Uluaki tosi ki le kau Kolinto 9:5 - Tosi Tapu

⁵ Pe leaise tonu ke ma ave ia ni tuagaane ko ni oma avaga, ofaipe la ake apositolo, mo fetaina o le Aliki, ti mo Sefasi foki.

Uluaki tosi ki le kau Kolinto 9:5 ပူးပေါင်းရင်းမြစ်များ

Katiko o Katiko 4:12

Ko koe ko se oloto e tapono, ei loku tuagaane, ei laku feauaki, Se matapuna vai e tapono, se fa tane e fakamaumau.

Mateo 13:55

Pe se ko le vosa a ia o le tagata fai papa ? Pe leaise ko Malia leia ko lona tinana ? Pe leaise ko ona fetaina ala ko Sakopo, mo Sosefo, mo Simone ti mo Suta ?

Mateo 8:14

Na ano loa Sesu ki le fale o Petelo, ti na tio loa a ia ki le tinana o lona avaga e moemoe, kua maua a ia e le fiva.

Maleko 1:30

Na moemoe le tinana o le avaga o Simone, talie na fiva a ia ; ti na fakasa loa a ia kia Sesu i le lakaga fai lena.

Maleko 6:3

Pe se ko le tagata fau fale a ia, le tama o Malia, le taina o Sakopo, mo Sosefo, mo Suta, ti mo Simone ? Ti ko ona tuagaane, pe leaise lotou nonofo i leinei mo tatou ? Ti na leaise lotou tui kiate ia.

Luka 6:15

mo Mateo ; mo Toma ; mo Sakopo, vosa o Alefeo ; mo Simone, le Selote,

Luka 8:20

Na pati loa se tasi kiate ia : Ko lou tinana mo ou fetaina e tutuu i fafo, ti e lotou fia felavei mo koe.

Soane 1:42

Ti na taki loa e ia a ia kia Sesu. I le tio a Sesu kiate ia, na pati loa a ia : Ko koe ko Simone, vosa o Sonasi, e fakaigoa loa a koe ko Kefasi (ko lona uiga ko Petelo, fa fatu).

Soane 2:12

I le sili o le nea lena, na ifo loa Sesu ki Kafanaume mo lona tinana, mo ona fetaina, mo ana tisipulo, ti na lotou nonofo loa i ai i ni ga aso teiki fua.

Gaoi 1:14

Na lotou loto tasi fuli o kataki fualoa i le faikole, fakatasi mo fafine, mo Malia, tinana o Sesu, ti mo fetaina o Sesu.

Loma 16:1

E kau kole atu ke kotou tokaga kia Fope, lotatou tuagaane, leia e tiakono i le Ekelesia o Senekele,

Uluaki tosi ki le kau Kolinto 1:12

E kau fia masau i leinei, e kotou tasi pati feneeki : Ko au, o Paulo au ! - ti ko au, o Apolosio ! - ti ko au, o Sefasi ! - ti ko au, o Kilisito !

Uluaki tosi ki le kau Kolinto 7:15

Kapau e fia mavae leia e lee tui, ke mavae a ia. E leaise sai loa le taina pe ko le tuagaane i nea ana. Talie na kalagai tatou e le Atua ke tou mauli i le tokamalie.

Uluaki tosi ki le kau Kolinto 7:39

Kua sai le fafine ki lona avaga i le temi katoa leia e mauli ai lona avaga ; ti kapau kua mate le tagata, e lauatea le fafine ke toe avaga mo leia e loto a ia ki ai ; ko leia fua ke fai i le Aliki.

Uluaki tosi ki le kau Kolinto 7:7

E kau fakaamu ake ke tatau tagata fuli mo au. Kae e tali e le tagata taki toka tasi se nea alofa totonu mei le Atua, ko le tasi le nea alofa leinei, ti ko le tasi ake le nea alofa leia.

Uluaki tosi ki le kau Kolinto 7:8

Kia latou ala na leaise avaga ti mo fafine lokonui, e kau fakasa e malie ke lotou nonofo ofaipe au.

Kalate 1:19

kae na leaise kau tio ki se tasi ake o le kau apositolo, gato fai kia Sakopo, le taina o le Aliki.

Uluaki tosi kia Timoteo 3:2

Koia e tonu ai le epikopo ke lee sala, ke avaga mo se fafine e tasi, ke tokaga, ke fakapotopoto, ke poto i le taki o lona mauli, ke fakatalitali kaiga matapule, ke poto i le akonaki.

Uluaki tosi kia Timoteo 4:3

e lotou fakatotonu ke aua na avaga, ti ke aua na kai a nea kai ala na fakatupu e le Atua ke too mo le loto fakafetai e latou ala e agatonu ti kua iloa ia le maoki.

Uluaki tosi kia Timoteo 5:2

a fafine matutua ofaipe ni tinana, a fafine muli ofaipe ni tuagaane, i le mea katoa.

Tito 1:6

mo kapau e maua i ai se tagata leia e lee sala, ko le avaga o se fafine e tasi, e tui ana fanau, ti e leaise valoki latou i le mauli fakalialia pe ko le patigataa.

Epelo 13:4

Kotou fakaapaapa fuli ki le nofo avaga, ti ke agatonu le taumatua, talie e fakamaaui loa e le Atua latou ala e fai feauaki mo tono.