Uluaki tosi ki le kau Kolinto 9:17 - Tosi Tapu

¹⁷ Kapau e kau fai a ia i le loto malie, e kau maua loku totogi ; kae kapau e kau fai a ia logo ai ko au, ko se kavega a ia kua tuku mai kiate au.

Uluaki tosi ki le kau Kolinto 9:17 ပူးပေါင်းရင်းမြစ်များ

Uluaki tosi o Koloniko 28:9

Ti ko koe, Salomone, loku vosa, ke ke iloa e koe le Atua o lou tamana, ti ke ke tausi kiate ia i lou loto katoa, ti mo le loto fia fai, talie e iloa e le Eteleno a loto fuli ti e ului e ia a fakatuutuu fuli mo manatu fuli. Kapau e ke afa a ia, e tuku loa e ia ke ke maua a ia ; kae kapau e ke tiaki a ia, e tiaki loa e ia a koe o lee gato.

Uluaki tosi o Koloniko 29:14

Talie ko ai au ti ko ai loku kakai, ke mafai ai lamatou momoli atu kiate koe a nea alofa anei ? E au nea fuli meiate koe, ti e motou tali mei lou lima a nea fuli ala e motou momoli atu kiate koe.

Uluaki tosi o Koloniko 29:5

ko le aulo ke fai ai a nea ala e tonu ke aulo, ti mo le paaga ki nea ala e tonu ke fai ki le paaga, ti mo gaoi fuli ala e tonu ke fai e le kau gaoi. Ko ai leia e loto ke momoli ia i le aso nei sona nea alofa ki le Eteleno ?

Uluaki tosi o Koloniko 29:9

Na fiafia loa le kakai o tupu ko alatou moliga, talie na lotou fai olatou nea alofa ki le Eteleno mo le loto malie : ti na toe fiafia lasi foki le sau ko Tavite.

Neemia 11:2

Na tapuaki loa le kakai kia latou fuli ala na loto malie ke ano o nofo i Selusalemi.

Esaia 6:8

Na kau logo loa ki le leo o le Aliki leia na pati : Ko ai ka kau kakau ia loa, ti ko ai ka saele loa kia matou ? Na kau tali loa : Ko leinei au, ke ke kakau au.

Selemia 20:9

Kapau e kau pati : E leaise kau toe masau loa kiate ia, E leaise kau toe masau loa i lona suafa, E i ai i loku loto ofaipe se afi kaka, Leia e nofo i oku ivi. E kau faiga ke taofi a ia, kae e leaise kau mafai a ia.

Esekiele 3:14

Ti na siki loa au e le Laumalie, o ave. Na kau ano loa i le loto mamae mo le loto itaita, kae na gaoi makeke le lima o le Eteleno kiate au.

Sonasi 1:3

Kae na tuu ake loa Sonasi, ke sola ki Talesisi, o mamao mei mata o le Eteleno. Na ifo loa a ia ki Safo, ti na maua loa e ia i ai se vaka leia na teuteu folau ki Talesisi ; ti na totogi loa e ia lona tosi folau, ti na eke loa a ia ke ano mo le kau folau ki Talesisi, o mamao mei mata o le Eteleno.

Malakia 1:10

Ko ai leia ia koutou e tapono ia loa a matapa, Ke aua na kotou tutu noa le afi i aluga o loku aletale ? E leaise kau maua fua se fiafia e tasi ia koutou, e pati le Eteleno o kau tau, Ti e leaise malie kiate au a moliga o okoutou lima.

Mateo 10:41

Ko leia e tali ia se polofeta i lona uiga polofeta e tali ia loa se fakapale o le polofeta, ti ko leia e tali ia se tagata faitotonu i lona uiga faitotonu e tali ia loa se fakapale o le tagata faitotonu.

Mateo 24:25

Ko leinei, kua kau fakasa fakatomua a ia kia koutou.

Luka 12:42

Ti na pati loa le Aliki : Ko ai loa le tagata taupau koloa agatonu mo poto leia e fakanofo loa e lona pule ke tokaga ki ana tagata gaoi, ti ke soli kia latou le nea kai leia e aoga i lona temi ?

Soane 4:36

Ko leia e tuuti e maua e ia se totogi, ti e tanaki e ia ni fua ki le mauli lee gato, o tupu ko leia e to mo leia e tuuti ke la fiafia fakatasi.

Uluaki tosi ki le kau Kolinto 3:14

Kapau e tuumau le gaoi leia na fai e se tasi i aluga o le fakavae lena, e maua loa e ia se fakapale.

Uluaki tosi ki le kau Kolinto 3:8

Ko leia e to ia mo leia e fakavai ia e tatau laua, ti e la tasi maua loa lona fakapale o fakatatau ki lana gaoi.

Uluaki tosi ki le kau Kolinto 4:1

Koia, ke tio mai kia maua ofaipe ni tagata fakasausau a Kilisito, ti mo ni tagata tausi o misitelio o le Atua.

Uluaki tosi ki le kau Kolinto 9:16

Kapau e kau fakasa le Evaselio, e leaise tonu ke kau fakakololia i ai, talie kua tuku mai a ia kiate au, ti e malaia kiate au mo kapau e leaise kau fakasa le Evaselio !

Uluaki tosi ki le kau Kolinto 9:18

Kolea loa loku totogi ? Ko le momoli noa o le Evaselio leia e kau fakasa, kae leaise fakaaoga loku uiga ko le tagata fakamafola Evaselio.

Lua tosi ki le kau Kolinto 8:12

Talie kapau e maua le loto malie ke soli, e tali e le Atua le nea leia e soli o mulimuli ki le nea leia e maua, kae e leai ki le nea leia e leaise maua.

Kalate 2:7

Kae, i lalatou tio kua tuku mai kiate au le Evaselio ki le kau lee silikosisio, ofaipe le tuku kia Petelo o leia ki le kau silikosisio -

Kolose 1:25

Ti kua fakanofo au ko le tagata gaoi o le Ekelesia lena, o mulimuli ki le kavega leia kua tuku mai e le Atua kiate au, o tupu ko koutou, o tupu ke kau fakasa le folafola katoa a le Atua,

Uluaki tosi ki le kau Tesalonika 2:4

kae na malie ki le Atua ke tuku mai kia matou le Evaselio, koia e motou masau ai, o leaise ke fakamatamalie ki ni tagata, kae ke fakamatamalie ki le Atua leia e asiasii ia omatou loto.

Filemo 1:14

Kae na leaise kau loto ke fai se nea leia e leaise ke loto ki ai, o tupu ke aua na sakinake e fakamakeke lou tokoi, kae ke fai a ia i le loto malie.