Uluaki tosi ki le kau Kolinto 6:3 - Tosi Tapu

³ Pe leaise kotou iloa e tou fakamaaui loa le kau aselo ? Ti kolea e leaise tou fakamaaui ai loa a nea o le mauli leinei ?

Uluaki tosi ki le kau Kolinto 6:3 ပူးပေါင်းရင်းမြစ်များ

Pesalemo 17:14

Eteleno, saofaki au i tagata ki lou lima, i tagata o le malama nei, Ala kua maua lolatou vaega i le mauli, Ti kua ke fakaapele olatou manava ki ou koloa. E makokona olatou fanau, Ti e lotou tuku le tupu olatou koloa ki olatou makopuna.

Taniela 7:22

o kaku ki le lakaga leia na au ai loa le Matua o aso, o tuku le fakamaau totonu ki le kau sagato o le Taualuga. Ko le temi loa lena na tuku ai le puleaga ki le kau sagato.

Mateo 25:41

Ti oki, ti e pati loa a ia kia latou ala e tutuu loa i lona fetuu sema : Kotou fakamamao atu iate au, kau malaia ; kotou ano ki le afi lee gato leia na teuteui ki le Tiapolo mo ana aselo.

Luka 21:34

Kotou tokaga kia koutou totonu, ke aua na kotou tuku okoutou loto ke taomia o tupu ko le kai fakavale mo le inu fakavale, ti mo nea o le mauli, ti ke au fakapunamauli le aso lena kia koutou.

Luka 8:14

Ko leia e vilo ki loto o le vao talatala, ko latou ala, i le logo ki le folafola, na ano, o tuku a ia ke taotao e tuania, mo koloa, mo fiafia o le mauli, ti e leaise lotou maua se fua leia e kaku o matua.

Loma 6:16

Pe leaise kotou iloa ka kotou tuku koutou ke tausi ki se tasi o fakalogo kiate ia, e kotou popula ki leia e kotou fakalogo ki ai : pe ki le agasala leia e taki ia ki le mate, pe ki le fakalogo leia e taki ia ki le faitotonu ?

Uluaki tosi ki le kau Kolinto 6:15

Pe leaise kotou iloa ko okoutou tino ko koga tino o Kilisito ? Ti e kau too loa a koga tino o Kilisito, o fakaliliu ko koga tino o se fafine fai feauaki ?

Uluaki tosi ki le kau Kolinto 6:16

E leai ai ! Pe leaise kotou iloa ko leia e pipiki ki le fafine fai feauaki e liliu a ia ko se tino e tasi mo ia ? Talie e pati, e la liliu loa ko se tino e tasi.

Uluaki tosi ki le kau Kolinto 6:19

Pe leaise kotou iloa ko lokoutou tino ko le fale tapu a ia o le Laumalie Maokioki leia ia koutou, leia kua kotou tali mei le Atua, ti e leaise kotou maua koutou totonu.

Uluaki tosi ki le kau Kolinto 6:4

Ti kapau e kotou maua ni visi ki ni nea o le mauli nei, e kotou too latou ala e leai solatou uiga ki le Ekelesia ke tui fakamaau ?

Lua tosi kia Timoteo 2:4

E leaise tagata solia leia e fakavisia ia a ia i nea o le mauli nei, mo kapau e loto a ia ke mata malie a ia ki leia na filifili ia a ia ki lana kau tau ;

Lua tosi kia Timoteo 4:10

talie kua tiaki au e Temasi ; kua alofa a ia ki le malama nei, ti kua ano a ia ki Tesalonika ; ko Kelesenesio ki Kalatia, mo Tito ki Talamasia.

Lua tosi a Petelo 2:4

Talie, kapau na leaise fakasao e le Atua le kau aselo leia na agasala, kae na ti e ia latou ki ifeli, leia e taofi ai mo saisai ai latou o pilisoni i ni sosoni o le fakapouli ki le aso o le fakamaau ;

Suta 1:6

ti na taupau e ia ki le aso lasi o le fakamaau, o sai o lee gato e le fakapouli, le kau aselo leia na leaise taupau ia olatou tulaga, kae na lotou tiaki lolatou nofoaga totonu ;