Uluaki tosi ki le kau Tesalonika 5:22 - Tosi Tapu

²² kotou fakamamao mei nea fuli e veli.

Uluaki tosi ki le kau Tesalonika 5:22 ပူးပေါင်းရင်းမြစ်များ

Ekesote 23:7

Aua na ke tuku ia loa lou taliga ki ni loi, ti aua na ke fakatuaa loa ki le mate le tagata leia na leaise sala mo le tagata faitotonu ; talie ko au ko le Eteleno, e leaise kau fakamolemole loa ki le tagata leia e sala.

Esaia 33:15

Ko le tagata leia e saele i le faitotonu, Ti e masau i le maoki, Leia e vesia ki se totogi o le fakamakeke, Leia e tata ona lima ke aua na tali se nea alofa, Leia e tapono ona taliga ke aua na logo ki ni masau o le toto, Leia e sai ona mata ke aua na tio ki le veli,

Loma 12:17

Aua na kotou totogi ki se tasi le veli ki le veli. Kotou afa le nea e malie i mua o tagata fuli.

Uluaki tosi ki le kau Kolinto 8:13

Koia, kapau e siga loku taina o tupu ko se nea kai, e leaise kau toe kai loa ki se inati i se aso, o tupu ke aua na siga loku taina.

Lua tosi ki le kau Kolinto 6:3

E leaise ma loto ke siga se tasi i se nea, o tupu ke aua na liliu le gaoi ko se nea fakatupu lauveli.

Filipe 4:8

Fakaoki loa, fetaina, kotou tokaga ki nea fuli ala e malilie ti mo gali i le fakavikiviki : tafito a nea fuli ala e maoki, mo fakaapaapa, mo totonu, mo mea, mo aloalofa, ti mo mata malie.

Uluaki tosi ki le kau Tesalonika 4:12

ti ke kotou mauli agatonu kia latou mei tafa, ti ke aua na kotou liliu ko se kavega ki se tasi.

Uluaki tosi ki le kau Tesalonika 5:21

Kae kotou sivisivi a nea fuli ; kotou taofi le nea leia e malie ;

Uluaki tosi ki le kau Tesalonika 5:23

Ke alofa le Atua o le tokamalie o fakamaokioki koutou, mo taupau koutou katoa, le loto, mo le laumalie, ti mo le tino, ke lee mele i le aso o le toe liliu mai o lotatou Aliki ko Sesu-Kilisito.

Suta 1:23

ke kotou fakamauli ni iki o taaki latou mei le afi ; ti ke kotou manavaalofa ki ni iki i le tuania, ti ke kotou vesia ki ni iki o kaku ki le kofu leia kua fakakelekele e le kakano.

Lute 3:14

Na moe loa a Lute i vae o Poase o kaku ki le usu, ti na ala loa a Lute i le mafoata, i le temi leia e leikiaise mafai ai ke iloa mai e se tasi se tasi. Na pati loa Poase kiate ia : Ke aua na iloa na ulu se fafine ki le sasaaga fulumeto.

Lute 3:4

Ti ka ano loa a ia o moe, tio ki le ganea leia e moe ai loa a ia. Ti ke ano loa, o sufegi ona vae, ti ke moe loa i ai. E fakasa atu loa e ia totonu le nea leia e tonu ke ke fai.