Uluaki tosi ki le kau Tesalonika 5:13 - Tosi Tapu

¹³ Kotou maua kia latou se loto alofa lasi, o tupu ko lalatou gaoi. Kotou nonofo i le tokamalie ia koutou.

Uluaki tosi ki le kau Tesalonika 5:13 ပူးပေါင်းရင်းမြစ်များ

Senesi 45:24

Ti na kakau loa e ia ona fetaina ke ano, ti na lotou ano loa. Ti na toe pati loa a ia kia latou : Ke aua na kotou fefele loa i le ala.

Pesalemo 133:1

Katiko o le fanoga tapu. A Tavite. Ko leinei, io ! e malie ai, e fakafimalie ai Ki ni fetaina ke nonofo fakatasi !

Mateo 10:40

Ko leia e tali ia koutou e tali ia au, ti ko leia e tali ia au, e tali ia loa leia na kakau ia mai au.

Maleko 9:50

Ko se nea malie le patai ; kae kapau e puli loa lona konakona, e kotou fakakonakona feaki loa a ia ?

Soane 15:17

Ko le nea leia e kau fakatotonu atu kia koutou : kotou fealofani.

Lua tosi ki le kau Kolinto 13:11

Ti e kau fakaoki loa, fetaina, kotou nonofo la ! kotou afa ki le malie tukupau, kotou fefakafimalieaki, kotou maua se manatu loto e tasi, kotou mauli i le tokamalie ; ti ko le Atua o le alofa mo le tokamalie e nofo loa mo koutou.

Kalate 4:14

Ti i lokotou asiasii e loku tino masaki, na leaise kotou vesia pe fakalialia kiate au ; kae na kotou tali au ofaipe se aselo a le Atua, ofaipe Sesu-Kilisito.

Kalate 5:22

Kae ko le fua o le Laumalie, ko le alofa, mo le fiafia, mo le tokamalie, mo le kataki fualoa, mo le agamalie, mo le fakataulalo, mo le agatonu, mo le agamalu, mo le loto lolomi ;

Kalate 6:6

Ko leia e akonaki ki ai le folafola, ke soli e ia se vaega i ana nea fuli ki leia e akonaki.

Efeso 4:3

mo kotou faiga ke kotou taupau le pipiki tasi o le Laumalie i le sai o le tokamalie.

Kolose 3:15

Ti ke pule i okoutou loto le tokamalie o Kilisito, leia na kalagai koutou ki ai ke kotou fau se tino e tasi. Ti ke kotou loto fakafetai.

Uluaki tosi ki le kau Tesalonika 5:14

E motou kole atu foki kia koutou, fetaina, ke kotou fakatonutonu latou ala e mauli maveuveu, mo kotou fakapelepelei latou ala e mamae, mo kotou tokoi kia latou ala e gagae, ti mo kotou kataki fualoa ki tagata fuli.

Lua tosi ki le kau Tesalonika 3:16

Ke alofa le Aliki o le tokamalie o soli totonu kia koutou le tokamalie i temi fuli, i nea fuli ! Ke nofo le Aliki mo koutou fuli !

Lua tosi kia Timoteo 2:22

Sola mei oli fakavale o le temi tupulaga, ti ke afa le maokioki, mo le tui, mo le alofa, mo le tokamalie mo latou ala e kalaga ki le Aliki i se loto mea.

Epelo 12:14

Ke kotou afa le tokamalie mo le kakai fuli, ti mo le maokioki, talie sala mo ia e leaise tio loa se tasi ki le Aliki.

Sakopo 3:18

Talie e muluki le fua o le faitotonu i le tokamalie e latou ala e afa ia le tokamalie.