Uluaki tosi ki le kau Kolinto 7:2 - Tosi Tapu

² Kae, o tupu ko le fai feauaki, ke tasi maua e le tagata sona avaga, ti ke tasi maua e le fafine sona avaga.

Uluaki tosi ki le kau Kolinto 7:2 ပူးပေါင်းရင်းမြစ်များ

Taagapati 18:22

Ko le tagata leia e maua ia sona avaga e maua ia le manuia ; Ko se kalasia a ia e fai e le Eteleno kiate ia.

Taagapati 19:14

E feala ke maua tofiga se fale mo ni koloa mei lona tamana, Kae ko se fafine atamai ko se nea alofa a ia mei le Eteleno.

Malakia 2:14

Ti e kotou pati : Kolea lona tupuaga ?… Se tupu na ke fakapapau i mua o le Eteleno ke ke agatonu ki le fafine leia na avaga mo koe i lou temi tupulaga. Ko lou soa a ia, leia na ke filifili totonu, Kae ko leinei kua ke tiaki a ia.

Mateo 5:32

Kae ko au, e kau pati atu kia koutou ko le tagata leia e kapu ia lona avaga, (gato fai mo kapau na tono a ia mo se tagata), e tuku e ia lona avaga ke tono mo se tasi ake tagata ; ti ko le tagata leia e avaga loa mo se fafine leia na kapu e lona avaga e fai ia loa se tono mo le fafine lena.

Uluaki tosi ki le kau Kolinto 6:18

Kotou sola mei le fai feauaki ! Ko agasala fuli ake ala e fai e se tagata, e fai i tafa o le tino ; kae ko leia e fai ia le fai feauaki e agasala a ia ki lona tino totonu.

Uluaki tosi ki le kau Kolinto 7:1

O uiga mo nea ala na kotou fai tosi mai ai kiate au, e kau manatu e malie ki le tagata ke aua na lave ki se fafine.

Uluaki tosi ki le kau Kolinto 7:3

Ke soli e le tagata ki lona avaga le nea leia e maua ai a ia kiate ia, ti ke fai fenaaki foki le fafine ki lona avaga.

Uluaki tosi ki le kau Kolinto 7:9

Kae kapau e leaise lotou kataki fualoa, ke lotou avaga ; talie e malie ake ke avaga i le vela.

Efeso 5:28

E tonu ke alofa fenaaki le tagata ki lona avaga ofaipe lona tino totonu. Ko le tagata leia e alofa ki lana avaga e alofa kiate ia totonu.

Efeso 5:33

E kau fakaoki atu loa : ke tasi alofa le tagata ki lana avaga ofaipe kiate ia totonu, ti ke fakaapaapa le fafine ki lona avaga.

Uluaki tosi ki le kau Tesalonika 4:4

Koia ke tasi iloa e le tagata o koutou le tausi o lona tino i le maokioki mo le fakaapaapa,

Uluaki tosi kia Timoteo 4:3

e lotou fakatotonu ke aua na avaga, ti ke aua na kai a nea kai ala na fakatupu e le Atua ke too mo le loto fakafetai e latou ala e agatonu ti kua iloa ia le maoki.

Tuifakamaau 21:22

Kapau e au loa olatou tamana pe ko olatou tuagaane o tagi mai kia matou, e motou pati loa kia latou : Ke kotou tuku mai latou kia matou, talie na leaise motou maua ia se fafine ki le tagata taki toka tasi i le tau. E leaise ko koutou ala na soli ia latou kia latou ; koia e leaise kotou sala ai ki lakoutou fakapapau.