Uluaki tosi ki le kau Tesalonika 3:3 - Tosi Tapu

³ o tupu ke aua na gaegae se tasi i mamae o le temi nei ; talie e kotou iloa kua fakatuutuu tatou ki ai.

Uluaki tosi ki le kau Tesalonika 3:3 ပူးပေါင်းရင်းမြစ်များ

Sopo 23:14

Io, e fai loa e ia ana fakatutuu fuli kiate au, Ti e toe fai foki e ia mo ni iki ake fakatutuu foou.

Pesalemo 112:6

Talie e leaise siga a ia i se aso ; E tologa le igoa o le tagata agatonu o lee gato.

Luka 21:12

Kae, i mua o nea fuli ana, e too loa koutou, ti e fakavelivelii loa koutou ; e ave loa koutou ki ni sinakoka, e laku loa koutou ki ni pilisoni, e ave loa koutou ki mua o ni sau mo ni kovana o tupu ko loku suafa.

Soane 16:2

E lotou kapu loa koutou mei sinakoka ; ti e soko mai loa le ola, ko leia e tamate ia loa koutou e tui loa a ia ko lana gaoi malie a ia ki le Atua.

Soane 16:33

Kua kau fakasa a nea ana kia koutou, o tupu ke kotou maua le tokamalie iate au. E kotou maua loa ni mamae i le malama nei ; kae kotou loto makeke, kua kau malo i le malama nei.

Gaoi 14:22

o fakamakeke le laumalie o le kau tisipulo, mo akonaki kia latou ke lotou tuu mau i le tui, o pati : e tonu ke tou ulu ki le Puleaga o le Atua i ni mamae lasi ai.

Gaoi 2:25

Talie na fakasa e Tavite o tosi kiate ia : Na kau tio tuumau ki le Aliki i oku mua, Talie e agai a ia i loku fetuu atamai, o tupu ke aua na kau siga.

Gaoi 21:11

o au loa kia matou. Na too loa e ia le kilipipi o Paulo, o sai ki ona vae mo ona lima, o pati : Ko leinei le nea leia e fakasa e le Laumalie Maokioki : Ko le tagata leia o ona le kilipipi leinei, e saisai feneeki loa a ia e le kau Sutea i Selusalemi, ti e lotou tuku loa a ia ki lima o le kau pagani.

Gaoi 21:13

Ti na tali loa Paulo : Kolea e kotou fai ia, o fetagisi ke fatii ai loku loto ? Talie kua kau teuteu, o leaise gato fua ke saisai au, kae ke kau toe mate foki i Selusalemi o tupu ko le suafa o le Aliki ko Sesu.

Gaoi 9:16

ti e kau fakasa loa kiate ia a nea fuli ala e tonu ke mamae ai o tupu ko loku suafa.

Loma 5:3

Ti e leaise gato i ai, e tou fiafia foki i mamae, talie e tou iloa e tupu mei le mamae le kataki fualoa,

Uluaki tosi ki le kau Kolinto 15:58

Koia, ei oku fetaina alofaina, ke kotou tuu makeke, lee taugaoi, o gaoi ke asilisili malie ki le Aliki, o kotou iloa e leaise ano noa akoutou gaoi i le Aliki.

Uluaki tosi ki le kau Kolinto 4:9

Talie, e sakinake kiate au, kua tuku e le Atua matou ko apositolo ko le kau mulimuli oki i tagata fuli, ofaipe ni kau tua ki le mate, talie kua motou liliu ko ni nea manogii a le malama nei, mo le kau aselo, ti mo tagata.

Efeso 3:13

Koia e kau kole ai kia koutou ke aua na kotou loto gaegae o tupu ko mamae ala e kau tali ia o tupu ko koutou : ko lokoutou kololia latou.

Filipe 1:28

ti ke aua na kotou i ki nea ala e au mei okoutou fili, talie ko se fakamaoki a ia o le malaia kia latou, kae o le mauli kia koutou ;

Kolose 1:23

mo kapau e kotou tuu mau i le tui, o leaise kotou maliu kese mei le amanaki malie o le Evaselio leia kua kotou logo ki ai, leia kua fakasa ki tagata fuli i le lalo lagi, ti kua fakanofo ai au, Paulo, ko lana tagata gaoi.

Uluaki tosi ki le kau Tesalonika 5:9

Talie na leaise fakatuutuu tatou e le Atua ki le sausau, kae ki le maua o le fakamauli i lotatou Aliki ko Sesu-Kilisito,

Lua tosi ki le kau Tesalonika 1:4

Koia e motou fakakololia ai o tupu ko koutou i Ekelesia o le Atua, i lokoutou kataki fualoa ti mo lakoutou tui i loto malie o fakaveliveli ti mo mamae ala e tonu ke kotou tali.

Lua tosi kia Timoteo 1:8

Koia ke aua na ke luma ki le fakamaoki ke tuku ki lotatou Aliki, pe kiate au ko lana tagata pilisoni. Kae ke ke mamae mo au o tupu ko le Evaselio, i le makeke o le Atua

Uluaki tosi a Petelo 2:21

Ti na kalagai koutou ki ai, talie na mamae foki Kilisito o tupu ko koutou, ke tuku atu kia koutou se faifaitakiaga, o tupu ke kotou muli i ona lakaaga,

Apokalipisi 2:10

Aua na ke i ki le nea leia e ke mamae ai loa. Ko leinei, e ti loa e le Tiapolo ni iki o koutou ki le pilisoni, o tupu ke asiasii ai koutou, ti e kotou maua loa se mamae i aso e kau agafulu. Ke ke agatonu o kaku ki le mate, ti e kau soli loa kiate koe le pala o le mauli.

Apokalipisi 2:13

E kau iloa le ganea leia e ke nofo ai, e kau iloa e tuu i ai le ekeekeaga sau o Satana. E ke taofi mau loku suafa, ti na leaise ke fakafiti ki le tui kiate au, io, i aso foki o Atipasi, ko laku tagata fakamaoki agatonu, leia na tamate ia koutou, i le ganea leia e tuu ai le nofoaga o Satana.