Uluaki tosi ki le kau Kolinto 8:6 - Tosi Tapu

⁶ kae kia tatou ko le Atua fai e tasi, ko le Tamana, leia e au mei ai a nea fuli ti e fakalogo ki ai otatou mauli, ti mo le Aliki fai e tasi, ko Sesu-Kilisito, leia na fakatupu ia a nea fuli ti mo tatou foki.

Uluaki tosi ki le kau Kolinto 8:6 ပူးပေါင်းရင်းမြစ်များ

Esaia 46:9

Kotou manatui le nea leia na soko i temi afea ; Talie ko au e Atua, ti e leaise tasi ake Atua. Ko au e Atua, ti e leaise tasi e tatau mo au.

Selemia 10:6

E leaise tasi e tatau mo koe, Eteleno ! E ke lasi, ti e lasi lou suafa o tupu ko lou mafimafi.

Selemia 10:7

Ko ai e leaise i loa kiate koe, sau o atu puleaga ? Ko koe leia e tonu ke fai ki ai le i ; Talie e leaise tatau se tasi mo koe I le kau poto fuli o atu puleaga ti mo olatou puleaga fuli.

Sonasi 1:9

Na tali loa a ia kia latou : Ko se Epeleo au, ti e kau i ki le Eteleno, le Atua o le atu lagi, leia na fakatupu ia le tai mo le kele.

Malakia 2:10

Pe leaise tou maua fuli se tamana e tasi ? Pe leaise ko se Atua e tasi leia na fakatupu ia tatou ? Kolea e leaise tou agatonu ai i otou vasaa, Ti e tou maumaui ai le sai o otou tamana ?

Mateo 11:27

Kua soli mai a nea fuli kiate au e loku Tamana, ti e leaise tasi e iloa ia le Alo, gato fai ki le Tamana ; e leaise tasi e iloa ia le Tamana, gato fai ki le Alo ti mo leia e fakasa ki ai e le Alo.

Mateo 28:18

Na fakafeofi ake loa Sesu o masau kia latou, o pati : Kua tuku mai kiate au a pule fuli i le lagi mo le kele.

Soane 1:10

Na nofo a ia i le malama nei, ti na fakatupu e ia le malama nei, kae na leaise iloa fua a ia e le malama nei.

Soane 1:3

Na fai e ia a nea fuli, ti na leaise nea i nea fuli ala na fai na leaise fai sala mo ia.

Soane 10:30

Ko au mo le Tamana e ma toka tasi.

Soane 13:13

E kotou fakaigoa au ko le Pule mo Aliki, ti e kotou pati tonu, talie ko au a ia.

Soane 14:20

I le aso lena, e kotou iloa loa e kau nofo i loku Tamana, e kotou nofo iate au, ti e kau nofo ia koutou.

Soane 17:3

Ti ko leinei le mauli lee gato, ke lotou iloa a koe, leia ko le Atua maoki fai e tasi, ti mo leia na ke kakau ia mai, Sesu-Kilisito.

Soane 20:17

Na pati loa Sesu kiate ia : Auase ke fafa mai kiate au ; talie e leikiaise kau pale ki loku Tamana. Kae ke ke ano ki oku fetaina, o pati kia latou e kau pale ki loku Tamana ti ko lokoutou Tamana, ki loku Atua ti ko lokoutou Atua.

Gaoi 17:28

talie e tou maua iate ia le mauli, mo le taugaoi, ti mo le agaaga. Na fakasa foki le nea lena e ni iki o okoutou tagata maau : Talie tou kau foki ki lona lanu.

Gaoi 2:36

Ke iloa fakapapau e le fale katoa o Iselaele kua fakanofo e le Atua ke Aliki mo Kilisito le Sesu lena na kotou tutuki ki le koluse.

Gaoi 5:31

Kua siki a ia e le Atua ki lona lima atamai ko le Sau ti mo le Fakamauli, talie ke soli ki Iselaele le fakasemala mo le fakamolemole o agasala.

Loma 11:36

Ko nea fuli e tupu meiate ia, e maua iate ia, ti e kaku kiate ia. Kiate ia le kololia i sekulo fuli ! Amene !

Uluaki tosi ki le kau Kolinto 1:2

ki le Ekelesia o le Atua i Kolinito, kia latou ala kua vaei kese ia Sesu-Kilisito, ti kua kalagai ke maokioki, ti mo latou fuli ala e too ia i potu kesekese le suafa o lotatou Aliki ko Sesu-Kilisito, ko lolatou Aliki ti ko loma Aliki foki.

Uluaki tosi ki le kau Kolinto 12:3

Koia e kau fakasa atu kia koutou e leaise pati se tasi, mo ka masau a ia i le Laumalie o le Atua : e malaia Sesu ! Ti e leaise feala ke pati se tasi, mo ka e leaise masau a ia i le Laumalie Maokioki : e Aliki Sesu.

Uluaki tosi ki le kau Kolinto 6:13

Ko nea kai ki le manava, ti ko le manava ki nea kai, ti e maumaui loa e le Atua le manava o tatau mo nea kai. Kae na leaise fakatupu le tino ki le fai feauaki. Na fakatupu a ia ki le Aliki, ti ko le Aliki ki le tino.

Uluaki tosi ki le kau Kolinto 8:4

O uiga mo le kai o inati kua momoli ki taulaatua, e tou iloa e leai ni taulaatua i le malama nei, ti e i ai se Atua fuai e tasi.

Efeso 1:3

Ke fakafetai ki le Atua, le Tamana o lotatou Aliki ko Sesu-Kilisito, leia na tapuaki ia tatou ki a tapuaki fakalaumalie fuli i potu fakalagi ia Kilisito !

Efeso 3:14

O tupu ko le nea a ia, e kau peluki oku tuli i mua o le Tamana,

Tetelonome 4:35

Kua ke soko ko se fakamaoki ki nea ana, o tupu ke ke iloa e Atua le Eteleno, ti e leaise tasi ake atua kese iate ia.

Tetelonome 4:39

Koia ke ke iloa ai i le aso nei, ti ke taofi i lou loto e Atua le Eteleno, i aluga i le lagi mo lalo i le kele, ti e leaise tasi ake Atua kese iate ia.

Tetelonome 6:4

Ke ke fakalogo, Iselaele ! Ko le Eteleno, lotatou Atua, ko le Eteleno a ia e tasi.

Kolose 1:6

Kua kaku atu a ia kia koutou, ti mo le malama nei katoa ; ti kua fua a ia, ti kua mafola a ia, o fai foki pe koutou, talu mei le aso leia na kotou logo ai mo iloa ai le kalasia o le Atua i le maoki,

Uluaki tosi a Petelo 1:21

Iate ia e kotou tui ki le Atua leia na toe fakatuuake ia a ia mei le kau mate, ti na soli ia kiate ia le kololia, o tupu ke fakatuu lakoutou tui mo lakoutou amanaki malie i le Atua.

Apokalipisi 1:18

Ko au ko le uluaki, ti ko le fakamulimuli, ti ko leia e mauli. Na kau mate ; ti ko leinei, kua kau mauli ki sekulo mo sekulo. E kau too a kalavi o le mate ti mo le nofoaga o le kau mate.