Lua tosi ki le kau Kolinto 1:17 - Tosi Tapu

¹⁷ Pe i laku loto ki le nea lena, na kau fai loa se nea fakafuanoa ? Pe ko aku fakatuutuu ko ni fakatuutuu fakatagata, o sakinake e maua iate au le io mo le leai ?

Lua tosi ki le kau Kolinto 1:17 ပူးပေါင်းရင်းမြစ်များ

Selemia 23:32

Ko leinei, e pati le Eteleno, kau vesia kia latou ala e kikite ia ni moemiti loi, Ala e fakasese ia loku kakai Ki alatou loi mo alatou kaka ; Kae na leaise kau kakau fua latou, na leaise kau tuku fua kia latou se fakatotonu, Ti e leai solatou ga aoga fua ki le kakai leinei, e pati le Eteleno.

Sofoni 3:4

E matasosoka mo kaka ona polofeta ; E maumaui e ana tagata faisakilifisio a nea tapu mo le lao.

Mateo 1:19

Ko Sosefo, lona avaga, ko se tagata malie mo agatonu, ti na leaise fia fakamatagafua e ia a Malia, koia na fakatotonu ai loa e ia ke veteki fakafufu lala fakatasi.

Mateo 5:37

Ko lakoutou io ke io, ti ko lakoutou leai ke leai ; ko le nea leia e fakalasi ia a ia e au mei le pule veli.

Soane 8:15

E kotou fakamaaui o mulimuli ki le kanofi, ko au, e leaise kau fakamaaui fua se tasi.

Lua tosi ki le kau Kolinto 1:12

Talie ko le nea leia e ma fiafia ai, ko le fakamaoki leinei o ma loto, na ma mauli i le malama nei, kae tafito kia koutou, i le maokioki ti mo le mea i mua o le Atua, o leai i se poto fakatagata, kae i le kalasia o le Atua.

Lua tosi ki le kau Kolinto 11:18

Talie e toka api latou ala e fakakololia kia latou i le kanofi, e kau fakakololia foki kiate au.

Kalate 1:16

ke fakasa lona Alo iate au, o tupu ke kau fakasa a ia i le kau pagani, na leaise kau afa fua se tokoi ki se kanofi mo se toto,

Kalate 2:2

Ti na kau pale loa ki ai i se levelasio. Ti na kau fakamatala loa kia latou le Evaselio leia e kau akonaki ki le kau pagani ; ti na kau fakamatala tafito a ia kia latou ala e logologona, o tupu ke aua na ano noa laku makape i le temi nei mo le temi kua sili.

Uluaki tosi ki le kau Tesalonika 2:18

Koia na motou fia natu ai kia koutou, io, a au Paulo, o tua tasi mo tua lua foki ; kae na taofi matou e Satana.

Sakopo 5:12

Ei oku fetaina, i mua o nea fuli, ke aua na kotou fakamaoki i le lagi, pe i le kele, pe i se tasi ake fua nea. Kae ke io lakoutou io, ti ke leai lakoutou leai, o tupu ke aua na kotou vilo ki le malaia.

Tuifakamaau 9:4

Ti na lotou soli loa kia Amaleke ni fa sikele paaga e kau fitu mei le fale tapu o Paale-Peliti. Na totogi loa e Amaleke, ki le paaga lena, ni tagata veli mo ni tagata folinoa ke lotou mulimuli iate ia.