Uluaki tosi ki le kau Kolinto 8:9 - Tosi Tapu

⁹ Kae kotou tokaga, ke aua na liliu lokoutou lauatea ko se fatu tukiaaga ki le kau gagae.

Uluaki tosi ki le kau Kolinto 8:9 ပူးပေါင်းရင်းမြစ်များ

Esaia 35:3

Kotou fakamakeke a lima kua gaegae, Ti kotou tokoi a tuli kua sisiga ;

Esaia 57:14

E pati loa : Kotou foa, kotou foa, kotou teuteu le ala, Kotou too a tukiaaga fuli i le ala o loku kakai !

Esekiele 14:3

Vosa o le tagata, kua amo e le kau tagata lena olatou taulaatua i olatou loto, ti kua pipiki olatou mata ki le nea leia na fakavilo ia latou ki le veli. Pe e kau tuku loa ke lotou afa mai se nea kiate au ?

Esekiele 44:12

O tupu na lotou tausi ki le kakai i mua o taulaatua, ti na lotou fakavilo le fale o Iselaele ki le agasala, e pati le Aliki, le Eteleno : E kau siki loa loku lima kia latou, ke lotou amo le veli o lalatou agaveli.

Levitiko 19:14

Aua na ke lauvelii loa se tuli, ti aua na ke tuku loa ki mua o se kivi se nea leia ke siga ai. Talie e ke maua loa le i ki lou Atua. Ko au ko le Eteleno.

Mateo 18:10

Kotou tokaga na kotou nukinuki ki se tasi fua o toe liliki anei ; talie e kau pati atu kia koutou e tio tuumau olatou aselo i le atu lagi ki mata o loku Tamana leia e nofo i le atu lagi.

Loma 15:1

Ko tatou ala e makeke, e tonu ke tou katakii a gaegaeia o latou ala e gaegae, ti ke aua na tou afa le nea leia e malie kia tatou.

Uluaki tosi ki le kau Kolinto 10:24

Ke aua na afa e se tasi le nea leia e aoga kiate ia totonu, kae ke afa e ia le nea leia e aoga ki la ake.

Uluaki tosi ki le kau Kolinto 10:28

Kae kapau e pati atu loa se tasi kia koutou : Kua momoli le nea leinei ki se taulaatua ! Aua na kotou kai ki ai, o tupu ko leia na fakasa atu ia kia koutou, ti o tupu ko lona loto.

Uluaki tosi ki le kau Kolinto 10:29

E kau masau i leinei, o leai ki lokoutou loto, kae ki leia o leia ake. Talie kolea e fakamaaui ai loa loku lauatea e se loto o se tasi kese ?

Uluaki tosi ki le kau Kolinto 10:32

Aua na kotou liliu ko se fatu sigaaga ki le kau Keleka, pe ki le kau Sutea, pe ki le Ekelesia o le Atua,

Uluaki tosi ki le kau Kolinto 8:10

Talie, kapau e tio se tasi kiate koe, a koe leia e maua ia le iloa, e ke ekeeke o kai i se fale tapu o taulaatua, pe leaise ke lagai i ai le loto o leia e gaegae ke kai ki inati kua momoli ki taulaatua ?

Uluaki tosi ki le kau Kolinto 8:12

I lakotou fai le agasala lena ki fetaina, ti mo le lavea i olatou loto, e kotou agasala kia Kilisito.

Uluaki tosi ki le kau Kolinto 9:22

Na kau gaegae mo le kau gagae, o tupu ke maua ai le kau gagae. Na kau fakatatau i nea fuli ki tagata fuli, o tupu ke kau saofaki ai ni iki.

Lua tosi ki le kau Kolinto 11:21

E kau luma i lona fakasa, na ma fakasa loma gagae. Kae, ko nea fuli ala e feala ke toa ai se tasi - e kau masau pe se vale - e kau toa foki mo au i lona fai !

Lua tosi ki le kau Kolinto 11:29

Kapau e gaegae se tasi, e kau logoi foki se gaegae ? Kapau e vilo ki le agasala se tasi, e kau logoi se mamae lasi ?

Lua tosi ki le kau Kolinto 6:3

E leaise ma loto ke siga se tasi i se nea, o tupu ke aua na liliu le gaoi ko se nea fakatupu lauveli.

Kalate 5:13

Fetaina, kua kalagai koutou ki le lauatea ; kae ke aua fua na kotou fakaliliu le lauatea lena ko se faigamalie ke kotou mauli ai i le kanofi ; kae ke kotou liliu, i le alofa, ko ni tagata fakasausau a la ki la.

Kolose 2:8

Kotou tokaga na fakasesei koutou e se tasi ki le filosofia ti mo se masau noa, o fanaki ki le talatisio a tagata, ti mo makeke fakalaumalie o le malama nei, kae leai kia Kilisito.

Uluaki tosi a Petelo 2:16

Kotou faipe ni tagata lauatea ; kae ke aua na kotou fakaaoga lokotou lauatea ofaipe se kie ke uufi ai lakoutou agaveli, kae ke kotou faipe ni tagata fakasausau a le Atua.

Lua tosi a Petelo 2:19

e lotou fakapapau kia latou le lauatea kae ko latou totonu ala e popula ki ni aga fakalialia, talie e tasi popula le tagata ki le nea leia kua pule kiate ia.

Apokalipisi 2:14

Kae ko le nea leia e kau fakafesagai ai kiate koe, talie e ke maua i lena ni kakai ala kua pipiki ki le akonaki a Palaame, leia na ako ia kia Palake ke tuku se fatu fakatupu siga i mua o vosa o Iselaele, o tupu ke lotou kai ni inati kua momoli ki taulaatua ti ke lotou fai feauaki.