Uluaki tosi ki le kau Tesalonika 4:17 - Tosi Tapu

¹⁷ Ti oki ko tatou ala na mauli mo toe, e too loa tatou fuli o fakatasi mo latou i se ao, ke fakafetaulaki ki le Aliki i le aele, ti ke tou nonofo loa mo le Aliki, o lee gato.

Uluaki tosi ki le kau Tesalonika 4:17 ပူးပေါင်းရင်းမြစ်များ

Uluaki tosi o Sau 18:12

Ti e soko loa, ka kau mavae loa meiate koe, e ave loa a koe e le Laumalie o le Eteleno ki se ganea leia e leaise kau iloa ; ti e kau ano loa o fakasa le nea lena kia Akapo, leia e leaise maua ia loa a koe, ti e tamate loa e ia au. Kae e i lau tagata fakasausau ki le Eteleno talu mei lona ikiiki.

Lua tosi o Sau 2:11

Na la soko atu lala saele, o masasau, ti na fokifa loa kua vaei laua e se saliote afi mo ni osi afi, ti na pale ake loa Elia ki lagi i se asesio.

Lua tosi o Sau 2:16

Ti na lotou pati loa kia Eliseo : Ko leinei, e maua i au tagata fakasausau ni tagata makeke e tino lima, pe ke loto ke lotou ano o afa lou pule ? Na saga na ave a ia e le laumalie o le Aliki o tuku i se mauga pe ko se vaivailiua. Na tali loa Eliseo : Aua na kotou kakau latou.

Pesalemo 16:11

E ke fakasa mai loa kiate au le ala o le mauli ; E i ai ni fiafia lasi i ou mua, Ni nea malilie lee gato i lou lima atamai.

Pesalemo 17:15

Kae ko au, i lou faitotonu, e kau tio loa ki ou mata ; I le ala ake, e kau makona loa i lou paaki.

Pesalemo 49:15

Ofaipe se kau manu, e tuku latou ki le nofoaga o le kau mate, E fai e le mate lana nea kai kia latou ; Ti e leaise tuvai e takatakafi latou e le kau agatonu, E puli loa lolatou fulumalie, ko lolatou nofoaga ko le nofoaga o le kau mate.

Pesalemo 73:24

E ke taki loa au i lou poto, Ti e ke tali loa au i lou kololia.

Esaia 35:10

Ko latou ala na totogi e le Eteleno e toe liliu loa, E lotou ano loa ki Sione mo ni sua o le malo, Ti e fakapala loa olatou ulu ki se fiafia lee gato ; E fakafeofi loa kia latou le fiafia mo le nekenekea, Kae e sosola loa le mamae mo tagi.

Taniela 7:13

Na kau tio loa i aku moe miti i le pouli, ti ko leinei, na au loa se tasi leia na faipe se vosa o le tagata i ao o le lagi ; na au loa a ia ki le Matua o aso, ti na tuku loa a ia ke fakafeofi ki le Matua o aso.

Mateo 26:64

Na tali loa Sesu kiate ia : Kua ke pati ki ai. Ti e tasi foki, e kau fakasa kia koutou, e kotou tio loa ki le Vosa o le tagata e nofo i le fetuu atamai o le mafimafi o le Atua, ti e au i ao o le lagi.

Maleko 14:62

Na tali loa Sesu : Ko au ko le Kilisito. Ti e kotou tio loa ki le Vosa o le tagata e nofo i le lima atamai o le mafimafi o le Atua, ti mo saele mai i ao o le lagi.

Soane 12:26

Kapau e tausi se tasi kiate au, ke muli mai a ia iate au ; ti ko le ganea leia e kau nofo ai, e toe nofo ai foki laku tagata fakasausau. Kapau e tausi se tasi kiate au, e fakakololia loa a ia e le Tamana.

Soane 14:3

Ti ka kau ano loa, ti ka kau teuteui loa se nofoaga kia koutou, e kau toe liliu mai loa, ti e kau too loa koutou mo au, o tupu ko le ganea leia e kau nofo ai e kotou nonofo ai foki.

Soane 17:24

Tamana, na ke soli mai latou kiate au, ti e kau loto ke lotou nonofo foki mo au i le ganea leia e kau nofo ai, o tupu ke lotou tio ki loku kololia, le kololia leia na ke soli mai kiate au, talie na ke alofa kiate au i mua o le fakatupu o le malama nei.

Gaoi 1:9

I le oki o lana fakasa le nea lena, na ave loa a ia ki lagi, kae lotou lolotoga tio kiate ia, ti na fakamunia loa a ia e se ao ki olatou mata.

Gaoi 8:39

I lala mavae ake loa i le vai, na too loa Filipo e le Laumalie o le Aliki, ti na leaise toe tio loa le enuke kiate ia : Ti na soko atu loa e ia lona fanoga, i le fiafia.

Uluaki tosi ki le kau Kolinto 15:52

i se temi e tasi, i le kemo o le mata, i le pupusi o le fakatagi fakamuli. E tagi loa le fakatagi pupusi, ti e toe tuuake loa le kau mate i ni tino lee pala, ti ko tatou, e tou fetogi loa.

Lua tosi ki le kau Kolinto 5:8

e ma apele i le fanaki, ti e ma malie ia ake lama mavae i le tino leinei, o nonofo mo le Aliki.

Filipe 1:23

Talie e toso au e nea e lua : E kau oli ke kau ano, o nofo mo Kilisito ; ko se nea a ia leia e malie tukupau ake ;

Uluaki tosi ki le kau Tesalonika 3:13

ke fakamakeke e ia o okoutou loto o tupu ke kotou lee mele mo maokioki i mua o le Atua ko lotatou Tamana, i le aso o le toe liliu mai o lotatou Aliki ko Sesu mo ana sagato fuli.

Uluaki tosi ki le kau Tesalonika 4:15

Talie ko leinei le nea leia e motou fakasa atu kia koutou i le folafola a le Aliki : Ko tatou ala e mauli mo toe ki le au a le Aliki, e leaise tou muamua loa ia latou ala kua mamate.

Uluaki tosi ki le kau Tesalonika 4:18

Ke kotou fefakapelepeleaki ia koutou i kupui folafola ana.

Uluaki tosi ki le kau Tesalonika 5:10

leia na mate kia tatou, o tupu ke tou mauli fakatasi mo ia, pe ke tou alaala, pe ke tou momoe.

Lua tosi a Petelo 3:13

Kae e tou talitali, o mulimuli ki lana fakapapau, ki ni lagi foou mo se kele foou, leia e nofo ai loa le maokioki.

Apokalipisi 1:7

Ko leinei, e au a ia mo ni ao. Ti e tio loa kiate ia a mata fuli, ti mo latou foki ala na sokai ia a ia ; ti e tagi mamae loa a faasiga fuli o le malama nei o tupu ko ia. Io. Amene !

Apokalipisi 11:12

Ti na la logo loa ki se leo mei le lagi leia na pati kia laua : Kolua pale mai ki leinei ! Ti na la pale loa ki le lagi i se ao ; ti na tio loa ola fili kia laua.

Apokalipisi 12:5

Ti na fanaui loa e le fafine se vosa, leia e tonu ke lagiaki ia a puleaga ki se tokotoko ukamea. Kae na too loa lona toe, o ave ki le Atua, ti mo lona ekeekeaga fakasau.