Uluaki tosi ki le kau Kolinto 9:22 - Tosi Tapu

²² Na kau gaegae mo le kau gagae, o tupu ke maua ai le kau gagae. Na kau fakatatau i nea fuli ki tagata fuli, o tupu ke kau saofaki ai ni iki.

Uluaki tosi ki le kau Kolinto 9:22 ပူးပေါင်းရင်းမြစ်များ

Loma 11:14

E kau fakaamu ke fakatupu i ai, mo kapau e feala, le finenonofo o latou o loku lanu, ti ke saofaki ai ni iki.

Loma 14:1

Ke kotou fakatalitali leia e gaegae i le tui, ti ke aua na kotou fevisi i manatu.

Loma 14:2

E tui se tasi e feala ke kai ki nea fuli, ti ko se tasi ake, leia e gaegae, e kai magiti ata.

Loma 15:1

Ko tatou ala e makeke, e tonu ke tou katakii a gaegaeia o latou ala e gaegae, ti ke aua na tou afa le nea leia e malie kia tatou.

Loma 15:2

E tonu ke tasi afa e le tagata taki toka tasi le nea leia e malie ki lona oloi, o uiga mo lona malie ti mo lona fakatuputupua i le tui.

Uluaki tosi ki le kau Kolinto 10:33

Io, ofaipe au foki, e kau faiga i nea fuli ke malie ki tagata fuli, o kau afa, o leai le nea leia e malie kiate au, kae le nea leia e malie ki le toka api, o tupu ke saofaki ai latou.

Uluaki tosi ki le kau Kolinto 7:16

Talie e ke iloa feaki, fafine, pe ke saofaki ia loa lou avaga ? Ti e ke iloa feaki, tagata, pe ke saofaki ia loa lou avaga ?

Uluaki tosi ki le kau Kolinto 8:13

Koia, kapau e siga loku taina o tupu ko se nea kai, e leaise kau toe kai loa ki se inati i se aso, o tupu ke aua na siga loku taina.

Uluaki tosi ki le kau Kolinto 9:19

Talie, e logo ai loku lauatea mei tagata fuli, kae kua kau liliu ko se tagata fakasausau ki tagata fuli, o tupu ke maua ai se kakai toka api ake.

Uluaki tosi ki le kau Kolinto 9:23

E kau fai a nea fuli o tupu ko le Evaselio, o tupu ke kau kau ki ona koloa.

Lua tosi ki le kau Kolinto 11:29

Kapau e gaegae se tasi, e kau logoi foki se gaegae ? Kapau e vilo ki le agasala se tasi, e kau logoi se mamae lasi ?

Kalate 6:1

Fetaina, kapau e maua atu se tasi kua sala, ko koutou ala e fakalaumalie, kotou fakatonutonu a ia i se loto agamalu. Tokaga kiate koe totonu, talie ke aua na toe fakasalai foki mo koe.