Uluaki tosi ki le kau Kolinto 6:14 - Tosi Tapu

¹⁴ Ti ko le Atua, leia na toe fakatuuake ia le Aliki, e toe fakatuuake ia loa mo tatou foki ki lona mafimafi.

Uluaki tosi ki le kau Kolinto 6:14 ပူးပေါင်းရင်းမြစ်များ

Gaoi 17:31

talie kua fakatuutuu e ia se aso leia e fakamaaui ai loa e ia le malama nei i le faitotonu, i se tagata leia kua filifili e ia, ti kua tuku e ia ki tagata fuli se fakamaoki maoki kiate ia i lana toe fakatuuake a ia mei le kau mate.

Gaoi 2:24

Kua toe fakatuuake a ia e le Atua, o saofaki a ia mei sai o le mate, talie na leaise mafai ke taofi a ia e le mate.

Gaoi 2:32

Ko le Sesu lena, leia kua toe fakatuuake e le Atua ; e motou fakamaoki fuli ki ai.

Loma 8:11

Ti kapau e nofo ia koutou le Laumalie o leia na toe fakatuuake ia a Sesu mei le kau mate, ko leia na fakatuuake ia a Sesu-Kilisito mei le kau mate, e toe soli ia loa le mauli ki okoutou tino mamate i lona Laumalie leia e nofo ia koutou.

Uluaki tosi ki le kau Kolinto 15:23

kae e tasi nofo loa i lona tuuaga : ko le uluaki fua ko Kilisito, ti oki ko latou ala e kau ia Kilisito i lana toe liliu mai.

Lua tosi ki le kau Kolinto 13:4

Talie na tutuki a ia ki le koluse i lona gaegae, kae e mauli a ia i le mafimafi o le Atua ; ko maua foki, e ma gagae iate ia, kae e ma mauli loa mo ia i le mafimafi o le Atua, o gaoi kia koutou.

Lua tosi ki le kau Kolinto 4:14

o ma iloa ko leia na toe fakatuuake ia le Aliki ko Sesu, e toe fakatuuake ia loa maua foki mo Sesu, ti e fakasa loa e ia maua mo koutou i ona mua.

Filipe 3:21

leia e fetogi ia loa lotatou tino fakaaloalofa, ke tatau mo lona tino fakakololia, i le pule leia e maua e ia ke aumai ai a nea fuli ke fakalogo kiate ia.

Uluaki tosi ki le kau Tesalonika 4:14

Talie, kapau e tou tui na mate Sesu ti na toe tuuake, ti e tou tui foki e aumai loa e le Atua o fakatasi mo Sesu latou ala na mamate iate ia.