Uluaki tosi ki le kau Kolinto 6:9 - Tosi Tapu

⁹ Pe leaise kotou iloa e leaise maua loa le puleaga o le Atua e le kau lee agatonu ? Aua na kotou fai sala i le nea lena : Ko le kau fai feauaki, mo le kau tausi taulaatua, mo le kau tono,

Uluaki tosi ki le kau Kolinto 6:9 ပူးပေါင်းရင်းမြစ်များ

Senesi 19:5

Na lotou kalaga loa kia Lote : Kofea a tagata ala na ulu ki lou fale i le po leinei ? Ke ke aumai laua ki fafo, ke motou iloa laua.

Ekesote 23:1

Aua na ke fakamafola ia loa ni loi. Aua na ke kau loa mo le tagata agaveli o fai se fakamaoki loi ke saofaki ai a ia.

Taagapati 11:1

E fakalialia le Eteleno ki le fua leia e sala, Kae e malie kiate ia le fua leia e totonu.

Taagapati 22:8

Ko leia e to ia le veli e utu ia le mamae, Ti e puli loa le laakau o lona itaita.

Taagapati 7:27

Ko lona fale, ko le ala a ia ki le nofoaga o le kau mate ; E ifo a ia ki nofoaga o le mate.

Esaia 55:7

Ke tiaki e le tagata agasala lona ala, Ti mo le tagata agaveli ana manatu ; Ke toe liliu a ia ki le Eteleno, leia e alofa loa kiate ia, Ki lotatou Atua, leia e leaise kaekae i le fakamolemole.

Esekiele 18:11

Ti kapau e leaise fai e le vosa lena se nea fua e tasi ofaipe lona tamana, ti kapau e kai a ia i aluga o mauga, ti kapau e tono a ia mo le avaga o lona oloi,

Levitiko 18:20

Aua na ke sufegi loa le telefua o le avaga o lou oloi, talie ko le nea lena e fakakelekele ia a koe.

Levitiko 18:22

Aua na ke momoe loa mo se tagata ofaipe le momoe mo se fafine ; ko se nea fakalialia a ia.

Levitiko 19:15

Aua na ke fai loa se tonu sala i au fakamaau : aua na ke tio loa ki le mativa o se tagata, ti aua na ke tio loa ki le mauiga o se tagata, kae e ke fakamaaui loa lou oloi o mulimuli ki le lao totonu.

Levitiko 20:13

Kapau e momoe loa se tagata mo se tasi tagata ofaipe le momoe mo se fafine, kua la fai loa se agasala fakalialia ; e tautea loa laua ki le mate. E vilo loa ola toto kia laua.

Sakalia 5:3

Na pati mai loa a ia kiate au : Ko le tosi lena o le malaia leia e mafola loa ki le fenua katoa. Talie e tuu i le tasi fetuu e kapu loa a tagata kaia fuli mei le fenua leinei, ti e tuu i le tasi fetuu e toe kapu foki latou fuli ala na fai fakapapau loi mei le fenua leinei.

Mateo 19:29

Ti ko leia e tuku ia loa, o tupu ko loku suafa, ona fetaina, mo ona tuagaane, mo lona tamana, mo lona tinana, mo lona avaga, mo ana fanau, mo ona kele, mo ona fale, e maua loa e ia o liuga kau lelau, ti e maua tofiga loa e ia le mauli lee gato.

Mateo 25:34

Ti e pati loa le sau kia latou ala e tutuu loa i lona fetuu atamai : Kotou au, koutou ala na tapuaki e loku Tamana ; kotou maua le puleaga leia na teuteui atu kia koutou talu mei le kamataaga o le malama nei.

Luka 21:8

Na tali loa Sesu : Kotou tokaga na kakaai koutou. Talie e au loa le toka api i loku suafa, o pati : Ko au ko Kilisito, ti, kua ofi mai le temi. Aua na kotou muli ia latou.

Gaoi 20:32

Ti ko leinei, e kau tuku koutou ki le Atua ti mo le folafola o lona kalasia, ki leia e maua ia le makeke ke faufau ia koutou ti ke soli ia kia koutou le tofiga o fakatasi mo latou fuli kua fakamaokioki.

Gaoi 24:25

Kae i le masau a Paulo ki le faitotonu, mo le oli veli, ti mo le fakamaau fakamuli, na lulu loa Felise, o pati kiate ia : Ano, kua feauga le aso nei ; ka kau toe maua loa se tasi faigamalie, ti e kau toe kalagai atu loa a koe.

Loma 1:18

E fakasa mei le lagi le sausau o le Atua ki agasala fuli mo veli fuli a tagata ala e taofi ia le gaoi a le maoki,

Uluaki tosi ki le kau Kolinto 15:33

Aua na kotou fai sala : E maumaui e kaukaunea veveli a aga malilie.

Uluaki tosi ki le kau Kolinto 15:50

Ko le nea leia e kau fakasa, fetaina, e leaise feala ke maua e le kanofi mo le toto le puleaga o le Atua, ti e leaise feala ke maua e nea pala a nea lee pala.

Uluaki tosi ki le kau Kolinto 3:16

Pe leaise kotou iloa ko le fale tapu koutou o le Atua, ti e nofo le Laumalie o le Atua ia koutou ?

Uluaki tosi ki le kau Kolinto 5:1

Kua logo i ganea fuli e maua ia koutou se fai feauaki, ti ko se fai feauaki leia e leaise maua foki i le kau pagani ; talie kua kaku o nofo se tasi o koutou mo le avaga o lona tamana.

Uluaki tosi ki le kau Kolinto 5:10

E leaise kau pati atu ki le kau fai feauaki katoa o le malama nei, pe ko le kau manumanu paaga, pe ko le kau kaia tagata, pe ko le kau tausi taulaatua ; talie kapau koia, e tonu loa ke kotou mavae i le malama nei.

Uluaki tosi ki le kau Kolinto 5:11

Ko leinei, ko le nea leia kua kau tosi atu kia koutou, ke aua na kotou fakatasi mo se tasi leia e igoa ko se taina kae fai feauaki a ia, pe manumanu paaga, pe tausi taulaatua, pe nukinuki, pe inu kava, pe kaia tagata, ti ke aua foki na kotou kai mo se tagata fenaaki.

Uluaki tosi ki le kau Kolinto 6:10

mo le kau tagata fia fafine, mo le kau tagata fai tagata, mo le kau kaia, mo le kau manumanu koloa, mo le kau faakona, mo le kau lauveli, mo le kau kaia tagata, e leaise lotou ulu loa ki le puleaga o le Atua.

Uluaki tosi ki le kau Kolinto 6:18

Kotou sola mei le fai feauaki ! Ko agasala fuli ake ala e fai e se tagata, e fai i tafa o le tino ; kae ko leia e fai ia le fai feauaki e agasala a ia ki lona tino totonu.

Uluaki tosi ki le kau Kolinto 6:19

Pe leaise kotou iloa ko lokoutou tino ko le fale tapu a ia o le Laumalie Maokioki leia ia koutou, leia kua kotou tali mei le Atua, ti e leaise kotou maua koutou totonu.

Uluaki tosi ki le kau Kolinto 9:24

Pe leaise kotou iloa ko latou ala e makape i le malae fai manogi e makape fuli, kae ko le toka tasi fai leia e maua ia le totogi ? Kotou makape o tupu ke kotou maua a ia !

Lua tosi ki le kau Kolinto 12:21

E kau tuania, i laku tau atu, na toe fakataulaloi au e loku Atua i mua o koutou, ti ke kau tagi loa ki se toka api o latou ala na agasala i mua, ti na leikiaise fakasemala ki le aga fakakelekele, mo le fai feauaki, ti mo nea fakalialia fuli ala na lotou fai.

Kalate 6:7

Aua na kotou fai sala i le nea lena : e leaise gologolo ki le Atua. Ko le nea leia e muluki e se tagata, e toe utu loa e ia a ia.

Tetelonome 22:22

Kapau e maua loa se tagata leia e momoe mo se fafine avaga, e la mamate toka lua loa, le tagata leia na momoe mo le fafine, mo le fafine foki. E ke too loa i ai le veli i loto malie o Iselaele.

Tetelonome 22:5

Ke aua na tui loa e se fafine se teu tagata, ti ke aua na tui loa e se tagata se teu fafine : Talie ko leia e fai ia le nea lena e fakalialia a ia ki le Eteleno, lou Atua.

Tetelonome 23:17

Ke aua na maua loa se fafine faiaga i taineliki o Iselaele, ti ke aua na maua loa se tagata faiaga i vosa o Iselaele.

Kolose 3:5

Koia ke kotou tamate le nea leia, i okoutou koga tino, e kau ki le malama nei, le fai feauaki, mo le aga fakakelekele, mo oli fakavale, mo oli veveli, ti mo le manumanu, leia ko se tausi taulaatua.

Epelo 12:14

Ke kotou afa le tokamalie mo le kakai fuli, ti mo le maokioki, talie sala mo ia e leaise tio loa se tasi ki le Aliki.

Epelo 12:16

Ke kotou tokaga na i ai se tasi e fai feauaki, pe ko se tasi e lee fakaapaapa ki nea tapu ofaipe Esau, leia na fakatau ia lona tapuaki o le uluaki vosa ki se nea kai e tasi.

Epelo 13:4

Kotou fakaapaapa fuli ki le nofo avaga, ti ke agatonu le taumatua, talie e fakamaaui loa e le Atua latou ala e fai feauaki mo tono.

Sakopo 1:16

Aua na kotou fai sala, ei oku fetaina alofaina :

Uluaki tosi a Soane 3:7

Fanau liliki, ke aua na kakaai koutou e se tasi. Ko leia e mauli i le maokioki e maokioki a ia, ofaipe Ia totonu e maokioki.

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.

Apokalipisi 22:15

Ki fafo a kuli, mo le kau fai nea fakatalatupua, mo le kau fai feauaki, mo le kau tukipo, mo le kau tausi taulaatua, ti mo le kau loi fuli i masau mo gaoi !

Tuifakamaau 19:22

I le lolotoga o lolatou taupau mauli, ko leinei, kua takatakai loa le fale e ni tagata o le kolo, ni tagata veli, ti kua lotou ta loa le matapa. Na lotou pati loa ki le matua, pule o le fale : Ke ke fakaulu mai ki fafo le tagata leia na ke aga o tali i lou fale, e motou fia iloa a ia.