Uluaki tosi ki le kau Tesalonika 5:23 - Tosi Tapu

²³ Ke alofa le Atua o le tokamalie o fakamaokioki koutou, mo taupau koutou katoa, le loto, mo le laumalie, ti mo le tino, ke lee mele i le aso o le toe liliu mai o lotatou Aliki ko Sesu-Kilisito.

Uluaki tosi ki le kau Tesalonika 5:23 ပူးပေါင်းရင်းမြစ်များ

Esekiele 37:28

Ti e iloa loa e atu puleaga ko au ko le Eteleno, ti kua kau fakatapui Iselaele, ke tausi kiate au, i le aso leia e toe fakatuu ai loa loku fale tapu i lotolotoga o latou o lee gato.

Levitiko 20:26

E kotou maokioki loa kiate au, talie e kau maokioki, a au, ko le Eteleno ; kua kau fakamavae koutou mei atu puleaga, o tupu ke kotou liliu ko loku tofiga totonu.

Levitiko 20:8

Kotou tausi aku lao fuli, ti kotou fai loa latou. Ko au ko le Eteleno leia na filifili ia koutou ke kotou liliu ko se kakai maokioki.

Luka 1:46

Ti na pati loa Malia : E fakavikiviki lasi loku laumalie ki le Aliki,

Soane 17:19

Ti e kau fakatapui a au totonu o tupu ko latou, o tupu ke lotou fakatapui latou totonu kiate koe.

Gaoi 20:32

Ti ko leinei, e kau tuku koutou ki le Atua ti mo le folafola o lona kalasia, ki leia e maua ia le makeke ke faufau ia koutou ti ke soli ia kia koutou le tofiga o fakatasi mo latou fuli kua fakamaokioki.

Gaoi 26:18

o tupu ke ke fakamavaa olatou mata, ke lotou tafoki mei le fakapouli ki le malama, mei le pule a Satana ki le Atua, ti ke lotou tali, i le tui kiate au, le fakamolemole o agasala ti mo le tofiga o fakatasi mo latou ala kua fakamaokioki.

Loma 15:13

Ke fakaapele koutou e le Atua o le amanaki malie ki le fiafia mo le tokamalie i le tui, o tupu ke lasi ai ia kotou le amanaki malie mo le makeke o le Laumalie Maokioki !

Loma 15:33

Ke nofo mo koutou fuli le Atua o le tokamalie ! Amene !

Loma 15:5

Ke soli atu kia koutou e le Atua o le kataki fualoa mo le fakapelepele, ke kotou maua ni manatu tatau i okoutou vasaa o mulimuli kia Sesu-Kilisito,

Loma 16:20

Kua vave loa le takatakafi e le Atua o le tokamalie a Satana i lalo o okoutou vae. Ke nofo mo koutou le kalasia o lotatou Aliki ko Sesu-Kilisito !

Uluaki tosi ki le kau Kolinto 1:2

ki le Ekelesia o le Atua i Kolinito, kia latou ala kua vaei kese ia Sesu-Kilisito, ti kua kalagai ke maokioki, ti mo latou fuli ala e too ia i potu kesekese le suafa o lotatou Aliki ko Sesu-Kilisito, ko lolatou Aliki ti ko loma Aliki foki.

Uluaki tosi ki le kau Kolinto 1:30

Kae kua fakapipiki koutou kia Sesu-Kilisito, leia i le finegalo o le Atua, kua liliu kia tatou ko le poto, mo le faitotonu, mo le maokioki, ti mo le totogi,

Uluaki tosi ki le kau Kolinto 14:33

talie ko le Atua e leaise ko se Atua o le maveuveu, kae ko le Atua o le tokamalie. Ofaipe i Ekelesia fuli o le kau sagato,

Lua tosi ki le kau Kolinto 5:19

Talie na nofo le Atua ia Kilisito, o fakatokatoka ia le malama nei mo ia totonu, o leaise lau ki tagata alatou agasala ; ti kua tuku e ia kia maua le folafola o le fakatokatoka.

Filipe 1:10

talie ke kotou iloa a nea ala e malilie tukupau, o tupu ke kotou mea mo lee mele ki le aso o Kilisito,

Filipe 1:6

E kau iloa papau ko leia na kamata ia ia koutou le gaoi malie lena e fakasoko ia loa a ia ke malie tukupau o kaku ki le aso o Sesu-Kilisito.

Filipe 4:9

Ko le nea leia na kotou ako, mo kotou tali, ti mo kotou logo ki ai meiate au, ti mo le nea leia na kotou tio ki ai iate au, kotou fai a ia, ti e nofo loa le Atua o le tokamalie ia koutou.

Kolose 1:22

o tupu ke fakatuu e ia koutou i ona mua kua maokioki, mo lee mele, ti mo sala valoki,

Uluaki tosi ki le kau Tesalonika 2:19

Talie kolea lamatou amanaki malie, mo lomatou fiafia, ti mo lomatou pala o le kololia ? Pe leaise ko koutou foki i mua o lotatou Aliki ko Sesu, i le aso o lona toe liliu mai ?

Uluaki tosi ki le kau Tesalonika 3:11

Io, ko le Atua totonu lotatou Tamana ti mo lotatou Aliki ko Sesu, ke fakatokatoka ia lomatou ala ke motou natu ai kia koutou !

Uluaki tosi ki le kau Tesalonika 3:13

ke fakamakeke e ia o okoutou loto o tupu ke kotou lee mele mo maokioki i mua o le Atua ko lotatou Tamana, i le aso o le toe liliu mai o lotatou Aliki ko Sesu mo ana sagato fuli.

Uluaki tosi ki le kau Tesalonika 4:3

Talie ko le finegalo o le Atua ke kotou maokioki, ti ke kotou fakamamao mei le fai feauaki :

Uluaki tosi ki le kau Tesalonika 5:22

kotou fakamamao mei nea fuli e veli.

Lua tosi ki le kau Tesalonika 3:16

Ke alofa le Aliki o le tokamalie o soli totonu kia koutou le tokamalie i temi fuli, i nea fuli ! Ke nofo le Aliki mo koutou fuli !

Epelo 13:20

Ko le Atua o le tokamalie, leia na toe aumai ia mei le kau mate le tagata tausi ovi lasi o ovi, ki le toto o se sai lee gato, lotatou Aliki ko Sesu,

Epelo 2:11

Talie ko leia e fakamea ia, ti mo latou ala kua fakamea, e lotou au fuli mei le toka tasi. Koia e leaise luma ai a ia i lolatou fakaigoa ko ona fetaina,

Epelo 4:12

Talie ko le folafola a le Atua e mauli, mo makeke, mo matakakai ake i se seleta mata lua, mo ulu loloto o kaku ki le vaei o le loto mo le laumalie, o sokoga mo gako o ivi ; e fakamaaui e ia a manatu o le laumalie ti mo manatu o le loto.

Sakopo 1:4

Kae e tonu ke fakasoko e le kataki fualoa lana gaoi, o tupu ke kotou malie tukupau mo katoa, ti ke aua na puli se nea ia koutou.

Uluaki tosi a Petelo 1:2

ti kua filifili o mulimuli ki le muaki iloa o le Atua ko le Tamana, ki le fakamaokioki a le Laumalie, o tupu ke lotou fakalogo, ti ke lotou kau ki le afusi o le toto o Sesu-Kilisito ; ke tuku fakalasi atu kia koutou le kalasia mo le tokamalie !

Uluaki tosi a Petelo 5:10

Ko le Atua o kalasia fuli, leia na kalagai ia koutou ia Sesu-Kilisito ki lona kololia lee gato, mo ka oki loa lakotou tali ni mamae i se ga temi ikiiki fua, e fakasaosaoa loa e ia totonu koutou, mo fakafefeka loa koutou i le tui, mo fakamakeke koutou i le alofa, ti mo fakatuu mau koutou i le amanaki malie.

Lua tosi a Petelo 3:14

Koia loa, alofaaga, i lakoutou talitali ki nea ana, kotou faiga ke maua atu koutou e mea mo lee mele i le tokamalie.

Suta 1:1

Suta, ko le tagata fakasausau a Sesu-Kilisito, ti ko le taina o Sakopo, kia latou ala kua kalagai, ala kua alofaina i le Atua ko le Tamana, ti kua taupau kia Sesu-Kilisito :

Suta 1:24

Ki leia e mafai ke taupau ia koutou mei sigaaga fuli ti mo fakasa ia koutou, i mua o lona kololia, lee mele mo apele i le fiafia,