Uluaki tosi ki le kau Kolinto 7:19 - Tosi Tapu

¹⁹ Ko le nea noa le silikosisio, ti ko le nea noa le lee silikosisio, kae ko le nea leia e mauiga ko le fakalogo ki fakatotonu a le Atua.

Uluaki tosi ki le kau Kolinto 7:19 ပူးပေါင်းရင်းမြစ်များ

Mateo 5:19

Ko leia e soloi ia loa se fakatotonu e tasi o fakatotonu liliki oki ana, ti mo ako ia loa ki tagata ke fai fenaaki, e fakaigoa loa a ia ko le tagata ikiiki oki i le Puleaga o le atu lagi ; kae ko leia e fai ia loa latou, ti mo ako ia loa ke fai latou, ko ia lena e fakaigoa loa ko le tagata lasi i le Puleaga o le atu lagi.

Soane 15:14

Ko koutou ko oku kaukau nea, mo kapau e kotou fai le nea leia e kau fakatotonu atu kia koutou.

Loma 3:30

talie ko le Atua fai e tasi, leia e fakamatatonu ia loa i le tui le kau silikosisio mo le kau lee silikosisio.

Uluaki tosi ki le kau Kolinto 8:8

E leaise ko se nea kai leia e fakafeofi ia loa tatou ki le Atua : Kapau e tou kai ki ai, e leaise tou malie ake ai ; ti kapau e leaise tou kai ki ai, e leaise tou asili veli ai.

Kalate 3:28

E leaise koi i ai se Sutea, pe ko se Keleka ; e leaise koi i ai se tagata popula pe lauatea ; e leaise koi i ai se tagata pe ko se fafine ; talie kua kotou liliu fuli ko se nea e tasi ia Sesu-Kilisito.

Kalate 5:6

Talie, ia Sesu-Kilisito, e leaise aoga le silikosisio pe ko le lee silikosisio, kae ko le tui leia e gaoi i le alofa.

Kalate 6:15

Talie ia Kilisito e leaise aoga le silikosisio mo le lee silikosisio ; ko le nea leia e aoga ko le liliu ko se nea kua tupu foou.

Kolose 3:11

Koia e leaise i ai se Keleka i leinei pe ko se Sutea, mo se tagata silikosisio pe ko se lee silikosisio, mo se matapule pe ko se Site, mo se tagata popula pe ko se tagata lauatea ; kae ko Kilisito fuai i tagata fuli.

Sosue 5:5

Kae na leai fua se silikosisio se fa toka tasi i tamaliki tagata fuli ala na tupu i le lolotoga o le fanoga i le toafa : Koia na tonu ai ke fai e Sosue le nea lena.

Apokalipisi 22:14

Manuia latou ala e fo ia olatou kofu, o tupu ke lotou kau ki le laakau o le mauli, ti ke lotou ulu i matapa o le kolo !

Uluaki tosi a Samuele 15:22

Na pati loa Samuele : Pe maua e le Eteleno se fiafia i failaulau mo sakilifisio, ofaipe lana maua leia i le fakalogo ki le leo o le Eteleno ? Ko leinei, e malie ake le fakalogo i sakilifisio, ti e malie ake le fai o lana folafola i le gako o ovi tagata.