Uluaki tosi ki le kau Tesalonika 5:1 - Tosi Tapu

¹ Ki le nea o uiga mo temi ti mo lakaga, e leaise aoga, fetaina, ke kau fai tosi atu ki ai.

Uluaki tosi ki le kau Tesalonika 5:1 ပူးပေါင်းရင်းမြစ်များ

Mateo 24:3

Na tonatona loa a ia i le mauga o Oliveto. Ti na au loa le kau tisipulo tefua, o fai kiate ia le vesili leinei : Fakasa mai kia matou, pe ko le temi fea leia e soko ai loa le nea lena, ti kolea le fakamailoga o lau toe liliu mai ti mo le fakaoki o le malama nei ?

Mateo 24:36

Kae ki le aso ti mo le ola, e leaise iloa e se tasi fua, pe ko le kau aselo i le atu lagi, pe ko le Alo, kae ko le Tamana toka tasi.

Gaoi 1:7

Na tali loa a ia kia latou : E leaise ko kotou ala e tonu ke iloa ia a temi pe ko lakaga ala na fakatuutuu e le Tamana i lona pule toka tasi.

Lua tosi ki le kau Kolinto 9:1

E leaise aoga ke kau fai tosi atu kia koutou o uiga mo le tokoi ki le kau sagato.

Uluaki tosi ki le kau Tesalonika 4:18

Ke kotou fefakapelepeleaki ia koutou i kupui folafola ana.

Uluaki tosi ki le kau Tesalonika 4:9

O uiga mo le alofa fakatautaina, e leaise aoga kia koutou ke toe fai tosi atu ki ai, talie kua kotou ako e koutou totonu mei le Atua le fealofani fakatautaina,

Suta 1:3

Alofaina, na kau oli lasi ke fai tosi atu kia koutou o uiga mo lotatou saofaki fakatasi, kae na kau logoi se fakamaua ke kau fai atu kia koutou le tosi leinei ke ekenaki ai koutou ke tau ki le tui leia kua tuku tua tasi ki le kau sagato.