Lua tosi ki le kau Kolinto 1:12 - Tosi Tapu

¹² Talie ko le nea leia e ma fiafia ai, ko le fakamaoki leinei o ma loto, na ma mauli i le malama nei, kae tafito kia koutou, i le maokioki ti mo le mea i mua o le Atua, o leai i se poto fakatagata, kae i le kalasia o le Atua.

Lua tosi ki le kau Kolinto 1:12 ပူးပေါင်းရင်းမြစ်များ

Lua tosi a Samuele 22:22

Talie na kau tausi a ala o le Eteleno, Ti na leaise kau agasala ki loku Atua.

Sopo 13:15

Ko leinei, e tatau aifai pe tamate au e le Atua, e leaise gato loa laku amanaki malie kiate ia ; Kae i ona mua e kau puipui loa loku anoaga.

Esaia 38:3

Ei Eteleno ! ke ke manatui na kau saele i ou mua i le agatonu mo le loto saosaoa, ti na kau fai le nea leia e malie ki ou mata ! Ti na tagi loa Esekiasi i le lasi o lona mamae.

Gaoi 23:1

I le tio fakamaumau a Paulo ki le kau fono, na pati loa a ia : Tagata fetaina, e iloa e loku loto na kau saele mea i mua o le Atua o kaku mai ki le aso nei…

Gaoi 24:16

Ti e kau faiga ke kau maua tuumau se loto mea i mua o le Atua mo mua o le tagata.

Loma 9:1

E kau fakasa le maoki ia Kilisito, e leaise kau loi fua, e fakamaoki mai loku loto kiate au i le Laumalie Maokioki :

Uluaki tosi ki le kau Kolinto 1:17

Talie na leaise kakau mai au e Kilisito ke fai papitema, kae ke fakasa ia le Evaselio, ti ko le nea lena sala mo le poto o le masau, o tupu ke aua na fakaliliu o noa le koluse o Kilisito.

Uluaki tosi ki le kau Kolinto 12:8

Talie kua soli e le Laumalie ki le tasi se masau o le poto ; ki se tasi ake se masau o le iloa i le Laumalie fuai e tasi ;

Uluaki tosi ki le kau Kolinto 15:10

Kae i le kalasia o le Atua, kua kau liliu o feneeki, ti na leaise ano noa lona kalasia kiate au ; mamao ai, na kau gaoi lasi ake ia latou fuli, kae na leaise ko au toka tasi, kae ko le kalasia o le Atua iate au.

Uluaki tosi ki le kau Kolinto 2:13

Ti e ma masau ki nea ana, o leai i ni masau ala e ako mai e le poto fakatagata, kae ki ni masau ala e ako mai e le Laumalie, o fakaaoga se masau fakalaumalie ki nea fakalaumalie.

Uluaki tosi ki le kau Kolinto 4:4

kae e leaise ko le nea lena e kau fakamatatonu ai. Ko leia e fakamaaui ia au, ko le Aliki.

Uluaki tosi ki le kau Kolinto 5:8

Koia ke tou fai le aso, kae leai ki se fakatupu matua, pe ki se fakatupu o le veli mo le agaveli, kae ki ni pane sala fakatupu o le agatonu mo le maoki.

Lua tosi ki le kau Kolinto 1:17

Pe i laku loto ki le nea lena, na kau fai loa se nea fakafuanoa ? Pe ko aku fakatuutuu ko ni fakatuutuu fakatagata, o sakinake e maua iate au le io mo le leai ?

Lua tosi ki le kau Kolinto 11:3

Kae, ofaipe le gata leia na kakai ia a Eva i lana puleaki kaka, e kau i na kua fakasalai okoutou fakakaukau ke kotou maliu kese i le faigaofie leia e mau ia Kilisito.

Lua tosi ki le kau Kolinto 2:17

Talie e leaise motou fai kaka ki le folafola a le Atua, ofaipe le fai a se toka api ; kae motou masau i le maoki, i mua o le Atua, ofaipe ni tagata fakasausau a Kilisito.

Lua tosi ki le kau Kolinto 4:2

Kae kua ma tiaki a nea fakalumaluma ala e fai fakafufu, ti e leaise ma fai ia ni nea fakakaka, ti e leaise ma fulusi ia le folafola a le Atua. Kae e ma fakasa ia le maoki, ti e ma tuku ia maua ki le loto o tagata fuli i mua o le Atua.

Lua tosi ki le kau Kolinto 8:8

E leaise kau fakasa le nea lena ke tuku atu se fakatotonu, kae ke asiasii ai, i le alofa o la ake, le maoki o lokoutou alofa.

Kalate 6:4

Kae ke tasi asiasii e le tagata ana gaoi totonu, ti o feala loa ke fakakololia a ia iate ia toka tasi, kae leai i se tasi ake,

Efeso 6:14

Koia, kotou tuu makeke : kotou toi i okoutou vakavaka le kilipipi o le maoki, ti kotou tui ki le fatafata le kofu tau o le maokioki,

Filipe 1:10

talie ke kotou iloa a nea ala e malilie tukupau, o tupu ke kotou mea mo lee mele ki le aso o Kilisito,

Uluaki tosi ki le kau Tesalonika 2:10

E kotou fakamaoki, ti e fakamaoki foki le Atua, na motou mauli maokioki, mo faitotonu, ti mo lee mele i mua o koutou ala kua tui.

Uluaki tosi kia Timoteo 1:5

Ko le uiga o le fakatotonu lena, ko se alofa leia e au mei se loto mea, mo se fakakaukau malie, ti mo se tui maoki.

Tito 2:7

o ke fakasa e koe totonu i nea fuli se faifaitakiaga o gaoi malilie, ti mo ke tuku se akonaki mea, mo gali,

Epelo 13:18

Kotou ulufaki matou ; talie e motou iloa e motou maua se atamai malie, o loto ke malie tuumau a nea fuli ala e motou fai.

Sakopo 4:6

Kae e soli e ia kia tatou se kalasia leia e toe lasi ake, talie e toe pati le Tosi : E tau le Atua kia latou ala e fia nealasi, Kae soli e ia lona kalasia kia latou ala e fakataulalo.

Sosue 24:14

I le aso nei, ke kotou i ki le Eteleno ti ke kotou tausi kiate ia i lokoutou loto katoa mo le loto agatonu. Ke kotou maumaui a atua ala na tausi ki ai okoutou tamana, i leia fetuu o le vaitafe ko le Eufalate ti mo Esipito, kae ke kotou tausi ki le Eteleno.

Uluaki tosi a Petelo 3:16

ti ke kotou maua se loto lauatea, o tupu, i le nea leia e lotou lau veli ai kia koutou ofaipe ni tagata agaveli koutou, ke lotou luma, latou ala e fai loi ki lokoutou mauli malie ia Kilisito.

Uluaki tosi a Petelo 3:21

Ko le vai lena ko le fakatata o le papitema, leia e leaise ko le fakamea o kelekele o le tino, kae ko le fakapapau a se atamai mea ki le Atua, leia foki e saofaki ia koutou i le temi nei ki le toe tuuake o Sesu-Kilisito ;