Uluaki tosi ki le kau Kolinto 5:5 - Tosi Tapu

⁵ ke tuku le tagata lena kia Satana ke maumaui le tino, kae ke fakamauli le laumalie i le aso o le Aliki ko Sesu.

Uluaki tosi ki le kau Kolinto 5:5 ပူးပေါင်းရင်းမြစ်များ

Sopo 2:6

Na pati loa le Eteleno kia Satana : Ko leinei, e kau tuku a ia ki ou lima ; ko leia fua, aua na ke fafa ki lona mauli.

Pesalemo 109:6

Ke ke tuku latou ki le pule a se tagata agaveli, Ti ke tuu Satana i lona fetuu atamai !

Taagapati 23:14

I lau taai a ia ki le laakau, E ke saofaki lona laumalie i le nofoaga o le kau mate.

Levitiko 13:21

Kae kapau, i lana tioi le masaki, e leaise maua loa e ia ni fulu tea, mo se pu i le kili, kae e uli le mata o le papala, e tapono loa e ia le tagata masaki i se fale i ni aso e fitu.

Mateo 4:10

Na pati loa Sesu kiate ia : Fakamamao atu iate au Satana ! Talie e tuu i le Tosi : E ke atolasio loa ki le Aliki, lou Atua, ti e ke tausi loa kiate ia toka tasi.

Luka 22:31

Na pati loa le Aliki : Simone, Simone, na kole koutou e Satana, ke lu koutou ofaipe le lu o le fulumeto.

Gaoi 26:18

o tupu ke ke fakamavaa olatou mata, ke lotou tafoki mei le fakapouli ki le malama, mei le pule a Satana ki le Atua, ti ke lotou tali, i le tui kiate au, le fakamolemole o agasala ti mo le tofiga o fakatasi mo latou ala kua fakamaokioki.

Uluaki tosi ki le kau Kolinto 1:8

Ko ia foki leia e fakatuu makeke ia loa koutou o kaku ki le fakaoki, o tupu ke kotou saosaoa i le aso o lotatou Aliki ko Sesu-Kilisito.

Uluaki tosi ki le kau Kolinto 11:32

Kae e fakamaaui tatou, ti e tautea tatou e le Aliki, o tupu ke aua na tou malaia fakatasi mo le malama nei.

Uluaki tosi ki le kau Kolinto 5:13

Kia latou ala i tafa, e fakamaaui latou e le Atua. Kotou too meia koutou le tagata agasala lena.

Lua tosi ki le kau Kolinto 10:6

E ma teuteu foki ke ma tautea a patigataa fuli, mo ka e katoa loa lakoutou fakalogo.

Lua tosi ki le kau Kolinto 12:7

Tie talie ke aua na kau makita i le fia nealasi i nea malilie ala na fakatio au e le Atua ki ai, kua tuku e ia ki loku tino se maimoa mamae ai, ko se aselo o Satana leia ke ta ia au ti mo taofi ia au ke aua na kau fia nealasi.

Lua tosi ki le kau Kolinto 13:10

Koia e kau tosi atu ai a nea ana kae kau puli ia koutou, o tupu ke aua na kau fakaaoga ia loa le makeke, mo ka kau nofo loa mo koutou, o mulimuli ki le pule leia kua soli mai e le Aliki ki le lagai kae leai ki le maumaui.

Filipe 1:6

E kau iloa papau ko leia na kamata ia ia koutou le gaoi malie lena e fakasoko ia loa a ia ke malie tukupau o kaku ki le aso o Sesu-Kilisito.

Uluaki tosi kia Timoteo 1:20

Ia latou ana e kau ai Imeneo mo Alesatelo, ala kua kau tuku kia Satana, o tupu ke la ako ai ke aua se fatituu.

Lua tosi kia Timoteo 1:18

Ke alofa le Aliki o tuku kiate ia lona manavaalofa i tafa o le Aliki i le aso lena. E ke iloa malie le lasi o nea fuli ala na fai e ia kiate au i Efeso.

Lua tosi a Petelo 3:12

Kotou talitali ti kotou gaoi ke soko vave le aso o le Atua, aso leia e maumaui ai loa e le afi le atu lagi, ti e okioki ai loa a nea o le lagi i le tutu e ula o le afi !

Uluaki tosi a Soane 5:16

Kapau e tio se tasi ki le fai e lona taina se agasala leia e leaise ave ia ki le mate, ke faikole a ia, ti e soli loa e le Atua le mauli ki le taina lena ; e soli loa e ia le mauli kia latou ala e fai ia se agasala leia e leaise ave ia ki le mate. Kae e i ai se agasala leia e ave ia ki le mate, ti e leaise kau pati atu ke faikole ki le agasala lena.