Lua tosi ki le kau Kolinto 1:10 - Tosi Tapu

¹⁰ Ko ia leia na saofaki ia maua mei le mate lasi a ia, ti e toe saofaki loa e ia maua : io, e ma amanaki kiate ia e toe saofaki loa e ia maua ;

Lua tosi ki le kau Kolinto 1:10 ပူးပေါင်းရင်းမြစ်များ

Pesalemo 34:19

E ofi le Eteleno kia latou ala e loto fatifati, Ti e fakamauli e ia latou ala e loto mamae.

Esaia 46:3

Kotou fakalogo mai kiate au, fale o Sakopo, Ti mo koutou fuli, toetoega o le fale o Iselaele, Koutou ala na kau too o taupau talu mei lokoutou kamataaga, Ala na kau luluku talu mei lokoutou tupu !

Taniela 3:17

Ko leinei, ko lomatou Atua leia e motou tausi ki ai, e mafai loa ke saofaki e ia matou mei le gutuumu kaka, ti e saofaki loa e ia matou mei lou lima, ei aliki sau !

Taniela 6:16

Koia na fakatotonu loa e le sau ke aumai Taniela, ti ke ti a ia ki le popoko o laione. Ti na masau loa le sau, o pati kia Taniela : Ko lou Atua leia e ke tausi ki ai i le kataki fualoa, ke mafai e ia lana saofaki ia a koe !

Gaoi 26:21

Ko lena loa le tupuaga o loku too e le kau Sutea i le fale tapu, ti mo lalatou faiga ke tamate au.

Loma 15:31

o tupu ke saofaki au mei le kau tui gataa o Sutea, ti ke tali malie e le kau sagato a nea alofa ala e kau ave ki Selusalemi,

Lua tosi ki le kau Kolinto 1:9

Kae na ma tio kua tuku maoki maua ki le mate, o tupu ke aua na ma fanaki kia maua totonu, kae ki le Atua leia e toe fakatuuake ia le kau mate.

Lua tosi ki le kau Kolinto 6:9

ofaipe ni tagata e leaise iloa, kae e iloa malie maua ; ofaipe ni tagata kua mamate, ti ko leinei e ma mauuli ; ofaipe ni tagata e tautea, kae e leaise tamate ;

Uluaki tosi kia Timoteo 4:10

Koia e tou gaoi, ti e tou tau, talie e tou tuku latatou amanaki malie ki le Atua mauli, leia ko le Fakamauli o tagata fuli, kae tafito le kau tui.

Lua tosi kia Timoteo 4:17

Kae ko le Aliki leia na tuu mo au ti na fakamakeke ia au, o tupu ke kau fakasa le akonaki katoa ti ke logo ki ai le kau pagani fuli. Ti na fakamauli au mei le gutu o le laione.

Lua tosi a Petelo 2:9

Koia, e iloa e le Aliki le fakamauli o tagata maokioki mei le asiasii, ti e iloa e ia le taofi o le kau agasala ke tautea i le aso o le fakamaau,

Uluaki tosi a Samuele 17:37

Na toe pati loa Tavite : Ko le Eteleno leia na saofaki ia au mei motikuku o le laione mo vae o le uluso, e toe saofaki ia loa au mei le lima o le Filisitini lena. Ti na pati loa Saulo kia Tavite : Ano, ti ke nofo le Eteleno mo koe !

Uluaki tosi a Samuele 7:12

Na too loa e Samuele se fatu o fakatuu i le vasa o Misipa mo Sene, ti na fakaigoa loa e ia a ia ko Epene-Esele, o pati : Kua tokoi mai le Eteleno kia tatou o kaku mai ki le aso nei.