Uluaki tosi ki le kau Kolinto 6:15 - Tosi Tapu

¹⁵ Pe leaise kotou iloa ko okoutou tino ko koga tino o Kilisito ? Ti e kau too loa a koga tino o Kilisito, o fakaliliu ko koga tino o se fafine fai feauaki ?

Uluaki tosi ki le kau Kolinto 6:15 ပူးပေါင်းရင်းမြစ်များ

Senesi 44:17

Ti na pati loa Sosefo : Ke taofi au e le Atua ke aua na kau fai ia le nea lena ! Ke popula toka tasi fua le tagata leia na maua ai le ipu, kae ko le toega, ke kotou toe liliu i le tokamalie ki lokoutou tamana.

Luka 20:16

E au loa a ia, ti e tamate loa e ia a tagata faivite ana, kae soli loa e ia le vite ki ni iki ake. I le logo a le kakai ki le nea lena, na lotou pati loa : E leaise fenaaki loa !

Loma 12:5

e tatau foki mo tatou, e tou toka api, ti e tou fau se tino e tasi ia Kilisito, ti e tou feaogaaki fuli, ofaipe ni koga tino e pipiki tasi.

Loma 3:31

Pe tou fakapuli ai loa le lao i le tui ? E leai ai ! Kae, e motou fakamaoki ki le lao.

Loma 3:6

E leai ai ! Talie kapau ko ia, pe feaki loa le fakamaaui e le Atua le malama nei ?

Loma 6:15

E a koia ! Pe tou agasala loa talie e leaise tou nonofo i le lao, kae i le kalasia ? Leai ai !

Loma 6:2

E leai ai ! Ko tatou ala kua mate ki le agasala, e feaki loa ke tou toe mauli i le agasala ?

Loma 7:13

Pe kua liliu le nea leia e malie ko se mateaga kiate au ? E leai ai ! Kae ko le agasala, o tupu ke sa a ia ko le agasala i lana tuku mai kiate au le mate i le nea e malie, e liliu o toe asilisili agasala.

Loma 7:7

Kolea loa latatou pati ? Pe agasala le lao ? Leai ai ! Kae ka na aua le lao, na leaise kau iloa le agasala. Talie na leaise mafai ke kau iloa le manumanu, mo ka na leaise pati le lao : Aua na ke manumanu loa.

Uluaki tosi ki le kau Kolinto 11:3

Kae e kau loto ke kotou iloa ko Kilisito ko le pule a ia o tagata fuli ; ti ko le tagata ko le pule a ia o le fafine ; ti ko le Atua ko le pule a ia o Kilisito.

Uluaki tosi ki le kau Kolinto 12:27

Ko le tino koutou o Kilisito, ti ko ona koga tino koutou taki toka tasi.

Uluaki tosi ki le kau Kolinto 6:13

Ko nea kai ki le manava, ti ko le manava ki nea kai, ti e maumaui loa e le Atua le manava o tatau mo nea kai. Kae na leaise fakatupu le tino ki le fai feauaki. Na fakatupu a ia ki le Aliki, ti ko le Aliki ki le tino.

Uluaki tosi ki le kau Kolinto 6:17

Kae ko leia e pipiki ki le Aliki e liliu a ia mo ia ko se laumalie e tasi.

Uluaki tosi ki le kau Kolinto 6:19

Pe leaise kotou iloa ko lokoutou tino ko le fale tapu a ia o le Laumalie Maokioki leia ia koutou, leia kua kotou tali mei le Atua, ti e leaise kotou maua koutou totonu.

Uluaki tosi ki le kau Kolinto 6:3

Pe leaise kotou iloa e tou fakamaaui loa le kau aselo ? Ti kolea e leaise tou fakamaaui ai loa a nea o le mauli leinei ?

Kalate 2:17

Ti kapau, i latatou lolotoga afa ke fakamatatonu tatou ia Kilisito, kua maua tatou ko le kau agasala, pe kua liliu ai Kilisito ko se tagata gaoi a le agasala ? Leai ai !

Kalate 3:21

Pe fakafesagai le lao ki fakapapau a le Atua ? E leai ai ! Ka na soli mai se lao leia e mafai ke soli ia le mauli, e au maoki loa le faitotonu mei le lao.

Kalate 6:14

Kae kiate au, e mamao meiate au le manatu ke kau fakakololia i se tasi ake a nea kese, kae i le koluse o lotatou Aliki ko Sesu-Kilisito, leia kua tutuki ki ai le malama nei kiate au, ofaipe au kua tutuki ki le malama nei.

Efeso 4:12

ki le teuteui o le kau sagato ke malie tukupau, ti mo le fai o le gaoi o le fakasausau ti mo le faufau o le tino o Kilisito,

Efeso 5:23

talie ko le tagata ko le pule a ia o le fafine, ofaipe Kilisito ko le Pule a ia o le Ekelesia, leia ko lona tino, ti ko ia foki ko lona fakamauli.

Efeso 5:30

talie ko koga tino tatou o lona tino, o lona kanofi, mo ona ivi.

Kolose 2:19

kae e leaise pipiki a ia ki le ulu, leia e fagai ia mo fakatasi ia le tino katoa i ona sokoga mo ona nonoa, ti e tuku ia kiate ia le tutupu o mulimuli ki lona finegalo.