leaise kau a ia kiate ia.

Uluaki tosi ki le kau Kolinto 1:8

Ko ia foki leia e fakatuu makeke ia loa koutou o kaku ki le fakaoki, o tupu ke kotou saosaoa i le aso o lotatou Aliki ko Sesu-Kilisito.

Lua tosi ki le kau Kolinto 5:5

Ti ko leia kua teuteui ia maua ki le nea lena, ko le Atua, leia kua soli ia foki kia maua a fakamaoki o le Laumalie.

Kolose 2:7

o tauaka mo fakatafito iate ia, mo tuu makeke i le tui, o mulimuli ki akonaki ala kua tuku atu kia koutou, ti mo tuputupua i le fakafetai.

Uluaki tosi ki le kau Tesalonika 3:13

ke fakamakeke e ia o okoutou loto o tupu ke kotou lee mele mo maokioki i mua o le Atua ko lotatou Tamana, i le aso o le toe liliu mai o lotatou Aliki ko Sesu mo ana sagato fuli.

Lua tosi ki le kau Tesalonika 2:17

ke fakapelepele ia okoutou loto mo fakamakeke ia koutou i gaoi malilie fuli ti mo masau malilie fuli !

Lua tosi ki le kau Tesalonika 2:8

Ti ka oki a ia, e sa loa le tagata Agaveli, leia e tamate loa e le Aliki Sesu ki le tukumanava o lona gutu, ti mo maumaui loa ki le gigila o lana toe liliu mai.

Lua tosi ki le kau Tesalonika 3:3

E agatonu le Aliki, e fakamakeke loa e ia koutou, ti e puipui loa e ia koutou mei leia e veli.

Epelo 13:9

Aua na kotou muli i ni akonaki foou mo sala. Talie e malie ke fakafoou okoutou loto e le kalasia, kae e leai e ni lekula o uiga mo ni nea kai ; e leai sona ga aoga fua kia latou ala e muli i ai.

Uluaki tosi a Petelo 5:10

Ko le Atua o kalasia fuli, leia na kalagai ia koutou ia Sesu-Kilisito ki lona kololia lee gato, mo ka oki loa lakotou tali ni mamae i se ga temi ikiiki fua, e fakasaosaoa loa e ia totonu koutou, mo fakafefeka loa koutou i le tui, mo fakamakeke koutou i le alofa, ti mo fakatuu mau koutou i le amanaki malie.

Uluaki tosi a Soane 2:20

Kia koutou, kua kotou maua le Laumalie Maokioki mei leia e maokioki, ti kua kotou iloa fuli le maoki.

Uluaki tosi a Soane 2:27

Kia koutou, ko le pani lolo leia na kotou tali meiate ia e nofo tuumau ia koutou, ti e leaise aoga ke akonaki atu se tasi kia koutou. Kae tupu na ako koutou i nea fuli e le pani lolo lena, leia e maoki, ti e leaise ko se loi a ia, ke kotou nonofo tuumau iate ia o mulimuli ki akonaki ala na tuku atu e ia kia koutou.

Apokalipisi 1:6

ti na fakasoko ia tatou ko se puleaga, mo ni tagata fai sakilifisio ki le Atua lona Tamana, kiate ia le kololia mo le mafimafi, i sekulo mo sekulo ! Amene !

Apokalipisi 3:18

e kau kole kiate koe ke ke totogi atu iate au se aulo kua fakamea e le afi, o tupu ke ke liliu o mou koloa, ti mo ni kofu tetea, o tupu ke ke kofu ai, ti ke aua na sa le luma o lou telefua, ti mo se tului ke tului ai ou mata, o tupu ke ke tio malama.