Uluaki tosi ki le kau Kolinto 7:38 - Tosi Tapu

³⁸ Koia, ko le tagata leia e avaga mo lana feauaki e fai ia se nea leia e malie, ti ko le tagata leia e leaise avaga mo lana feauaki e fai ia se nea leia e toe malie lasi ake.

Uluaki tosi ki le kau Kolinto 7:38 ပူးပေါင်းရင်းမြစ်များ

Mateo 5:32

Kae ko au, e kau pati atu kia koutou ko le tagata leia e kapu ia lona avaga, (gato fai mo kapau na tono a ia mo se tagata), e tuku e ia lona avaga ke tono mo se tasi ake tagata ; ti ko le tagata leia e avaga loa mo se fafine leia na kapu e lona avaga e fai ia loa se tono mo le fafine lena.

Uluaki tosi ki le kau Kolinto 7:26

Ko leinei loa le nea leia e kau manatu e malie, o tupu ko temi faigataa ala ka tuu mai : E malie ki le tagata ke nofo fenaaki.

Uluaki tosi ki le kau Kolinto 7:37

Kae kapau ko le tagata, sala fakamakeke mei tafa, kua fakapapau e ia i lona loto ke aua na avaga, ti kapau e mafai e ia le pulei o lona loto mo too e ia totonu le nea ke fai, e malie ke aua na avaga a ia mo le taine.

Uluaki tosi ki le kau Kolinto 7:39

Kua sai le fafine ki lona avaga i le temi katoa leia e mauli ai lona avaga ; ti kapau kua mate le tagata, e lauatea le fafine ke toe avaga mo leia e loto a ia ki ai ; ko leia fua ke fai i le Aliki.

Uluaki tosi ki le kau Kolinto 7:8

Kia latou ala na leaise avaga ti mo fafine lokonui, e kau fakasa e malie ke lotou nonofo ofaipe au.

Epelo 13:4

Kotou fakaapaapa fuli ki le nofo avaga, ti ke agatonu le taumatua, talie e fakamaaui loa e le Atua latou ala e fai feauaki mo tono.