Uluaki tosi ki le kau Kolinto 9:13 - Tosi Tapu

¹³ Pe leaise kotou iloa ko latou ala e fai ia a gaoi tapu e fagai e le fale tapu, ti ko latou ala e tausi i le aletale e kau ki nea o le aletale ?

Uluaki tosi ki le kau Kolinto 9:13 ပူးပေါင်းရင်းမြစ်များ

Levitiko 21:22

E feala loa ke kai e ia le nea kai o lona Atua, ni nea maokioki lasi mo ni nea tapu.

Levitiko 22:7

I le vilo o le laa, e mea loa a ia, ti e kai loa e ia a nea tapu, talie ko lana nea kai a ia.

Levitiko 7:31

E tutu loa e le tagata faisakilifisio le gako i aluga o le aletale, kae tuku loa e ia le vakavakapu kia Alone mo ona vosa.

Numelo 18:31

E kotou kai loa a ia i ganea fuli, e koutou mo okoutou famili ; talie ko lokoutou totogi a ia ki le tausi leia e kotou fai i le falela tapu.

Loma 6:16

Pe leaise kotou iloa ka kotou tuku koutou ke tausi ki se tasi o fakalogo kiate ia, e kotou popula ki leia e kotou fakalogo ki ai : pe ki le agasala leia e taki ia ki le mate, pe ki le fakalogo leia e taki ia ki le faitotonu ?

Uluaki tosi ki le kau Kolinto 10:18

Kotou tio ki le kau Iselaele i le kanofi : ko latou ala e kai ia vikitima pe leaise lotou komunio mo le aletale ?

Uluaki tosi ki le kau Kolinto 9:24

Pe leaise kotou iloa ko latou ala e makape i le malae fai manogi e makape fuli, kae ko le toka tasi fai leia e maua ia le totogi ? Kotou makape o tupu ke kotou maua a ia !

Tetelonome 10:9

Koia leia e leaise maua loa e Levi sona vaega pe ko sona tofiga mo ona fetaina : ko lona tofiga ko le Eteleno, o mulimuli ki le pati a le Eteleno, lona Atua kiate ia.

Uluaki tosi a Samuele 2:28

Na kau filifili a ia i faasiga fuli o Iselaele, ke tausi kiate au i le tuulaga fakapelepitelo, ke pale ki loku aletale, ke tutu ia le kaloni, ke tui ia le efote i oku mua ; ti na kau soli ki le fale o lou tamana a sakilifisio fuli kua tutu e le afi ti kua momoli e fanau a Iselaele.