Uluaki tosi ki le kau Tesalonika 5:15 - Tosi Tapu

¹⁵ Kotou tokaga ke aua na totogi e se tasi le veli ki le veli, kae ke kotou afa tuumau le malie i okoutou vasaa ti mo tagata fuli.

Uluaki tosi ki le kau Tesalonika 5:15 ပူးပေါင်းရင်းမြစ်များ

Senesi 45:24

Ti na kakau loa e ia ona fetaina ke ano, ti na lotou ano loa. Ti na toe pati loa a ia kia latou : Ke aua na kotou fefele loa i le ala.

Pesalemo 38:20

Kae e apele oku fili i le mauli mo makeke ; E toka api ai latou ala e vesia mai kiate au kae e leaise sona tupuaga.

Pesalemo 7:4

Eteleno, loku Atua ! kapau na kau fai le nea lena, Kapau e maua se agaveli i oku lima,

Taagapati 17:13

Ko leia e totogi ia le malie ki le veli, E leaise toe mavae loa le veli i lona fale.

Taagapati 20:22

Aua na ke pati : E kau liufaki loa le veli. Fanaki ki le Eteleno, ti e saofaki loa e ia a koe.

Taagapati 24:17

Aua na ke fakafiafia mo ka vilo lou fili, Ti aua na nekenekea lou loto mo ka seke a ia,

Taagapati 24:29

Aua na ke pati : E kau fai loa kiate ia ofaipe lana fai mai kiate au, E kau liufaki loa kiate ia o mulimuli ki ana gaoi.

Taagapati 25:21

Kapau e fia kai lou fili, soli kiate ia se pane ke kai ; Kapau e fia inu a ia, soli kiate ia se vai ke inu.

Levitiko 19:18

Aua na ke taui veli loa, ti aua na ke taofi loa se kona i lou loto ki fanau o lou kakai. E ke alofa loa ki lou oloi ofaipe koe totonu. Ko au ko le Eteleno.

Mateo 5:39

Kae ko au, e kau pati atu kia koutou ke aua na kotou fakatutuu ki le tagata agaveli. Kapau e paai a koe e se tasi i lou kalaafau atamai, tuku ake kiate ia mo leia ake kalaafau.

Luka 6:35

Kae kotou alofa ki okoutou fili, kotou fai le malie, ti kotou soli sala talitali ke fakaliliu atu. Ti e lasi loa lokotou fakapale, ti e kotou liliu loa ko vosa o le Taualuga, talie e agamalie a ia ki le kau mauli galo mo le kau agaveli.

Gaoi 16:28

Kae na kalaga leo lasi loa Paulo kiate ia : Aua na ke fai fua kiate koe se nea veli, ko nei matou fuli i leinei.

Loma 12:9

Ke puli le malualoi i le alofa. Ke kotou fakalialia ki le veli ti ke kotou pipiki fakamakeke ki le malie.

Loma 14:19

Koia loa, ke tou afa a nea ala e aoga ki le tokamalie ti mo le faufau.

Uluaki tosi ki le kau Kolinto 14:1

Kotou afa le alofa. Kotou oli ki nea alofa fakalaumalie, kae tafito ki leia o le kikite.

Uluaki tosi ki le kau Kolinto 16:10

Kapau e kaku atu loa Timoteo, kotou faiga ke aua na nofo tuania a ia ia koutou, talie e gaoi a ia ofaipe au ki le gaoi a le Aliki.

Uluaki tosi ki le kau Kolinto 6:7

Ko leinei, kua nofo se veli lasi ia koutou, ko le fefakamaauiaki o koutou. Kolea e leaise kotou kataki ai mua le veli ? Kolea e leaise kotou tuku ai mua ke kaia okoutou koloa ?

Kalate 6:10

Koia, i le koi tou maua ia le faigamalie, tou fai le nea leia e malie ki tagata fuli, kae tafito ki fetaina i le tui.

Efeso 5:15

Koia kotou tokaga ai ki lakoutou saele, ke aua na kotou faipe se kau vale, kae ke kotou faipe se kau poto ;

Efeso 5:33

E kau fakaoki atu loa : ke tasi alofa le tagata ki lana avaga ofaipe kiate ia totonu, ti ke fakaapaapa le fafine ki lona avaga.

Tetelonome 16:20

Kae e ke mulimuli loa ki le faitotonu, o tupu ke ke mauli loa ti mo ke maua tofiga loa le fenua leia e soli loa kiate koe e le Eteleno, lou Atua.

Uluaki tosi ki le kau Tesalonika 2:12

talie na motou fakalotomakeke koutou, mo fakapelepele koutou, ti mo fakakolekole koutou, ke kotou saele o gali mo le Atua, leia kua kalagai ia koutou ki lona puleaga ti mo lona kololia.

Uluaki tosi ki le kau Tesalonika 5:21

Kae kotou sivisivi a nea fuli ; kotou taofi le nea leia e malie ;

Uluaki tosi kia Timoteo 6:11

Kiate koe, tagata a le Atua, sola mei nea ana, ti ke ke afa le faitotonu, mo le aga fakaatua, mo le tui, mo le alofa, mo le kataki fualoa, ti mo le agamalu.

Lua tosi kia Timoteo 2:24

Talie e leaise tonu ke fefele le tagata fakasausau a le Aliki ; kae ke agamalie a ia ki tagata fuli, mo poto i le akonaki, ti mo kataki fualoa ;

Tito 3:2

ke aua na lotou lauveli ki se tasi, ke lotou fakatokatoka, mo fakapotopoto, mo apele i le agamalu ki tagata fuli.

Epelo 12:14

Ke kotou afa le tokamalie mo le kakai fuli, ti mo le maokioki, talie sala mo ia e leaise tio loa se tasi ki le Aliki.

Uluaki tosi a Petelo 1:22

Kua kotou fakamea okoutou laumalie i le fakalogo ki le maoki ke kotou maua se alofa fakatautaina maoki, koia ke kotou fealofani makeke ia koutou, i lokoutou loto katoa,

Uluaki tosi a Petelo 2:17

Kotou fakaapaapa ki tagata fuli, kotou alofa ki fetaina, kotou i ki le Atua, kotou fakaapaapa ki le sau.

Uluaki tosi a Petelo 3:9

Aua na kotou totogi le veli ki le veli, pe ko le lauveli ki le lauveli, kae ke kotou tapuaki, talie kua kalagai koutou ki ai, o tupu ke kotou mau tofiga le tapuakina.

Tolu tosi a Soane 1:11

Alofaina, aua na ke faifaitaki ki le veli, kae ki le malie. Ko leia e fai ia le malie e kau a ia ki le Atua, kae ko leia e fai ia le veli, na leaise tio a ia ki le Atua.

Apokalipisi 19:10

Ti na kau fakamapee loa ki lalo i ona vae ke su kiate ia ; kae na pati mai loa a ia kiate au : aua na ke fai le nea a ia ! Talie ko au ko se tagata fakasausau ofaipe koe mo ou fetaina ala e maua ia le fakamaoki o Sesu. Su ki le Atua. Talie ko le fakamaoki o Sesu ko le laumalie a ia o le folafola kikite.

Apokalipisi 22:9

Kae na pati mai loa a ia kiate au : Aua na fai le nea a ia ! Ko se tagata fakasausau au ofaipe koe, mo ou fetaina ko le kau polofeta, ti mo latou fuli ala e tausi ia a folafola o le tosi leinei. Atolasio ki le Atua.

Uluaki tosi a Samuele 24:13

Ke tui fakamaau loa le Eteleno iate au mo koe, ti ke totogi loa e le Eteleno kiate koe le veli e ke fai kiate au ; kae e leaise kau falo loa loku lima kiate koe.