Uluaki tosi ki le kau Kolinto 9:24 - Tosi Tapu

²⁴ Pe leaise kotou iloa ko latou ala e makape i le malae fai manogi e makape fuli, kae ko le toka tasi fai leia e maua ia le totogi ? Kotou makape o tupu ke kotou maua a ia !

Uluaki tosi ki le kau Kolinto 9:24 ပူးပေါင်းရင်းမြစ်များ

Pesalemo 19:5

E taka lalatou akonaki i le malama nei katoa. E ano lolatou leo o kaku ki potupotu o le malama nei, Leia na fakatuu ai e ia se falela ki le laa.

Ekelesiasi 9:11

Na kau toe tio foki ki nea anei i le lalo laa : E leaise gato fua ki akuila e lele gasolo, ti e leaise gato fua ki le kau toa e malo i le tau, ti e leaise gato fua ki le kau poto e maua ia le pane, ti e leaise gato fua ki le kau atamai e mou koloa, ti e leaise gato fua ki le kau poto e maua ia le logologona. Talie e fakalogo a nea fuli ki le temi mo nea ala e soko.

Selemia 12:5

E pati le Atua : Kapau e ke makape mo ni tagata saele lalo ti e lotou fakagaegae a koe, Pe feaki ake loa ke ke makape mo ni osi ? Ti kapau e ke pati e ke fimalie i se fenua tokamalie, Kolea e ke fai loa i laugutu tokaveli o le Solotane ?

Oseo 12:10

Kae ko au, ko le Eteleno au, ko lou Atua, talu mei le fenua o Esipito ; E kau toe fakanofo loa a koe i ni falela, ofaipe aso o lafeti.

Loma 6:16

Pe leaise kotou iloa ka kotou tuku koutou ke tausi ki se tasi o fakalogo kiate ia, e kotou popula ki leia e kotou fakalogo ki ai : pe ki le agasala leia e taki ia ki le mate, pe ki le fakalogo leia e taki ia ki le faitotonu ?

Uluaki tosi ki le kau Kolinto 9:13

Pe leaise kotou iloa ko latou ala e fai ia a gaoi tapu e fagai e le fale tapu, ti ko latou ala e tausi i le aletale e kau ki nea o le aletale ?

Uluaki tosi ki le kau Kolinto 9:23

E kau fai a nea fuli o tupu ko le Evaselio, o tupu ke kau kau ki ona koloa.

Uluaki tosi ki le kau Kolinto 9:26

Tie kiate au, e kau makape, kae leaise fai noa ; e kau vusu, kae e leaise ta aele.

Kalate 2:2

Ti na kau pale loa ki ai i se levelasio. Ti na kau fakamatala loa kia latou le Evaselio leia e kau akonaki ki le kau pagani ; ti na kau fakamatala tafito a ia kia latou ala e logologona, o tupu ke aua na ano noa laku makape i le temi nei mo le temi kua sili.

Kalate 5:7

Na kotou makape malie : Ko ai leia na taofi ia koutou ke aua na kotou fakalogo ki le maoki ?

Filipe 2:16

o amo le folafola o le mauli ; ti e mafai loa ke kau fiafia i le aso o Kilisito, na leaise kau makape noa ti na leaise kau gaoi noa.

Filipe 3:12

E leikiaise kau maua ia foki le fakapale, pe kua kau kaku ki le malie tukupau, kae e kau makape, o faiga ke kau kukumi a ia, talie kua kukumi foki au e Sesu-Kilisito.

Filipe 3:14

ti e kau makape ki le tauaga, ke kau maua le fakapale o le kalaga mei lagi o le Atua ia Sesu-Kilisito.

Kolose 2:18

Ke aua na kakai koutou e se tasi i le totogi o le makape, ki se agamalu i tafa ti mo se tausi ki le kau aselo ; talie e makita a ia i le fia nealasi vaiga i ana tio fakalaumalie, ti mo ana manatu fakakanofi,

Epelo 12:1

Koia, ko tatou foki, o tupu kua takatakai tatou e se ao lasi o ni tagata fakamaoki, ke tou tiaki a kavega mamafa fuli, ti mo le agasala leia e pipiki gaofie kia tatou, ti ke tou makape i le kataki fualoa i le malae leia kua fakamavaa mai kia tatou,

Sakopo 1:12

Manuia le tagata leia e kataki fualoa i le asiasii ; talie, ka oki loa lona asiasii, e tali loa e ia le pala o le mauli, leia na fakapapau e le Aliki kia latou ala e alofa kiate ia.

Apokalipisi 3:11

E kau au vave. Taofi le nea leia e ke maua, o tupu ke aua na too lou pala e se tasi.